ການນຳພັກ-ລັດຮ່ວມຊົມລະຄອນເວທີເລື່ອງ “ຮ່ວມຂຸມຄອງດຽວກັນ” ສະຫລອງປີສາມັກຄີລາວ-ຫວຽດນາມ

- advert banner 728 90 728x90 - ການນຳພັກ-ລັດຮ່ວມຊົມລະຄອນເວທີເລື່ອງ “ຮ່ວມຂຸມຄອງດຽວກັນ” ສະຫລອງປີສາມັກຄີລາວ-ຫວຽດນາມ

ການສະແດງລະຄອນເວທີທີ່ມີຊື່ເລື່ອງວ່າ: “ຮ່ວມຂຸມຄອງ ດຽວກັນ” ເພື່ອສະເຫລິມສະ ຫລອງປີສາມັກຄີມິດຕະພາບ ລາວ-ຫວຽດນາມ 2017 ຄື: ວັນ ເຊັນສົນທິສັນຍາມິດຕະພາບ ແລະ ການຮ່ວມມືຮອບດ້ານ ລາວ-ຫວຽດນາມຄົບຮອບ 40 ປີ (18 ພຶດສະພາ 1977-18 ພຶດສະພາ 2017) ແລະ ວັນສ້າງ ຕັ້ງສາຍພົວພັນການທູດລາວ- ຫວຽດນາມຄົບຮອບ 55 ປີ (5 ກັນຍາ 1962-5 ກັນຍາ 2017), ໄດ້ມີຂຶ້ນໃນທ້າຍອາທິດ ຜ່ານມານີ້ທີ່ຫໍວັດທະນາທໍາ ແຫ່ງຊາດນະຄອນຫລວງວຽງ ຈັນ, ໂດຍການໃຫ້ກຽດເຂົ້າ ຮ່ວມຊົມ ຂອງທ່ານ ສອນໄຊ ສີພັນດອນ ກຳມະການກົມການ ເມືອງສູນກາງພັກ, ຮອງນາຍົກ ລັດຖະມົນຕີ, ທັງເປັນຮອງປະ ທານຄະນະກຳມະການລະດັບ ຊາດເພື່ອສະເຫລີມສະຫລອງ 2 ວັນປະຫວັດສາດລາວ- ຫວຽດ ນາມ, ມີທ່ານ ຫງວຽນບາຮຸ່ງ ເອກອັກຄະລັດຖະທູດຜູ້ມີອຳນາດ ເຕັມແຫ່ງ ສສ ຫວຽດນາມ ປະ ຈຳລາວ, ມີບັນດາການນຳພັກ- ລັດລາວ ແລະ ຫວຽດນາມຕະ ຫລອດຮອດມວນຊົນຊາວນະ ຄອນ ຫລວງວຽງຈັນ ແລະ ຊາວ ຫວຽດນາມທີ່ດຳລົງຊີວິດຢູ່ ລາວເຂົ້າຮ່ວມຊົມຢ່າງຫລວງ ຫລາຍ.

 

+ ຜູ້ນໍາພັກ-ລັດວາງກະຕ່າດອກໄມ້ຢູ່ອານຸສອນສະຖານປະຫວັດສາດສໍາຄັນຂອງຊາດເນື່ອງໃນໂອກາດວັນສ້າງຕັ້ງພັກຄົບຮອບ 62 ປີ

+ ລາວ-ຫວຽດນາມ-ກຳປູເຈຍ ເພີ່ມທະວີການຮ່ວມມືວຽກງານແນວໂຮມ

+ ລາວ-ຫວຽດນາມແລກປ່ຽນບົດຮຽນ ວຽກງານແຜນການ-ການເງິນ

- 1 1 - ການນຳພັກ-ລັດຮ່ວມຊົມລະຄອນເວທີເລື່ອງ “ຮ່ວມຂຸມຄອງດຽວກັນ” ສະຫລອງປີສາມັກຄີລາວ-ຫວຽດນາມ
- Tiger Head 728x90 - ການນຳພັກ-ລັດຮ່ວມຊົມລະຄອນເວທີເລື່ອງ “ຮ່ວມຂຸມຄອງດຽວກັນ” ສະຫລອງປີສາມັກຄີລາວ-ຫວຽດນາມ

 

 

ເນື້ອໃນຂອງລະຄອນ ເລື່ອງດັ່ງກ່າວໄດ້ສ່ອງແສງໃຫ້ ເຫັນມູນເຊື້ອແຫ່ງການພົວພັນ ມິດຕະພາບ, ຄວາມສາມັກຄີ ແບບພິເສດ ແລະ ການຮ່ວມ ມືຮອບດ້ານລະຫວ່າງລາວ- ຫວຽດ ນາມ, ເຊິ່ງເປັນປັດໄຈພື້ນ ຖານ ຕັດສິນໄຊຊະນະຂອງການ ປະຕິວັດຂອງສອງປະເທດ, ທັງ ສະແດງໃຫ້ເຫັນຄວາມຮູ້ບຸນຄຸນ ຂອງພັກ-ລັດຖະບານ ແລະ ປະ ຊາຊົນບັນດາເຜົ່າຂອງ ທັງ ສອງຊາດລາວ ແລະ ຫວຽດນາມທີ່ ໄດ້ໃຫ້ການສະໜັບສະໜູນຊ່ວຍ ເຫລືອເຊິ່ງກັນ ແລະ ກັນໃນພາ ລະກິດຕໍ່ສູ້ເພື່ອຄວາມເປັນເອກະ ລາດຂອງຊາດກໍຄືພາລະກິດປົກປັກຮັກສາ ແລະ ສ້າງສາພັດ ທະນາປະເທດຊາດໃນປັດຈຸບັນ, ນອກນີ້ໃນລະຄອນເລື່ອງດັ່ງ ກ່າວຍັງສະທ້ອນໃຫ້ເຫັນນ້ຳໃຈ ເສຍສະຫລະອັນສູງສົ່ງຂອງ ນັກຮົບປະຕິວັດຂອງຊາດລາວ ແລະ ຫວຽດນາມ ທີ່ຕໍ່ສູ້ບໍ່ຍອມ ຈຳນົນ, ບໍ່ຍອມເສຍດິນດອນ ຕອນຫຍ້າ ແລະ ປະເທດຊາດ ອັນແສນຮັກໃຫ້ພວກຈັກກະພັດ ຕ່າງດ້າວທີ່ມາຮຸກຮານ ແລະ ພວກລູກແຫລ່ງຕີນມືປະຕິການ ຂາຍຊາດ ແລະ ສະແດງໃຫ້ເຫັນ ນ້ຳໃຈມິດຕະພາບ, ເສຍສະ ຫລະອັນສູງສົ່ງຂອງນັກຮົບ ອາສາສະໝັກຫວຽດນາມອ້າຍ ນ້ອງທີ່ມາປະຕິບັດໜ້າທີ່ຢູ່ປະ ເທດລາວເໝືອນດັ່ງປະຕິບັດໜ້າທີ່ຢູ່ປະ ເທດຂອງຕົນເອງ, ເຊິ່ງ ການສະແດງໄດ້ສ້າງຄວາມປະທັບໃຈໃຫ້ແກ່ຜູ້ຊົມເປັນຢ່າງດີ, ໂດຍການປະພັນ ແລະ ກໍາກັບ ການສະແດງຂອງທ່ານຫົງລະ ຄອນທຸມພະລາສິນລະປິນດີເດັ່ນ ແລະ ໃຊ້ນັກສະແດງຫລາຍ ກວ່າ 80 ຄົນ.

ການສະແດງລະຄອນ ດັ່ງກ່າວຈັດຂຶ້ນໂດຍການຮ່ວມມືຈາກກົມສິລະປະການສະແດງກະຊວງຖະແຫລງຂ່າວ, ວັດທະ ນາທຳ ແລະ ທ່ອງທ່ຽວ, ສະມາ ຄົມສິລະປິນລາວ, ສະຖານທູດ ຫວຽດນາມປະຈຳລາວ, ສູນ ວັດທະນະທຳຫວຽດນາມປະ ຈຳລາວ, ສະມາຄົມໃຫຍ່ຊາວ ຫວຽດນາມປະຈຳລາວ ແລະ ສະມາຄົມຊາວຫວຽດນາມນະຄອນຫລວງວຽງຈັນ ແລະ ກະຊວງປ້ອງ ກັນປະເທດ.

error: Content is protected !!