ນິວຊີແລນກຽມຂະຫຍາຍ Travel Bubble ພິຈາລະນາເປີດຮັບຜູ້ສັກວັກຊີນໂຄວິດ-19 ຄົບໂດສ ເຂົ້າປະເທດເພີ່ມຂຶ້ນ

- 1400022311482734122764794 - ນິວຊີແລນກຽມຂະຫຍາຍ Travel Bubble ພິຈາລະນາເປີດຮັບຜູ້ສັກວັກຊີນໂຄວິດ-19 ຄົບໂດສ ເຂົ້າປະເທດເພີ່ມຂຶ້ນ
- AGL banner - ນິວຊີແລນກຽມຂະຫຍາຍ Travel Bubble ພິຈາລະນາເປີດຮັບຜູ້ສັກວັກຊີນໂຄວິດ-19 ຄົບໂດສ ເຂົ້າປະເທດເພີ່ມຂຶ້ນ

ວັນທີ 13 ພຶດສະພາ 2021, ທ່ານ ນາງ ຈາຊິນດາ ອາເດິນ ນາຍົກລັດຖະມົນຕີນິວຊີແລນ ເປີດເຜີຍວ່າ: ລັດຖະບານກຽມຂະຫຍາຍ Travel Bubble ກັບປະເທດທີ່ມີຄວາມສ່ຽງຕໍ່າໃນການແຜ່ລະບາດເຊື້ອໂຄວິດ-19 ພ້ອມພິຈາລະນາເປີດຮັບຜູ້ສັກວັກຊີນຕ້ານໂຄວິດ-19 ຄົບໂດສແລ້ວເຂົ້າປະເທດເພີ່ມຂຶ້ນ ເພື່ອກັບມາເລີ່ມຕົ້ນເຊື່ອມຕໍ່ກັບປະຊາຄົມໂລກອີກ ຫລັງວິກິດໂຄວິດ-19.

ທ່າທີດັ່ງກ່າວເປັນສ່ວນໜຶ່ງຂອງແຜນຟື້ນຟູເສດຖະກິດ ແລະ ການທ່ອງທ່ຽວຂອງນິວຊີແລນອີກ ຫລັງໄດ້ຮັບຜົນກະທົບຈາກໂຄວິດ-19 ໂດຍໄລຍະທຳອິດ ນິວຊີແລນໄດ້ບັນລຸຂໍ້ຕົກລົງກັບເພື່ອນບ້ານຄືອົດສະຕຣາລີ ຂັບເຄື່ອນທຣານແທສມັນ Travel Bubble ທີ່ເປີດໂອກາດໃຫ້ພົນລະເມືອງທັງສອງປະເທດສາມາດເດີນທາງໄປມາຫາກັນໄດ້ ໂດຍບໍ່ຈຳເປັນຕ້ອງກັກຕົວ ນັບແຕ່ເດືອນເມສາຜ່ານມາ ເຊິ່ງປະສົບຜົນສຳເລັດໃນລະດັບທີ່ໜ້າພໍໃຈ ມີນັກທ່ອງທ່ຽວ 70.000 ກວ່າຄົນຈາກອົດສະຕຣາລີ ເດີນທາງມາທ່ອງທ່ຽວໃນນິວຊີແລນ. ຂະນະທີ່ນັກທ່ອງທ່ຽວຈາກນິວຊີແລນກໍເດີນທາງໄປທ່ອງທ່ຽວອົດສະຕຣາລີ 57.000 ກວ່າຄົນ.

ໂດຍໃນວັນທີ 17 ພຶດສະພານີ້, ນິວຊີແລນຈະຂະຫຍາຍ Travel Bubble ອະນຸຍາດໃຫ້ນັກທ່ອງທ່ຽວຈາກໝູ່ເກາະຄຸກ, ເຂດປົກຄອງຕົນເອງຂອງນິວຊີແລນ ໃນມະຫາສະໝຸດປາຊີຟິກຕອນໃຕ້ ເດີນທາງມານິວຊີແລນໄດ້ໂດຍບໍ່ຈຳເປັນຕ້ອງກັກຕົວ.

ຫລ້າສຸດ ທາງການນິວຊີແລນອະນຸມັດການນຳໃຊ້ວັກຊີນຕ້ານໂຄວິດ-19 ຈາກ Pfizer-BioNTech ແລ້ວ ເດີນໜ້າສັກວັກຊີນໃຫ້ບຸກຄະລາກອນທາງການແພດ ແລະ ກຸ່ມສ່ຽງ ຕັ້ງເປົ້າສັກວັກຊີນໃຫ້ໄດ້ຢ່າງໜ້ອຍ 1 ລ້ານໂດສພາຍໃນເດືອນມິຖຸນານີ້ ກ່ອນຈະຂະຫຍາຍການສັກວັກຊີນໃຫ້ພົນລະເມືອງທີ່ມີອາຍຸແຕ່ 16 ປີຂຶ້ນໄປໃນເດືອນກໍລະກົດ ໂດຍນາງຈະເປັນຫົວໜ້າຜູ້ແທນເຈລະຈາທາງດ້ານການຄ້າກັບອົດສະຕຣາລີ ກ່ອນຈະຂະຫຍາຍໄປຫາເອີຣົບ, ອາເມລິກາ, ຈີນ ແລະ ປະເທດອື່ນໆໃນອາຊີ-ປາຊີຟິກ.

- Wave100S AD to Website 2020 0 - ນິວຊີແລນກຽມຂະຫຍາຍ Travel Bubble ພິຈາລະນາເປີດຮັບຜູ້ສັກວັກຊີນໂຄວິດ-19 ຄົບໂດສ ເຂົ້າປະເທດເພີ່ມຂຶ້ນ

ຫລ້າສຸດ ນິວຊີແລນຖືເປັນປະເທດທີ່ມີອັດຕາການຕິດເຊື້ອຢູ່ໃນລະດັບຕໍ່າ, ລັດຖະບານສາມາດຄວບຄຸມສະຖານະການການແຜ່ລະບາດຂອງໂຄວິດ-19 ແລະ ເດີນໜ້າສັກວັກຊີນແລ້ວ ຍອດຜູ້ຕິດເຊື້ອສະສົມ 2.644 ຄົນ, ເສຍຊີວິດ 26 ຄົນ, ປິ່ນປົວຫາຍແລ້ວ 98% ມີຜູ້ຕິດເຊື້ອທີ່ຍັງປິ່ນປົວຢູ່ພຽງ 44 ຄົນເທົ່ານັ້ນ. ຂະນະທີ່ Our World In Data ລະບຸວ່າ: ນິວຊີແລນສັກວັກຊີນແລ້ວ 3,88 ແສນໂດສ (11 ພຶດສະພາ) ມີຊາວນິວຊີແລນປະມານ 2,5% ເຂົ້າຮັບວັກຊີນຄົບໂດສແລ້ວຈາກປະຊາກອນທັງໝົດປະມານ 5 ລ້ານຄົນ.

ອ້າງອີງ:

- WhatsApp Image 2020 05 27 at 5 - ນິວຊີແລນກຽມຂະຫຍາຍ Travel Bubble ພິຈາລະນາເປີດຮັບຜູ້ສັກວັກຊີນໂຄວິດ-19 ຄົບໂດສ ເຂົ້າປະເທດເພີ່ມຂຶ້ນ
- WhatsApp Image 2020 05 27 at 5 - ນິວຊີແລນກຽມຂະຫຍາຍ Travel Bubble ພິຈາລະນາເປີດຮັບຜູ້ສັກວັກຊີນໂຄວິດ-19 ຄົບໂດສ ເຂົ້າປະເທດເພີ່ມຂຶ້ນ
error: Alert: ເນື້ອຫາຂ່າວມີລິຂະສິດ !!