ສິງກະໂປເຂັ້ມງວດປ້ອງກັນໂຄວິດ ຫ້າມລວມຕົວກັນເກີນ 2 ຄົນ

- xxjpbee007368 20200527 pepfn0 scaled - ສິງກະໂປເຂັ້ມງວດປ້ອງກັນໂຄວິດ ຫ້າມລວມຕົວກັນເກີນ 2 ຄົນ
- AGL banner - ສິງກະໂປເຂັ້ມງວດປ້ອງກັນໂຄວິດ ຫ້າມລວມຕົວກັນເກີນ 2 ຄົນ

ສຳນັກຂ່າວ AFP ລາຍງານວ່າ: ຫລັງຈາກຕົວເລກຜູ້ຕິດເຊື້ອໃນສິງກະໂປເພີ່ມຂຶ້ນໃນອາທິດຜ່ານມາ ໂດຍພົບການແຜ່ລະບາດເປັນກຸ່ມກ້ອນຫລາຍກຸ່ມ ລວມທັງກຸ່ມກ້ອນຢູ່ສະໜາມບິນຊາງຊີ ເຊິ່ງມີຜູ້ຕິດເຊື້ອເຖິງ 46 ຄົນ ເຖິງວ່າກ່ອນໜ້ານີ້ສິງກະໂປເກືອບບໍ່ມີຜູ້ຕິດເຊື້ອໃໝ່ມາຫລາຍເດືອນ.

ສົ່ງຜົນໃຫ້ໃນວັນທີ 14 ພຶດສະພາ ສິງກະໂປຕ້ອງປະກາດເຂັ້ມງວດມາດຕະການຄວບຄຸມ ແລະ ປ້ອງກັນພະຍາດ ໂດຍຫ້າມຮັບປະທານອາຫານໃນຮ້ານອາຫານ ແລະ ໃຫ້ພະນັກງານເຮັດວຽກຢູ່ເຮືອນ ຕະຫລອດຈົນຫ້າມລວມກຸ່ມກັນເກີນ 2 ຄົນຈາກທີ່ເຄີຍກຳນົດໄວ້ 5 ຄົນ ເພື່ອຢັບຢັ້ງການແຜ່ລະບາດຂອງໂຄວິດ-19 ໃນພື້ນທີ່ ເຊິ່ງມາດຕະການດັ່ງກ່າວຈະມີຜົນບັງຄັບໃຊ້ນັບແຕ່ວັນທີ 16 ພຶດສະພາໄປຈົນເຖິງວັນທີ 13 ມິຖຸນາ.

ໃນອາທິດຜ່ານມາ ສິງກະໂປເລີ່ມຈຳກັດຈຳນວນການລວມກຸ່ມ ແລະ ສັ່ງປິດສູນອອກກຳລັງກາຍ ແລະ ໃນວັນທີ 13 ພຶດສະພາ ກໍມີຄຳສັ່ງຫ້າມບຸກຄົນທີ່ບໍ່ແມ່ນຜູ້ໂດຍສານເຂົ້າໄປໃນອາຄານໂດຍສານຂອງສະໜາມບິນ ແລະ ປິດຮ້ານສັບພະສິນຄ້າໃນບໍລິເວນໃກ້ຄຽງ ເພື່ອມີມາດຕະການກວດຫາເຊື້ອພະນັກງານປະມານ 9.000 ຄົນ.

ສຳລັບໂຄງການ Travel Bubble ທີ່ສິງກະໂປຈະຮ່ວມມືກັບຮົງກົງນັ້ນຄາດວ່າຈະຊັກຊ້າອອກໄປ ເນື່ອງຈາກຕົວເລກຜູ້ຕິດເຊື້ອທີ່ເພີ່ມຂຶ້ນ ຫລັງຈາກກ່ອນໜ້ານີ້ມີກຳນົດເລີ່ມຕົ້ນໂຄງການໃນວັນທີ 26 ພຶດສະພາ.

- Wave100S AD to Website 2020 0 - ສິງກະໂປເຂັ້ມງວດປ້ອງກັນໂຄວິດ ຫ້າມລວມຕົວກັນເກີນ 2 ຄົນ

Ong Ye Kung ລັດຖະມົນຕີກະຊວງຄົມມະນາຄົມຂອງສິງກະໂປ ກ່າວວ່າ: ມີຄວາມເປັນໄປໄດ້ທີ່ສິງກະໂປຈະບໍ່ສາມາດດຳເນີນການຕາມເກນທີ່ກຳນົດ ໂດຍຈະມີການພິຈາລະນາເພີ່ມຕື່ມໃນອາທິດໜ້າ.

ປັດຈຸບັນ ສະຖານະການການແຜ່ລະບາດໃນສິງກະໂປມີຕົວເລກຜູ້ຕິດເຊື້ອສະສົມປະມານ 61.000 ຄົນ ແລະ ຜູ້ເສຍຊີວິດ 31 ຄົນ.

- WhatsApp Image 2020 05 27 at 5 - ສິງກະໂປເຂັ້ມງວດປ້ອງກັນໂຄວິດ ຫ້າມລວມຕົວກັນເກີນ 2 ຄົນ
- WhatsApp Image 2020 05 27 at 5 - ສິງກະໂປເຂັ້ມງວດປ້ອງກັນໂຄວິດ ຫ້າມລວມຕົວກັນເກີນ 2 ຄົນ
error: Alert: ເນື້ອຫາຂ່າວມີລິຂະສິດ !!