Working Smart (ການ​ເຮັດ​ວຽກ​ຢ່າງ​ຊານ​ສະ​ຫລາດ)

- 012903 2021 - Working Smart (ການ​ເຮັດ​ວຽກ​ຢ່າງ​ຊານ​ສະ​ຫລາດ)
- AGL banner - Working Smart (ການ​ເຮັດ​ວຽກ​ຢ່າງ​ຊານ​ສະ​ຫລາດ)

ການ​ປະ​ສົບ​ຄວາມ​ສຳ​ເລັດ​ໃນ​ວຽກ​ບໍ່​ໄດ້​ຢູ່​ບ່ອ​ນ​ວ່າ​ທ່ານ​ເຮັດ​ວຽກ​ໜັກ​ປານ​ໃດ, ແຕ່​ຢູ່​ບ່ອນ​ວ່າ​ທ່ານ​ເຮັດ​ວຽກ​ໄດ້​ຢ່າ​ງ​ຊານ​ສະ​ຫລາດ ຫລື Smart ປານ​ໃດ, ຢ່າ​ພະ​ຍາ​ຍາມ​ພຽງ​ແຕ່​ເຮັດ​ໂຕ​ໃຫ້​ເປັນ​ຄົນ​ວຽກ​ຫລາ​ຍ​ຕະ​ຫລອດ​ເວ​ລາ ຄື​ກັບ​ມົດ​ທີ່​ມັນ​ແລ່ນ​ວຸ້ນໆ, ແຕ່​ຄວນ​ຈະ​ຮູ້​ວ່າ​ທ່ານ​ກຳ​ລັງ​ຫຍຸ້ງ​ຍາກ​ຢູ່​ກັບ​ເລື່ອງ​ຫຍັງ​ແທ້.

ການ​ຈັດ​ສັນ​ເວ​ລາ​ການ​ເຮັດ​ວຽກ ຄົນ​ເຮົາ​ອາດ​ຈະ​ແບ່ງ​ໄດ້ 5 ຮູບ​ແບບ ລອງ​ເບິ່ງວ່າທ່ານ​ຈັດ​ຢູ່​ໃນ​ຮູບ​ແບບ​ໃດ ດັ່ງ​ນີ້ :

- 042903 2021 300x157 - Working Smart (ການ​ເຮັດ​ວຽກ​ຢ່າງ​ຊານ​ສະ​ຫລາດ)

- Wave100S AD to Website 2020 0 - Working Smart (ການ​ເຮັດ​ວຽກ​ຢ່າງ​ຊານ​ສະ​ຫລາດ)
  1. ເຮັດ​ສິ່ງ​ທີ່​ຮີບ​ດ່ວນ ຫລື ສຽງ​ດັງ​ກ່ອນ (Urgent – Loud things first) : ໃນ​ຊີ​ວິດ​ການ​ເຮັດ​ວຽກ​ຂອງ​ເຮົາ ເຮົາ​ກໍ​ຕ້ອງ​ພົບ​ກັບ​ສຽງວິ​ພາກວິ​ຈານ ຫລື ຮຽກ​ຮ້ອງ​-ຮ້ອງ​ຂໍ​ຕ່າໆ​ທີ່​ເຂົ້າ​ມາ ເຊິ່ງ​ແຕ່​ລະ​ເລື່ອງ​ກໍ​ບອກວ່າ​ເປັນ​ເລື່ອງ​ດ່ວນໆ​ທັງ​ໝົດ ຫລື ເປັນ​ເລື່ອງ​ທີ່​ມາ​ຈາກ​ຄົນ​ທີ່​ມີ​ສຽງ​ດັງ, ບາງ​ຢ່າງ​ກໍ​ເປັນ​ເລື່ອ​ງ​ຮີບ​ດ່ວນ​ແທ້ໆ​ທີ່​ເຮົາ​ຄວນ​ໃຫ້​ເວ​ລາ​ກັບ​ມັນ, ແຕ່​ຫລາຍ​ເທື່ອ​ມັນ​ກໍ​ບໍ່​ຮີບ​ດ່ວນ​ແທ້. ດັ່ງ​ນັ້​ນ, ເຮົາ​ຕ້ອງ​ຮຽນ​ຮູ້​ທີ່​ຈະ​ເຂົ້າ​ໃຈ​ຢ່າງ​ແທ້​ຈິງວ່າ​ເລື່ອງ​ໃດ​ທີ່​ເຮົາ​ສົມ​ຄວນ​ໃຫ້​ເວ​ລາ​ກັບ​ມັນ ເລື່ອງ​ໃດ​ທີ່​ຄົນ​ອື່ນ​ສາ​ມາດ​ເຮັດ​ໄດ້ ຫລື ເລື່ອງ​ໃດ​ທີ່ບໍ່​ວ່າ​ໃຫ້​ເວ​ລາ​ກັບ​ມັນ​ຫລາຍ​ປານ​ໃດ​ກໍ​ບໍ່​ເກີດ​ປະ​ໂຫຍດ, ໄຈ້​ແຍກ​ໃຫ້​ໄດ້​ວ່າ​ເລື່ອງ​ໃດ​ດ່ວນ​ແທ້ ຫລື ບໍ່​ດ່ວນ​ແທ້.
  2. ເຮັດ​ສິ່ງ​ຍາກໆ​ກ່ອນ (Unpleasant-Hard things first) : ບາງ​ເທື່ອ​ຄົນ​ເຮົາ​ກໍ​ມີ​ເຫດ​ຈູງ​ໃຈ​ທີ່​ຄິດ​ວ່າ​ການ​ເຮັດ​ວຽກ​ຍາກໆ​ກ່ອນ​ເປັນ​ສິ່ງ​ທີ່​ຖືກ​ຕ້ອງ ຫລື ທ້າ​ທາຍ. ດັ່ງ​ນັ້ນ, ທຳ​ມະ​ຊາ​ດ​ຂອງ​ຄົນ​ນັ້ນ​ກໍ​ຄື​ຈະ​ເອົາ​ສິ່ງ​ທີ່​ຍາກ​ໄວ້​ຢູ່​ເທິງ​ສຸດ​ຂອງ​ລາຍ​ການ​ວຽກ​ທີ່​ຕ້ອງ​ເຮັດ, ແຕ່​ກ່ອນ​ທີ່​ຈະ​ເລີ່ມ​ເຮັດ​ວຽກ​ຍາກໆ​ນັ້ນ ໃຫ້​ຄິດ​ເຖິງ​ຄຸນ​ຄ່າ​ຂອງ​ສິ່ງນັ້ນ​ກ່ອນ ຖ້າ​ເຮົາ​ພົບ​ວ່າ​ການ​ທີ່​ເຮົາ​ໄປ​ເຮັດ​ວຽກ​ທີ່​ງ່າຍ​ກ່​ວາ​ກ່ອນນັ້ນ​ເປັນ​ການ​ໃຊ້​ເວ​ລາ​ຂອງ​ເຮົາ​ທີ່​ກຸ້ມ​ຄ່າ​ກ່​ວາ​ກໍ​ເຮັດ​ສິ່ງນັ້ນ​ກ່ອນ​ເລີຍ ຢ່າ​ຟ້າວ​ໄປ​ຈົມ​ຢູ່​ກັບ​ວຽກ​ຍາກໆ​ເລີຍ.
  3. ເຮັດ​ສິ່ງ​ທີ່​ຍັງ​ຄ້າງ​ຄາ​ກ່ອນ (Unfinished – Last things first) : ຖ້າ​ຄົນ​ເຮົາ​ເຮັດ​ວຽກ​ແບບມື້​ຕໍ່​ມື້ໃນ​ຕາ​ຕະ​ລາງ ເຮົາ​ກໍ​ຈະ​ພົບ​ວ່າ​ວຽກ​ໃນ​ລາຍ​ການ​ຫາງ​ບ່າວສ່ວນ​ຫລາຍນັ້ນ​ໄດ້​ເຮັດ​ໄປ​ແລ້ວ ຈະ​ເຫລືອແຕ່​ວ​ຽກ​ສ່ວນ​ໜ້ອຍ​ທີ່​ຢູ່​ທ້າຍໆ​ທີ່​ອາດ​ຈະ​ຍັງ​ບໍ່​ໄດ້​ເຮັດ ເຊັ່ນ : ມີ​ວຽກ​ທີ່​ຕ້ອງ​ເຮັດ 10 ຢ່າງ ມື້ນີ້​ເຮັດ​ໄປ​ແລ້ວ 8 ຢ່າງ ເຫລືອ​ອີກ 2 ຢ່າງ​ທີ່ບໍ່​ໄດ້​ເຮັດ​ໃນ​ມື້ນີ້ ເຮົາ​ຈະ​ເຮັດ​ແນວ​ໃດ​ດີ ….. ໂອ​ກາດ​ກໍ​ຄື ຄົນ​ເຮົາ​ຈະ​ເອົາ 2 ວຽກ​ທີ່​ເຫລືອ​ໄປ​ເຮັດ​ກ່ອນ​ອື່ນໆ​ໃນ​ມື້​ຕໍ່​ໄປ ເຊິ່ງ​ບາງ​ເທື່ອ​ມັນ​ບໍ່​ແມ່ນ​ວິ​ທີ​ການ​ໃຊ້​ເວ​ລາ​ທີ່​ດີ​ທີ່​ສຸດ. ສາ​ເຫດ​ຍ້ອນ​ສິ່ງ​ທີ່​ຢູ່​ທ້າຍໆ​ຂອງ​ລາຍ​ການ​ທີ່ບໍ່​ໄດ້​ເປັນ​ວຽ​ກ​ສຳ​ຄັນ​ຂອງມື້ນັ້ນ ທີ່​ເຮົາ​ບໍ່​ໄດ້​ເຮັດ​ກໍ​ບໍ່​ໜ້າ​ຈະ​ເປັນ​ວຽກ​ສຳ​ຄັນ​ກ່​ວາ​ກັນ ຖ້າບໍ່​ສຳ​ຄັນ​ກໍ​ເອົາ​ໃສ່​ຕໍ່​ທ້າຍ​ລາ​ຍ​ການ​ໄປ​ວ່າ​ເປັນ​ວຽກ​ທີ່​ຄວນ​ເຮັດ​ທ້າຍໆອີກ ແລ້ວ​ເຮົາ​ໄປ​ເຮັດ​ວຍກ​ທີ່​ສຳ​ຄັນ​ກ່​ວາ​ກ່ອນ.
  4. ເຮັດ​ສິ່ງ​ທີ່ບໍ່​ຕ້ອງ​ໃຊ້​ສະ​ໝອງ​ກ່ອນ(Unfulfilling-Dull things first) : ໃນ​ບັນ​ດາ 5 ຮູບ​ແບບນັ້ນ ແບບນີ້​ອາດ​ຈະ​ເປັນ​ແບບ​ທີ່​ຄົນ​ທົ່ວ​ໄປ​ໃຊ້​ເວ​ລາ ກໍ​ຄື ການ​ເຮັດ​ວຽກ​ງ່າຍໆ​ທີ່ບໍ່​ຄ່ອຍ​ໄດ້​ໃຊ້​ສະ​ໝອງ​ຫລາຍ​ປານ​ໃດ ຫລື ວຽກ​ໜ້າ​ເບື່ອ ກ່ອນ​ທີ່​ຈະ​ເລີ່​ມ​ເຮັດ​ວຽກ​ສຳ​ຄັນໆ ເຊັ່ນ : ອ່ານ​ອີ​ເມ​ລ, ສົ່ງແຟັກ ຫລື ກັອບ​ປີ້​ເອ​ກະ​ສານ… ເຖິງວ່າ​ວຽກ​ເຫລົ່າ​ນີ້​ເປັນ​ວຽກ​ທີ່​ຕ້ອງ​ເຮັດ ແຕ່​ມັນ​ກໍ​ບໍ່​ໜ້າ​ຈະ​ເປັນ​ວຽກ​ທີ່​ມີ​ຄວາມ​ສຳ​ຄັນ​ສູງ. ເວົ້າ​ກັນ​ວ່າ ເຫດ​ຜົນ​ທີ່​ເປົ້າ​ໝາຍ​ຫລັກໆ​ບໍ່​ບັນ​ລຸ ກໍ​ຍ້ອນ​ຄົນ​ເຮົາ​ໄປ​ເສຍ​ເວ​ລາ​ເຮັດ​ສິ່ງ​ທີ່​ສົມ​ຄວນ​ເຮັດ​ຕາມ​ຫລັງ​ກ່ອນ ແທນ​ທີ່​ຈະ​ໂດດ​ເຂົ້າ​ໄປ​ເຮັດ​ວຽກ​ທີ່​ສຳ​ຄັນ​ທີ່​ສຸດ​ກ່ອນ.
  5. ເຮັດ​ສິ່ງ​ທີ່​ສຳ​ຄັນ​ທີ່​ສຸດ​ກ່ອນ (Untimate-First things first) : ໂດຍ​ປົກ​ກະ​ຕິ​ພວກ​ເຮົາ​ໃຊ້​ເວ​ລາ​ໃຫ້​ກັບ​ສິ່ງ​ທີ່​ສຳ​ຄັນ​ທີ່​ສຸດ​ກ່ອນ​ຫລືບໍ່ ? ບໍ່​ວ່າ​ເຮົາ​ຈະ​ເຮັດ​ມັນ​ກ່ອນ, ເຮັດ​ອັນ​ດັບ​ສອງ ຫລື ເຮັດ​ມັນ​ໃນ​ອັນ​ດັບ​ສຸດ​ທ້າຍ ບໍ່​ວ່າ​ເວ​ລາ​ໃດ​ກໍ​ຕາມ​ທີ່​ເຮົາ​ເຮັດ ມັນ​ກໍ​ສຳ​ເລັດ​ໄດ້​ດ້ວຍ​ໂຕ​ເຮົາ ຂໍ​ໃຫ້​ເຮົາ​ທຸກ​ຄົນ​ຕັ້ງ​ໃຈ​ທີ່​ຈະ​ໃຫ້​ເວ​ລາ​ທີ່​ດີ​ທີ່​ສຸດ​ຂອງ​ເຮົາ​ຕັ້ງ​ແຕ່​ຕອນນີ້​ ແລະ ໃນ​ອະ​ນາ​ຄົດ​ກັບ​ວຽກ​ທີ່​ສຳ​ຄັນ​ທີ່​ສຸດ​ກ່ອນ.
  • ເຖິງວ່າ​ມັນ​ອາດ​ຈະ​ເບິ່ງ​ໜ້າ​ຍ້ອງ​ຍໍ​ຊົມ​ເຊີຍ​ໃນ​ການ​ທີ່​ເຮົາ​ດຸ​ໝັ່ນ​ຂະ​ຫຍັນ​ພຽງ ແລະ ເຮັດ​ວຽກ​ໜັກ, ແຕ່​ການ​ເຮັດ​ວຽກ​ຢ່າງ​ຊານ​ສະ​ຫລາດ​ເປັນ​ສິ່ງ​ທີ່​ໜ້າ​ຈະ​ດີ​ກ່​ວາ. ການ​ທີ່​ເຮົາຈະ​ປະ​ສົບ​ຄວາມ​ສຳ​ເລັດ​ບໍ່​ແມ່ນ​ຢູ່​ບ່ອນ​ການ​ທີ່​ເຮົາ​ກວດ​ເຊັກ​ວຽກ​ໃນ​ລາຍ​ການ​ວ່າ​ເຮັດ​ຄົບ​ຕາມ​ລາຍ​ການ​ໃນ​ແຕ່​ລະ​ມື້​ຫລື​ຍັງ, ເຮົາ​ຈັດ​ລຽງ​ລຳ​ດັບ​ຄວາມ​ສຳ​ຄັນ​ຂອງ​ເວ​ລາ​ຂອງ​ເຮົາ​ເພື່ອ​ເຮັດ​ໃຫ້​ບັນ​ລຸ​ເປົ້າ​ໝາຍ​ສຳ​ຄັນ​ຂອງ​ເຮົາ​ໄດ້​ຢ່າງ​ມີ​ປະ​ສິດ​ທິ​ພາບ​ແລ້ວ​ຫລື​ຍັງ.
- WhatsApp Image 2020 05 27 at 5 - Working Smart (ການ​ເຮັດ​ວຽກ​ຢ່າງ​ຊານ​ສະ​ຫລາດ)
- WhatsApp Image 2020 05 27 at 5 - Working Smart (ການ​ເຮັດ​ວຽກ​ຢ່າງ​ຊານ​ສະ​ຫລາດ)
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!