ຈີນສ້າງທາງຫລວງຜ່ານຮ່ອມພູເລິກທີ່ສຸດໃນໂລກສຳເລັດ ຊ່ວຍຫລຸດເວລາເດີນທາງລົງ 8 ຊົ່ວໂມງ

- index 1 - ຈີນສ້າງທາງຫລວງຜ່ານຮ່ອມພູເລິກທີ່ສຸດໃນໂລກສຳເລັດ ຊ່ວຍຫລຸດເວລາເດີນທາງລົງ 8 ຊົ່ວໂມງ
- AGL banner - ຈີນສ້າງທາງຫລວງຜ່ານຮ່ອມພູເລິກທີ່ສຸດໃນໂລກສຳເລັດ ຊ່ວຍຫລຸດເວລາເດີນທາງລົງ 8 ຊົ່ວໂມງ

ການກໍ່ສ້າງທາງຫລວງຜ່ານ Yarlung Zangbo Grand Canyon ຮ່ອມພູເລິກທີ່ສຸດໃນໂລກ ດ້ວຍຄວາມເລິກສູງສຸດ 6.009 ແມັດ ໃນເຂດປົກຄອງຕົນເອງທິເບດ ທາງຕາເວັນຕົກສຽງໃຕ້ຂອງຈີນ ສຳເລັດສົມບູນແລ້ວໃນວັນທີ 15 ພຶດສະພາຜ່ານມາ ຫລັງຈາກໃຊ້ເວລາກໍ່ສ້າງເກືອບ 7 ປີ.

ອຸໂມງທາງຫລວງຄວາມຍາວ 2.114 ແມັດ ຖືກຂຸດເຈາະສຳເລັດໃນວັນທີ 15 ພຶດສະພາ ປິດສາກການກໍ່ສ້າງຖະໜົນໄລຍະທາງ 67,22 ກິໂລແມັດ ເຊິ່ງເຊື່ອມລະຫວ່າງບ້ານໄພ່ໃນເມືອງຫລິນຈື ແລະ ເມືອງໂມ່ທົວ ໂດຍໂຄງການນີ້ດຳເນີນໂດຍບໍລິສັດ ໄຊນ່າ ຫົວໜິງ ກຣຸບ ຈຳກັດ (Huaneng Group) ນັບແຕ່ປີ 2014 ໃຊ້ເງິນລົງທຶນ 2 ພັນລ້ານກວ່າຢວນ.

ຕູ້ຊ່ານຊຸນ ຜູ້ຈັດການບໍລິສັດ ກ່າວວ່າ: ໄຊນ່າ ຫົວໜິງ ກຣຸບ ໃຫ້ຄວາມສຳຄັນຕໍ່ການພັດທະນາທີ່ເປັນມິດຕໍ່ສິ່ງແວດລ້ອມລະຫວ່າງການກໍ່ສ້າງ ມີການຈັດສັນງົບປະມານ 110 ລ້ານຢວນ ເພື່ອປົກປ້ອງລະບົບນິເວດວິທະຍາ ແລະ ສິ່ງແວດລ້ອມທາງນໍ້າ ເຊິ່ງສູງກວ່າຕົວເລກ 75,39 ລ້ານຢວນ ຕາມວາງແຜນໄວ້.

ທາງຫລວງຜ່ານຮ່ອມພູນີ້ສ້າງຂຶ້ນໃນອະດີດເສັ້ນທາງຍ່າງປ່າລະຫວ່າງບ້ານໄພ່ ແລະ ບ້ານເປ້ຍເປີງຂອງເມືອງໂມ່ທົວ ໂດຍຈຸດສູງສຸດ ແລະ ຕໍ່າສຸດຂອງຖະໜົນມີຄວາມສູງແຕກຕ່າງກັນເຖິງ 2.892 ແມັດ.

- Wave100S AD to Website 2020 0 - ຈີນສ້າງທາງຫລວງຜ່ານຮ່ອມພູເລິກທີ່ສຸດໃນໂລກສຳເລັດ ຊ່ວຍຫລຸດເວລາເດີນທາງລົງ 8 ຊົ່ວໂມງ

ຖະໜົນເສັ້ນດັ່ງກ່າວເປັນທາງຜ່ານສຳຄັນສູ່ເມືອງໂມ່ທົວເສັ້ນທາງທີ 2 ສ້າງຂຶ້ນຫລັງສຳເລັດທາງເສັ້ນທຳອິດທີ່ເຊື່ອມລະຫວ່າງເມືອງໂມ່ທົວ ແລະ ບ້ານຈາມູ່ຂອງເມືອງໂປມີ່ ໂດຍຫລັງຈາກເປີດໃຫ້ສັນຈອນຈະເຮັດໃຫ້ຄວາມຍາວຖະໜົນລະຫວ່າງເມືອງຫລິນຈື ແລະ ເມືອງໂມ່ທົວຫລຸດເຫລືອ 180 ກິໂລແມັດ ຈາກ 346 ກິໂລແມັດ ແລະ ຫລຸດເວລາການເດີນທາງລົງ 8 ຊົ່ວໂມງ.

ອ້າງອີງ: ສຳນັກຂ່າວຊິນຮົວ

- WhatsApp Image 2020 05 27 at 5 - ຈີນສ້າງທາງຫລວງຜ່ານຮ່ອມພູເລິກທີ່ສຸດໃນໂລກສຳເລັດ ຊ່ວຍຫລຸດເວລາເດີນທາງລົງ 8 ຊົ່ວໂມງ
- WhatsApp Image 2020 05 27 at 5 - ຈີນສ້າງທາງຫລວງຜ່ານຮ່ອມພູເລິກທີ່ສຸດໃນໂລກສຳເລັດ ຊ່ວຍຫລຸດເວລາເດີນທາງລົງ 8 ຊົ່ວໂມງ
error: Alert: ເນື້ອຫາຂ່າວມີລິຂະສິດ !!