ຊົມເຊີຍ! ແພດໝໍເອົາໃຈໃສ່ປິ່ນປົວແມ່ຕູ້ 90 ປີ ທີ່ຕິດໂຄວິດຫາຍດີ ແລະ ອອກໂຮງໝໍແລ້ວ

- 45 - ຊົມເຊີຍ! ແພດໝໍເອົາໃຈໃສ່ປິ່ນປົວແມ່ຕູ້ 90 ປີ ທີ່ຕິດໂຄວິດຫາຍດີ ແລະ ອອກໂຮງໝໍແລ້ວ
- AGL banner - ຊົມເຊີຍ! ແພດໝໍເອົາໃຈໃສ່ປິ່ນປົວແມ່ຕູ້ 90 ປີ ທີ່ຕິດໂຄວິດຫາຍດີ ແລະ ອອກໂຮງໝໍແລ້ວ

ໃນວັນທີ 13 ພຶດສະພາ 2021, ແພດໝໍໂຮງໝໍເຊດຖາທິຣາດ ໄດ້ສຳເລັດການປິ່ນປົວຫາຍດີ ແລະ ອອກໂຮງໝໍ 11 ຄົນ, ໃນນັ້ນມີຜູ້ຕິດເຊື້ອອາຍຸ 90 ປີ ຊື່ແມ່ຕູ້ ລີທີຫວຽດ ສັນຊາດຫວຽດນາມ ບ້ານຢູ່ໂພນພະເນົາ ເມືອງໄຊເສດຖາ ໄດ້ເຂົ້ານອນໂຮງໝໍໃນວັນທີ 29 ເມສາ ໃນເບື້ອງຕົ້ນແມ່ນບໍ່ມີອາການສະແດງຫຍັງ ແຕ່ກວດແລ້ວພົບເຊື້ອບວກ, ເຊິ່ງຜູ້ກ່ຽວມີປະຫວັດເສັ້ນເລືອດຕີບຢູ່ສະໝອງ, ເປັນຄວາມດັນກິນຢາເປັນປະຈຳ ແຕ່ຍ້ອນຜູ້ກ່ຽວໄດ້ເຂົ້າມາໂຮງໝໍໄດ້ໄວ ຈຶ່ງເຮັດໃຫ້ບໍ່ເຂົ້າເຖິງຂັ້ນວິກິດ, ພ້ອມທັງໄດ້ປິ່ນປົວຫາຍດີ ແລະ ອອກໂຮງໝໍ ແລະ ຍັງມີເດັກນ້ອຍອາຍຸ 7 ປີຊື່ ນາງ ພອນທິດາ ຜ່ານພູວົງ ບ້ານສ້າງເຫວີຍ ເມືອງຫາດຊາຍຟອງ ຊຶ່ງ ໄດ້ເກັບຕົວຢ່າງໃນວັນທີ 26 ເມສາ ກວດພົບເຊື້ອໃນວັນທີ 28 ເມສາ ເຂົ້າມານອນໂຮງໝໍ ເຊິ່ງມາຮອດວັນທີ 13 ພຶດສະພາແມ່ນໄດ້ປິ່ນປົວຫາຍດີ ແລະ ອອກໂຮງໝໍແລ້ວ.

ທ່ານ ນາງ ຄຳຫຼ້າ ຈູມລີວົງ ຮອງຜູ້ອຳນວຍການໂຮງໝໍເຊດຖາທິຣາດ ໃຫ້ຮູ້ວ່າ: ນັບແຕ່ວັນທີ 24 ເມສາຜ່ານມາ ໂຮງໝໍເສດຖາທິຣາດ ໄດ້ຮັບຄົນເຈັບທີ່ຕິດເຊື້ອໂຄວິດ-19 ເຂົ້າມາປິ່ນປົວໃນ ໂຮງໝໍ 99 ຄົນ ແລະ ປັດຈຸບັນຍັງສືບຕໍ່ປິ່ນປົວ 13 ຄົນ, ນັບຕັ້ງແຕ່ມີຄົນເຈັບຕິດເຊື້ອໂຄວິດ-19 ເຂົ້າມາພະນັກງານແພດໝໍໄດ້ສຸມໃສ່ເປັນພິເສດໃນການຕິດຕາມ ປິ່ນປົວຄົນເຈັບຈົນຫາຍດີອອກໂຮງໝໍໄປເປັນຈຳນວນຫຼາຍ ຊຶ່ງໃນເບື້ອງຕົ້ນທີ່ຄົນເຈັບເຂົ້າມາໃນໂຮງໝໍພວກເຮົາ ໄດ້ເຮັດໜ້າທີ່ໃນການກັ່ນກອງ, ມີການສອບຖາມປະຫວັດຄົນເຈັບ, ແຍກປະເພດຄົນເຈັບ, ຖ້າຄົນເຈັບເຂົ້າ ນິຍາມກໍລະນີສົງໄສໄດ້ແນະນໍາໄປສະຖານທີ່ເກັບຕົວຢ່າງ ຖ້າຜົນກວດອອກມາເປັນລົບໄດ້ແນະນໍາຄົນເຈັບກັກໂຕ ຢູ່ເຮືອນເປັນເວລາ 14 ວັນ, ເມື່ອຜົນກວດອອກມາເປັນບວກແມ່ນໄດ້ນໍາເຂົ້າປິ່ນປົວ, ສຳລັບທີມແພດພວກ ເຮົາໄດ້ມີການກະກຽມຮອງຮັບ ຊຶ່ງໄດ້ແບ່ງອອກເປັນ 4 ທີມໝູນວຽນກັນເຮັດວຽກ ພ້ອມກຽມທີມສຸກເສີນ ເຂົ້າຊ່ວຍໃນກໍລະນີຈຳເປັນ ເພື່ອຮັບປະກັນມາດຕະການຄວາມປອດໄພຂອງແພດໝໍ ແລະ ຄວາມປອດໄພຂອງ ຄົນເຈັບ.

ທັງນີ້ໄດ້ແນະນຳວິທີປ້ອງກັນຕົນເອງໃຫ້ຄວາມຮູ້ແກ່ຄົນເຈັບ, ພ້ອມດຽວກັນນີ້ຍັງເອົາບັນຫາທີ່ພົບຕົວ ຈິງໄປປະຊຸມແລກປ່ຽນຄຳຄິດຄຳເຫັນປຶກສາຫາລືເພື່ອນໍາໄປປິ່ນປົວຄົນເຈັບ, ທາງໂຮງໝໍບໍ່ພຽງເຮັດໜ້າທີ່ປິ່ນປົວ ຄົນເຈັບຜູ້ຕິດເຊື້ອຍັງບໍລິການສັກວັກຊິນປ້ອງກັນພະຍາດ, ເພື່ອຫຼຸດຜ່ອນຄວາມຮ້າຍແຮງໃນການຕິດເຊື້ອ ພ້ອມ ນັ້ນຍັງມີລະບົບເຝົ້າລະວັງ ມີມາດຕະການກຽມພ້ອມປ້ອງກັນຕົນເອງດີທີ່ສຸດ ເພື່ອສະກັດກັ້ນການລະບາດບໍ່ໃຫ້ເຊື້ອ ແຜ່ລາມເປັນວົງກ້ວາງ.

- Wave100S AD to Website 2020 0 - ຊົມເຊີຍ! ແພດໝໍເອົາໃຈໃສ່ປິ່ນປົວແມ່ຕູ້ 90 ປີ ທີ່ຕິດໂຄວິດຫາຍດີ ແລະ ອອກໂຮງໝໍແລ້ວ

 

- lattana banner - ຊົມເຊີຍ! ແພດໝໍເອົາໃຈໃສ່ປິ່ນປົວແມ່ຕູ້ 90 ປີ ທີ່ຕິດໂຄວິດຫາຍດີ ແລະ ອອກໂຮງໝໍແລ້ວ
- lattana banner 1 - ຊົມເຊີຍ! ແພດໝໍເອົາໃຈໃສ່ປິ່ນປົວແມ່ຕູ້ 90 ປີ ທີ່ຕິດໂຄວິດຫາຍດີ ແລະ ອອກໂຮງໝໍແລ້ວ
-    AD conten website - ຊົມເຊີຍ! ແພດໝໍເອົາໃຈໃສ່ປິ່ນປົວແມ່ຕູ້ 90 ປີ ທີ່ຕິດໂຄວິດຫາຍດີ ແລະ ອອກໂຮງໝໍແລ້ວ
error: Alert: ເນື້ອຫາຂ່າວມີລິຂະສິດ !!