ໂລ​ກ​ຮ້ອນ : 5 ເຫດ​ຜົນ​ທີ່​ປີ 2021 ອາດ​ເປັນ​ຈຸດ​ປ່ຽນ​ໃນ​ການ​ແກ້​ໄຂ​ບັນ​ຫາ​ການ​ປ່ຽນ​ແປງ​ສ​ະ​ພາບ​ອາ​ກາດ

- 032602 2021 -   ໂລ​ກ​ຮ້ອນ : 5 ເຫດ​ຜົນ​ທີ່​ປີ 2021 ອາດ​ເປັນ​ຈຸດ​ປ່ຽນ​ໃນ​ການ​ແກ້​ໄຂ​ບັນ​ຫາ​ການ​ປ່ຽນ​ແປງ​ສ​ະ​ພາບ​ອາ​ກາດ
- AGL banner -   ໂລ​ກ​ຮ້ອນ : 5 ເຫດ​ຜົນ​ທີ່​ປີ 2021 ອາດ​ເປັນ​ຈຸດ​ປ່ຽນ​ໃນ​ການ​ແກ້​ໄຂ​ບັນ​ຫາ​ການ​ປ່ຽນ​ແປງ​ສ​ະ​ພາບ​ອາ​ກາດ

ຖ້າ​ຢາກ​ຫລີກ​ເວັ້ນ​ຜົນ​ກະ​ທົບ​ທີ່​ຮຸນ​ແຮງ​ທີ່​ສຸດ​ຂອງ​ການ​ປ່ຽນ​ແປງ​ສະ​ພາບ​ອາ​ກາດ ຫລາຍ​ປະ​ເທດ​ຄົງ​ຕ້ອງ​ລົງ​ມື​ເຮັດ​ຫຍັງ​ຈັກ​ຢ່າງ​ພາຍ​ໃນ​ເວ​ລາ​ອັນ​ຈຳ​ກັດ ນີ້​ແມ່ນ 5 ເຫດ​ຜົນ​ທີ່​ວ່າ ເປັນ​ຫຍັງ​ປີ 2021 ອາດ​ເປັນ​ປີ​ທີ່​ມີ​ຄວາມ​ສຳ​ຄັນ​ຍິ່ງ​ໃນ​ການ​ຕໍ່​ສູ້​ກັບ​ບັນ​ຫາ​ໂລ​ກ​ຮ້ອນ.

  1. ກອງ​ປະ​ຊຸມ​ໃຫຍ່​ວ່າ​ດ້ວຍ​ເລື່ອງ​ສະ​ພາບ​ອາ​ກາດ : ໃນ​ເດືອນ​ພະ​ຈິກ 2021 ຜູ້​ນຳ​ໂລກ​ຈະ​ມາ​ໂຮມ​ໂຕ​ກັນ​ໃນ​ເມືອງກ​ລາ​ສ​ໂກ​ຂອງ​ສະ​ກັອດ​ແລນ ເພື່ອ​ຮ່ວມ​ປະ​ຊຸມ​ໃນ​ກອງ​ປະ​ຊຸມ​ສະ​ຫະ​ປະ​ຊາ​ຊາດ​ວ່າ​ດ້ວຍ​ການ​ປ່ຽນ​ແປງ​ສະ​ພາບ​ອາ​ກາດ ຫລັງ​ຈາກ​ທີ່​ເຄີຍ​ຮ່ວມ​ປະ​ຊຸມ​ກັນ​ໃນ​ນະ​ຄອນ​ຫລວງ​ປາ​ຣີ ປະ​ເທດ​ຝ​ຣັ່ງ ໃນ​ປີ ກອງ​ປະ​ຊຸມ​ໃນ​ນະ​ຄອນ​ຫລວງ​ປາ​ຣີ ມີ​ຄວາມ​ສຳ​ຄັນ​ຢ່າງ​ຍິ່ງ ເນື່ອງ​ຈາກ​ເປັນ​ຄັ້ງ​ທຳ​ອິກ​ທີ່​ທຸກ​ຊາດ​ໃນ​ໂລກ​ຕົກ​ລົງ​ຫາ​ລື​ກັນ​ວ່າ​ທຸກ​ປະ​ເທດ​ຈຳ​ເປັນ​ຕ້ອງ​ຊ່ວຍ​ກັນ​ຈັດ​ການ​ກັບ​ບັນ​ຫານີ້. ບັນ​ຫາ​ກໍ​ຄື ຄຳ​ໝັ້ນ​ສັນ​ຍາ​ທີ່​ປະ​ເທດ​ຕ່າງໆ​ໃຫ້​ໄວ້​ວ່າ​ຈະ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ ຍັງ​ຄົງ​ຫ່າງ​ໄກ​ຈາກ​ເປົ້າ​ໝາຍ​ທີ່​ກຳ​ນົດ​ໄວ້​ໃນ​ກອງ​ປະ​ຊຸມ​ຄັ້ງ​ນັ້ນ​ຫລາຍ. ໃນ​ກອງ​ປະ​ຊຸມ​ຄັ້ງ​ດັ່ງ​ກ່າວ ປະ​ຊາ​ຄົມ​ໂລກ​ເຫັນ​ດີ​ຮ່ວມ​ກັນ​ວ່າ​ຕ້ອງ​ຫລີກ​ເວັ້ນ​ຜົນ​ກະ​ທົບ​ທີ່​ຮຸນ​ແຮງ​ທີ່​ສຸດ​ຈາກ​ບັນ​ຫາ​ການ​ປ່ຽນ​ແປງ​ສະ​ພາບ​ອາ​ກາດ ໂດຍ​ການ​ພະ​ຍາ​ຍາມ​ຄວບ​ຕຸມ​ອຸນ​ຫະ​ພູມ​ໂລກ​ໃຫ້​ເພີ່ມ​ຂຶ້ນບໍ່​ເກີນ 2 ອົງ​ສາ​ຈາກ​ໄລ​ຍະ​ກ່ອນ​ຍຸກ​ອຸດ​ສາ​ຫະ​ກຳ​ໃຫ້​ໄດ້ ຈົນ​ກ່​ວາ​ຈະ​ສິ້ນ​ສຸດ​ສະ​ຕະ​ວັດ​ນີ້ ເປົ້າ​ໝາຍ​ແມ່ນ 1,5 ອົງ​ສາ ຫາ​ກ​ເປັນ​ໄປ​ໄດ້, ແຕ່​ເຮົາ​ຍັງ​ຫ່າງ​ໄກຈາ​ກ​ແຜນນັ້ນ​ຢູ່​ຫລາຍ ເນື່ອງ​ຈາກ​ມີ​ການ​ຄາດ​ການ​ວ່າ​ອຸນ​ຫະ​ພູມ​ໂລກ​ຈະ​ສູງ​ຂຶ້ນ​ກາຍ​ເພ​ດານ 1,5 ອົງ​ສາ​ພາຍ​ໃນ​ເວ​ລາ 12 ປີ ຫລື ໄວ​ກ່​ວານັ້ນ ແລະ ຈະ​ເຖິງ 3 ອົງ​ສາ ພາຍ​ໃນ​ສະ​ຕະ​ວັດ​ນີ້. ຂໍ້​ຕົກ​ລົງ​ຂອງກອງ​ປະ​ຊຸມ​ຢູ່​ປາ​ຣີ ປະ​ເທດ​ຕ່າງໆ​ສັນ​ຍາ​ວ່າ​ຈະ​ກັບ​ມາ​ຫາ​ລື​ກັນ​ທຸກໆ 5 ປີ ແລະ ເພີ່ມ​ຄວາມ​ພະ​ຍາ​ຍາມ​ໃນ​ການ​ຫລຸດ​ການ​ປ່ອຍນ​ແກ໊ສ​ກາກ​ໂບ​ນິກ, ແຕ່​ທຳ​ອິດ​ການ​ປ​ະ​ຊຸມ​ມີ​ກຳ​ນົດ​ຈັດ​ຂຶ້ນ​ໃນ​ເມືອງກ​ລາ​ສ​ໂກ ເດືອນພະ​ຈິກ 2020, ແຕ່​ການ​ລະ​ບາດ​ໃຫຍ່​ຂອງ​ໂຄວິດ – 19 ເຮັດ​ໃຫ້​ຕ້ອງ​ເລື່ອນ​ຈັດ​ກອງ​ປະ​ຊຸມມ​າ​ເປັນ​ປີນີ້​ແທນ. ດັ່ງ​ນັ້ນ, ກອງ​ປະ​ຊຸມ​ໃນ​ເມືອງກ​ລາ​ສ​ໂກ​ໃນ​ປີນີ້​ຈະ​ເປັນ​ເວ​ທີ​ທີ່​ມີ​ການ​ຫາ​ລື​ກັນ​ເຖິງ​ຄວາມ​ເປັນ​ໄປ​ໄດ້​ໃນ​ການ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ​ຍິ່ງ​ກ່​ວາ​ເກົ່າ.
  2. ປະ​ເທດ​ຕ່າງໆ​ໄດ້​ລົງ​ນາມ​ໃນ​ການ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ​ແລ້ວ : ເກີດ​ຄວາມ​ຄືບ​ໜ້າ​ຂຶ້ນ​ຢ່າງ​ເຫັນ​ໄດ້​ແຈ້ງ ເມື່ອ​ຖ​ະ​ແຫລ​ການ​ທີ່​ສຳ​ຄ​ຄັນ​ທີ່​ສຸດ​ເລື່ອ​ງ​ການ​ປ່ຽນ​ສະ​ພາບ​ອາ​ກາດ​ໂລກ​ເມື່ອ​ປີ​ກາຍນີ້​ເກີດ​ຂື້ນ​ໂດຍບໍ່​ມີ​ໃຜ​ຄາດ​ຄິດ. ໃນ​ກອງ​ປະ​ຊຸມ​ສະ​ໄໝ​ສາ​ມັນ​ໃຫຍ່​ແຫ່ງ​ປະ​ຊາ​ຊາດ​ໃນ​ເດືອນ​ກັນ​ຍາ 2020 ປະ​ທາ​ນາ​ທິ​ບໍ​ດີ ສີ ຈິ້ນ​ຜິງ ຂອງ​ຈີນ ປະ​ກາດ​ວ່າ ຈີນ​ຕັ້ງ​ເປົ້າ​ທີ່​ຈະ​ເຮັດ​ໃຫ້​ການ​ປ່ອຍ​ແກ໊ສ​ກາກ​ໂບ​ນິກ​ເປັນ 0 ພາຍ​ໃນ​ປີ ບັນ​ດາ​ນັ​ກ​ສິ່ງ​ແວດ​ລ້ອມ​ລ້ວນ​ຕົກ​ຕະ​ລຶງ​ໄປ​ຕາມໆ​ກັນ ເນື່ອງ​ຈາກ​ການ​ປ່ອຍ​ແກ໊ສ​ກາກ​ໂບ​ນິກ​ມັກ​ຖືກ​ເບິ່ງວ່າ​ເປັນ​ເປົ້າ​ໝາຍ​ທີ່​ຕ້ອງ​ແລກ​ມາ​ດ້ວຍ​ລາ​ຄາ​ແພງ, ແຕ່​ປະ​ເທດ​ທີ່​ປ່ອຍ​ແກ໊ສ​ກາກ​ໂບ​ນິກ​ຫລາຍ​ທີ່​ສຸດ​ໃນ​ໂລກ​ປະ​ມານ 28% ຂອງ​ການ​ປ່ອຍ​ທັງ​ໝົດ​ດັ່ງ​ຈີນ ໄດ້​ປະ​ກາດ​ໃຫ້​ຄຳ​ໝັ້ນ​ໂດຍບໍ່​ມີ​ເງື່ອນ​ໄຂວ່າ​ຈະ​ຫລຸດ​ແກ໊ສ​ກາກ​ໂບ​ນິກ​ໃຫ້​ເປັນ 0 ບໍ່​ວ່າ​ປະ​ເທດ​ອື່ນ​ຈະ​ເຮັດ​ນຳ​ຫລືບໍ່ ນັ້ນ​ເປັນ​ທ່າ​ທີ​ທີ່​ປ່ຽນ​ໄປ​ຢ່າງ​ສິ້ນ​ເຊີງ​ຈາກ​ການ​ເຈ​ລະ​ນາ​ກັນ​ໃນ​ອະ​ດີດ ທີ່​ທຸກ​ຄົນ​ລ້ວນ​ຢ້ານ​ວ່າ​ຕົ້ນ​ທຶນ​ຂອງ​ຕົນ​ຈະ​ສູງ​ຂຶ້ນ​ຫາກ​ຢາກ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ. ໃນ​ຂະ​ນະ​ທີ່​ຄົນ​ອື່ນໆ​ໄດ້​ຮັບ​ປະ​ໂຫຍດ​ຈາກ​ການ​ປ່ຽນ​ແປງ​ສະ​ພາບ​ອາ​ກາດ​ໂດຍບໍ່​ຕ້ອງ​ລົງ​ທຶນ​ເຮັດ​ຫຍັງ​ເລີຍ. ບໍ່​ແມ່ນ​ແຕ່​ຈີນ​ເທົ່າ​ນັ້ນ ອັງ​ກິດ​ເປັນ​ປະ​ເທດ​ທີ່​ມີ​ລະ​ບົບ​ເສດ​ຖະ​ກິດ​ຂະ​ໜາດ​ໃຫຍ່​ແຫ່ງ​ທຳ​ອິດ​ໃນ​ໂລກ​ທີ່​ໃຫ້​ຄຳ​ໝັ້ນ​ວ່າ​ຈະ​ຫລຸດ​ການ​ປ່ອຍ​ແກ໊ສກ​າກ​ໂບ​ນິກ​ຈົນ​ເປັນ 0 ເມື່ອ​ເດືອນ​ມິ​ຖຸ​ນາ 2019. ຈາກນັ້ນ ສະ​ຫະ​ພາບ​ເອີ​ຣົບ​ຈຶ່ງ​ປະ​ກາດ​ຕາມ​ມາ​ໃນ​ເດືອນ​ມີ​ນາ 2020 ນັບ​ຈາກນັ້ນ ຍີ່​ປຸ່ນ ແລະ ເກົ​າ​ຫລີໃຕ້ ກໍ​ຮ່ວມ​ໃຫ້​ຄຳ​ໝັ້ນ​ນຳ ເຊິ່ງ​ສະ​ຫະ​ປະ​ຊາ​ຊາດ​ປະ​ເມີນ​ວ່າ​ປັດ​ຈຸ​ບັນ​ມີ​ຫລາຍ​ກ່​ວາ 110 ປະ​ເທດ​ທີ່​ຕັ້ງ​ເປົ້າ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ​ເປັນ 0 ພາຍ​ໃນ​ໄລ​ຍະ​ສະ​ຕະ​ວັດ​ນີ້ ໂດຍ​ປະ​ເທດ​ເຫລົ່າ​ນີ້​ປ່ອຍ​ແກ໊ສ​ກາກ​ໂບ​ນິກ​ລວມ​ກັນ​ຫລາຍ​ກ່​ວາ 65% ຂອງ​ທົ່ວ​ໂລກ ແລະ ມີ​ຂະ​ໜາດ​ເສດ​ຖະ​ກິດ​ສູງ​ກ່​ວາ 70% ຂອງ​ທົ່ວ​ໂລກ.

ທ່ານ ໂຈ ໄບ​ເດນ ທີ່​ຊະ​ນະ​ການ​ເລືອກ​ຕັ້ງ​ປະ​ທາ​ນາ​ທິ​ບໍ​ດີ​ສະ​ຫະ​ລັດ​ອາ​ເມ​ລິ​ກາ ປະ​ເທດ​ທີ່​ມີ​ລະ​ບົບ​ເສດ​ຖະ​ກິດ​ໃຫຍ່​ທີ່​ສຸດ​ໃນ​ໂລກ ໄດ້​ຕັດ​ສິນ​ໃຈ​ກັບ​ເຂົ້າ​ມາ​ຮ່ວມ​ໃນ​ເສັ້ນ​ທາງ​ການ​ຫລຸດ​ການ​ປ່​ອຍ​ແກ໊ສ​ກາກ​ໂບ​ນິກ​ອີກ​ຄັ້ງ. ຂະ​ນະ​ນີ້​ປະ​ເທດ​ຕ່າງໆ​ເຫລົ່າ​ນີ້​ຈຳ​ເປັນ​ຕ້ອງ​ໃຫ້​ລາຍ​ລະ​ອຽດ​ກ່ຽວ​ກັບ​ແຜນ​ການ​ຂອງ​ຕົນ​ເອງວ່າ​ຈະ​ບັນ​ລຸ​ເປົ້າ​ໝາຍ​ທີ່​ທ້​າ​ທາຍນີ້​ໄດ້​ແນວ​ໃດ ນັ້ນ​ແມ່ນ​ສ່ວນ​ສຳ​ຄັນ​ຂອງວາ​ລະ​ກອງ​ປະ​ຊຸມ​ທີ່​ຈະ​ເກີດ​ຂຶ້ນ​ໃນ​ເມືອງກ​ລາ​ສ​ໂກ, ແຕ່​ການ​ທີ່​ປະ​ເທດ​ຕ່າງໆ​ອອກ​ມາ​ບອກວ່າ ຢາກ​ຈະ​ໄປ​ໃຫ້​ເຖິງ​ເປົ້າ​ໝາຍນັ້ນ​ກໍ​ຖື​ເປັນ​ການ​ປ່ຽນ​ແປງ​ທີ່​ສຳ​ຄັນ​ຢ່າງ​ຍິ່ງ​ແລ້ວ.

- Wave100S AD to Website 2020 0 -   ໂລ​ກ​ຮ້ອນ : 5 ເຫດ​ຜົນ​ທີ່​ປີ 2021 ອາດ​ເປັນ​ຈຸດ​ປ່ຽນ​ໃນ​ການ​ແກ້​ໄຂ​ບັນ​ຫາ​ການ​ປ່ຽນ​ແປງ​ສ​ະ​ພາບ​ອາ​ກາດ
  1. ປັດ​ຈຸ​ບັນ​ພະ​ລັງ​ງານ​ໝູນ​ວຽນ​ມີ​ລາ​ຄາ​ຖືກ​ທີ່​ສຸດ : ມີ​ເຫດ​ຜົນ​ທີ່​ດີ​ປະ​ການ​ໜຶ່ງ​ທີ່​ເຮັດ​ໃຫ້​ຫລາຍ​ປະ​ເທດ​ກຳ​ລັງ​ວາງ​ແຜນ​ທີ່​ຈະ​ເຮັດ​ໃຫ້​ການ​ປ່ອຍ​ແກ໊ສກ​າກ​ໂບ​ນິກ​ເປັນ 0 ນັ້ນ​ກໍ​ຄື ຕົ້ນ​ທຶນ​ພະ​ລັງ​ງານ​ໝູນ​ວຽນ​ທີ່​ຫລຸດ​ລົງ​ຢ່​າງ​ຫລາຍ​ກຳ​ລັງ​ຈະ​ປ່ຽນ​ແປງ​ການ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ​ໄປ​ຢ່າງ​ສິ້​ນ​ເຊີງ. ໃນ​ເດືອນ​ຕຸ​ລາ 2020 ທ​ະ​ບວງ​ພະ​ລັງ​ງານ​ລະ​ຫ່​ວາງ​ປະ​ເທດ (International Energy Agency) ສະ​ຫລຸບ​ວ່າ ປັດ​ຈຸ​ບັນ​ນ​ໂຄງ​ການ​ພະ​ລັງ​ງານ​ແສງ​ຕາ​ເວັນ​ທີ່​ດີ​ທີ່​ສຸດ ເປັນ​ແຫ່​ລງ​ພະ​ລັງ​ງານ​ໄຟ​ຟ້າ​ທີ່​ມີ​ຖືກ​ທີ່​ສຸດ​ໃນ​ປະ​ຫວັດ​ສາດ. ພະ​ລັງ​ງານ​ໝູນ​ວຽນ​ມັກ​ຈະ​ຖືກ​ກ່​ວາ​ພະ​ລັງ​ງານ​ເຊື້ອ​ໄຟ​ຢູ່​ແລ້ວ​ໃນ​ປະ​ເທດ​ສ່ວນ​ຫລາຍ ເມື່ອ​ຕ້ອງ​ມີ​ການ​ສ້າງ​ໂຮງ​ງານ​ໄຟ​ຟ້າ​ແຫ່ງ​ໃໝ່​ຫລາຍ​ແຫ່ງ. ຖ້າ​ປະ​ເທດ​ຕ່າງໆ​ໃນ​ໂລກ​ຫັນ​ມາ​ເພີ່ມ​ການ​ລົງ​ທຶນ​ໃນ​ພະ​ລັງ​ງານ​ລົມ, ພະ​ລັງ​ງານ​ແສງ​ຕາ​ເວັນ ແລະ ແບັດ​ເຕີ​ຣີ ໃນ​ປີ 2-3 ປີຂ້າງ​ໜ້າ ລາ​ຄາ​ອາດ​ຈະ​ຫລຸດ​ຕ່ຳ​ລົງ​ໄປ​ອີກ​ຈົນ​ເຖິງ​ຈຸດ​ທີ່​ຖືກ​ຫລາຍ​ເຖິງ​ຂັ້ນ​ທີ່​ເຮັດ​ໃຫ້​ມີ​ການ​ປິດ​ໂຮງ​ໄຟ​ຟ້າ​ພະ​ລັງ​ງານ​ແກ໊ສ ຫລື ຖ່ານ​ຫີນ ໂດຍ​ນຳ​ພະ​ລັງ​ງານ​ໝູນ​ວຽນ​ເຫລົ່າ​ນັ້ນ​ມາ​ໃຊ້​ໃນ​ດ້ານ​ພາ​ນິດ​ແທນ​ໄດ້ ນັ້ນ​ເປັນ​ຍ້ອນ​ວ່າ​ຕົ້ນ​ທຶນ​ຂອງ​ພະ​ລັງ​ງານ​ໝູນ​ວຽນ​ໄປ​ຕາມ​ການ​ຜະ​ລິດ ຍິ່ງ​ຜະ​ລິດ​ຫລາຍ​ກໍ​ຍິ່ງ​ມີ​ລາ​ຄາ​ຖືກ​ລົງ ເປັນ​ການ​ຊຸກ​ຍູ້​ໃຫ້​ເກີດ​ການ​ຜະ​ລິດ​ຫລາຍ​ຂຶ້ນ ລາ​ຄາ​ກໍ​ຈະ​ຍິ່ງ​ຖືກ​ລົງ​ຕື່ມ​ອີກ ແລ້ວ​ເມື່ອ​ລາ​ຄາ​ຍິ່ງ​ຖືກ​ລົງ ກໍ​ຍິ່ງ​ມີ​ການ​ຜະ​ລິດ​ພະ​ລັງ​ງານ​ໝູນ​ວຽນ​ເຫລົ່າ​ນີ້​ເພີ່ມ​ຂຶ້ນ. ເລື່ອງນີ້​ຈະ​ສົ່ງ​ຜົນ​ໃຫ້​ນັກ​ເຄື່ອນ​ໄຫວ​ດ້ານ​ສິ່ງ​ແວດ​ລ້ອມບໍ່​ຕ້ອງ​ບີບ​ບັງ​ຄັບ​ນັກ​ລົງ​ທຶນ​ໃຫ້​ເຮັດ​ໃນ​ສິ່ງ​ທີ່​ຖືກ​ຕ້ອງ​ອີກ​ຕໍ່​ໄປ ເພາະ​ນັກ​ລົງ​ທຶນ​ກໍ​ເຮັດ​ຕາມ​ຜົນ​ຕອບ​ແທນ​ທີ່​ໄດ້​ຢູ່​ແລ້ວ ສ່ວນ​ລັດ​ຖະ​ບານ​ຕ່າງໆ​ຮູ້​ວ່າ​ການ​ເພີ່ມ​ພະ​ລັງ​ງານ​ໝູນ​ວຽນ​ໃນ​ລະ​ບົບ​ເສດ​ຖະ​ກິດ​ຂອງ​ຕົນ​ເອງ​ຈະ​ເປັນ​ການ​ເລັ່ງ​ໃຫ້​ມີ​ກາ​ນ​ປ່ຽນ​ແປງ​ການ​ໃຊ້​ພະ​ລັງ​ງານ​ຂອງ​ໂລກ ໂດຍ​ການ​ເຮັດ​ໃຫ້​ພ​ະ​ລັງ​ງານ​ໝູນ​ວຽນ​ມີ​ລາ​ຄາ​ຖືກ​ລົງ ແລະ ສາ​ມາດ​ແຂ່ງ​ຂັນ​ໄດ້​ໃນ​ທຸກ​ບ່ອນ.
  2. ໂຄວິດ-19 ປ່ຽນ​ແປງ​ທຸກ​ສິ່ງ : ການ​ລະ​ບາດ​ຂອງ​ໂຄວິດ-19 ສັ່ນ​ຄອນ​ຄວາມ​ຮູ້​ສຶກ​ໝັ້ນ​ຄົງ​ປອດ​ໄພ​ຂອງ​ເຮົາ ແລະ ຍ້ຳ​ເຕືອນ​ເຮົາ​ວ່າ​ໂລກ​ຂອງ​ເຮົາ​ອາດ​ພະ​ເຊີນ​ກັບ​ເຫດ​ການ​ຕ່າງໆ​ທີ່ບໍ່​ຄາດ​ຄິດ​ທີ່​ເຮົາ​ບໍ່​ສາ​ມາດ​ຄວ​ບ​ຄຸມ​ໄດ້. ການ​ລະ​ບາດ​ຂອງ​ໂຄວິດ-19 ສົ່ງ​ຜົນ​ກະ​ທົບ​ຕໍ່​ເສດ​ຖະ​ກິດ​ຢ່າງ​ຮຸນ​ແຮງ​ທີ່​ສຸດ​ນັບ​ຕັ້ງ​ແຕ່​ສະ​ພາບ​ເສດ​ຖະ​ກິດ​ຕົກ​ຕ່ຳ​ຄັ້ງ​ໃຫຍ່​ທົ່ວ​ໂລກ​ໃນ​ໄລ​ຍະ​ທົດ​ສະ​ວັດ 1930 ລັດ​ຖະ​ບານ​ຕ່າງໆ​ໄດ້​ອອກ​ມາດ​ຕະ​ການ​ກະ​ຕຸ້ນ​ເສດ​ຖະ​ກິດ​ຂອງ​ຕົນ​ເອງ​ຫລາຍ​ຢ່າງ ຂ່າວ​ດີ​ກໍ​ຄື ການ​ລົງ​ທຶນ​ເຫລົ່າ​ນີ້​ມີ​ຕົ້ນ​ທຶນ​ທີ່​ຕ່ຳ​ລົງ​ຫລາຍ ອັດ​ຕາ​ດອກ​ເບ້ຍ​ທົ່ວ​ໂລກ​ເກີນ 0% ພຽງ​ເລັກ​ໜ້ອຍ ຫລື ອາດ​ຈະ​ຕິດ​ລົບ​ກໍ​ມີ ເຮັດ​ໃຫ້​ເກີດ​ໂອ​ກາດ​ໃນ​ການ​ພັດ​ທະ​ນາ​ໃຫ້​ດີ​ຂຶ້ນ​ຢ່າງ​ທີ່ບໍ່​ເຄີຍ​ເກີດ​ຂຶ້ນ​ມາ. ສະ​ຫະ​ພາບ​ເອີ​ຣົບ ແລະ ລັດ​ຖະ​ບານ​ໃໝ່​ຂອງ​ສະ​ຫະ​ລັດ​ອາ​ເມ​ລິ​ກາ ພາຍ​ໃຕ້​ການ​ນຳ​ຂອງ ໂຈ ໄບ​ເດນ ຮັບ​ປ​າກ​ແລ້ວ​ວ່າ​ຈະ​ລົງ​ທຶນ​ໃນ​ໂຄງ​ການ​ທີ່​ເປັນ​ມິດ​ຕໍ່​ສິ່ງ​ແວດ​ລ້ອມ​ຫລາຍ​ລ້ານໆ​ໂດ​ລາ​ສະ​ຫະ​ລັດ ເພື່ອ​ເຮັດ​ໃຫ້​ລະ​ບົບ​ເສດ​ຖະ​ກິດ​ຂອງ​ສະ​ຫະ​ລັດ​ອາ​ເມ​ລິ​ກາ ແລະ ສະ​ຫະ​ພາບ​ເອີ​ຣົບ​ເປັນ​ໂຕ​ກະ​ຕຸ້ນ​ຂະ​ບວນ​ການ​ໃຫ້​ເກີດ​ການ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ​ລົງ​ຈົນ​ກາຍ​ເປັນ ທັງ​ສະ​ຫະ​ລັດ​ອາ​ເມ​ລິ​ກາ ແລະ ສະ​ຫະ​ພາບ​ເອີ​ຣົບ ຫວັງ​ວ່າ​ປະ​ເທດ​ອື່ນໆ​ຈະ​ເຂົ້າ​ຮ່ວມ​ກັບ​ພວກ​ເຂົາ​ນຳ ເພື່ອ​ຊ່ວຍ​ຊຸກ​ຍູ້​ໃຫ້​ຕົ້ນ​ທຶນ​ຂອງ​ພະ​ລັງ​ງານ​ໝູນ​ວຽນ​ທົ່ວ​ໂລກ​ຫລຸດ​ຕ່ຳ​ລົງ​ໄປ​ຕື່ມ​ອີກ, ແຕ່​ພວກ​ເຂົາ​ກຳ​ລັງ​ເຕືອນ​ເຊັ່ນ​ກັນ​ວ່າ ນອກ​ຈາກ​ມາດ​ຕະ​ການນີ້​ແລ້ວ ທັງ​ສະ​ຫະ​ລັດ​ອາ​ເມ​ລິ​ກາ ແລະ ສະ​ຫະ​ພາບ​ເອີ​ຣົບ​ມີ​ແຜນ​ທີ່​ຈະ​ເກັບ​ພາ​ສີ​ນຳ​ເຂົ້າ​ກັບ​ປະ​ເທດ​ທີ່​ປ່ອຍ​ແກ໊ສ​ກາກ​ໂບ​ນິກ​ຫລາຍ​ເກີນ​ໄປ​ນຳ​ອີກ. ການ​ເຮັດ​ແບບນີ້​ອາດ​ຊ່ວຍ​ກະ​ຕຸ້ນ​ໃຫ້​ປະ​ເທດ​ທີ່​ລ່າ​ຊ້າ​ໃນ​ການ​ຕັດ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ ດັ່ງ ເບ​ຣ​ຊິ​ລ, ຣັ​ສ​ເຊຍ, ອົ​ສ​ຕ​ຣາ​ລີ ແລະ ຊາ​ອຸ​ດິ​ອາ​ຣະ​ບີ ໃຫ້​ກັບ​ມາ​ເລັ່ງ​ມື​ໃຫ້​ທັນ​ປະ​ເທດ​ອື່ນ. ຂ່າວ​ຮ້າຍ​ກໍ​ຄື ສະ​ຫະ​ປະ​ຊາ​ຊາດ​ລະ​ບຸ​ວ່າ ປະ​ເທດ​ທີ່​ພັດ​ທະ​ນາ​ແລ້ວ​ຫລາຍ​ປະ​ເທດ​ກຳ​ລັງ​ໃຊ້​ຈ່າຍ​ໃນ​ພາກ​ສ່ວນ​ທີ່​ກ່ຽວ​ຂ້ອງ​ກັບ​ເຊື້ອ​ໄຟ​ຫລາຍ​ກ່​ວາ​ພ​ະ​ລັງ​ງານ​ກາກ​ໂນ​ບິກ​ຕ່ຳ ປະ​ມານ 50%.
  3. ທຸ​ລະ​ກິດ​ຕ່າງໆ​ກໍ​ໃສ່​ໃຈ​ຕໍ່​ສິ່ງ​ແວດ​ລ້ອມ​ຄື​ກັນ : ການ​ຫລຸດ​ຕ່ຳ​ລົງ​ຂອງ​ຕົ້ນ​ທຶນ​ພະ​ລັງ​ງານ​ໝູນ​ວຽນ ແລະ ການ​ກົດ​ດັນ​ຈາກ​ປະ​ຊາ​ຊົນ​ທີ່​ເພີ່ມ​ຫລາຍ​ຂຶ້ນ​ໃຫ້​ມີ​ການ​ຈັດ​ການ​ເລື່ອງ​ສະ​ພາບ​ອາ​ກາດ ກຳ​ລັງ​ເຮັດ​ໃຫ້​ພາກ​ທຸ​ລະ​ກິດ​ປ່ຽນ​ແປງ​ທັດ​ສະ​ນະ​ຄະ​ຕິ​ໃນ​ເລື່ອງນີ້ ມີ​ເຫດ​ຜົນ​ທາງ​ການ​ເງິນ​ສະ​ໜັບ​ສະ​ໜູນ​ການ​ເຮັດ​ແບບນີ້​ຫລາຍ​ປະ​ການ ເຊັ່ນ : ເປັນ​ຫຍັງ​ຕ້ອງ​ລົງ​ທຶນ​ໃນ​ບໍ່​ຂຸດ​ນ້ຳ​ມັນ​ໃໝ່ ຫລື ໂຮງ​ງານ​ໄຟ​ຟ້າ​ພະ​ລັງ​ງານ​ຖ່ານ​ຫີນ​ໃໝ່​ທີ່​ກຳ​ລັງ​ຈະ​ຕົກ​ຍຸກ​ໄປ​ກ່ອນ​ທີ່​ຈະ​ສ້າງ​ຜົນ​ຕອບ​ແທນ​ກັບ​ຄືນ​ມາ​ຈາກ​ການ​ໃຊ້​ງານ​ໄດ້​ດົນ 20 – 30 ປີ. ເປັນ​ຫຍັງ​ຕ້ອງ​ໃຫ້​ເລື່ອງ​ແກ໊ສ​ກາກ​ໂບ​ນິກ​ສົ່ງ​ຜົນ​ເສຍ​ຕໍ່​ການ​ລົງ​ທຶນ​ຂອງ​ພວກ​ເຂົາ ເລື່ອງນີ້​ກຳ​ລັງ​ສົ່ງ​ຜົນ​ໃຫ້​ເຫັນ​ໃນ​ຕະ​ຫລາດ​ແລ້ວ ສະ​ເພາະ​ປີນີ້​ພຽງ​ປີນີ້ ລາ​ຄາ​ຫຸ້ນ​ທີ່​ສູງ​ຂຶ້ນ​ຂອງ​ເທ​ສ​ລາ (Tesla) ເຮັດ​ໃຫ້​ບໍ​ລິ​ສັດ​ນີ້​ກາຍ​ເປັນ​ບໍ​ລິ​ສັດ​ລົດ​ທີ່​ມີ​ມູນ​ຄ່າ​ຫລ​າຍ​ທີ່​ສຸດ​ໃນ​ໂລກ​ໄປ​ແລ້ວ. ຂ​ະ​ນະ​ທີ່​ລາ​ຄາ​ຫຸ້ນ​ຂອງ​ເອັກ​ຊອນ (Exxon) ເຊິ່ງ​ເຄີຍ​ເປັນ​ບໍ​ລິ​ສັດ​ທີ່​ມີ​ມູນ​ຄ່າ​ສູງ​ທີ່​ສຸດ​ໃນ​ໂລກ​ຫລຸດ​ຕ່ຳ​ລົງ​ຢ່າງ​ຫລາຍ​ຈົນ​ຕ່ຳ​ກ່​ວາ​ຄ່າ​ສະ​ເລ່ຍ​ຂອງ​ບໍ​ລິ​ສັດ​ຂະ​ໜາດ​ໃຫຍ່​ຂອງ​ສະ​ຫະ​ລັດ​ອາ​ເມ​ລິ​ກາ​ໃນ​ດັດ​ຊະ​ນີ​ອຸດ​ສາ​ຫະ​ກຳ​ດາວ​ໂຈນ. ໃນ​ເວ​ລາ​ດຽວ​ກັນ ກໍ​ມີ​ການ​ຊຸກ​ຍູ້​ເພີ່ມ​ຂຶ້ນ​ໃຫ້​ທຸ​ລະ​ກິດ​ຕ່າງໆ​ຕ້ອງ​ພິ​ຈາ​ລະ​ນາ​ເຖິງ​ຄວາມ​ສ່ຽງ​ດ້ານ​ສະ​ພາບ​ອາ​ກາດ​ເມື່ອ​ຕ້ອງ​ມີ​ການ​ຕັດ​ສິນ​ໃຈ​ທາງ​ການ​ເງິນ​ນຳ ເປົ້າ​ໝາຍ​ກໍ​ຄື​ການ​ສ້າງ​ຂໍ້​ບັງ​ຄັງ​ໃຫ້​ພາກ​ທຸ​ລະ​ກິດ​ ແລະ ນັກ​ລົງ​ທຶນ​ຕ້ອງ​ສະ​ແດງ​ໃຫ້​ເຫັນ​ວ່າ ສິ່ງ​ທີ່​ພວກ​ເຂົາ​ເຮັດ ແລະ ການ​ລົງ​ທຶນ​ຕ່າງໆ​ກຳ​ລັງ​ດຳ​ເນີນ​ໄປ​ໃນ​ທິດ​ທາງ​ສູ່​ການ​ເຮັດ​ໃຫ້​ໂລກ​ປອດ​ແກ໊ສ​ກາກ​ໂບ​ນິກ. ທະ​ນາ​ຄານ​ກາງ 70 ປະ​ເທດ ກຳ​ລັງ​ຮ່ວມ​ມື​ກັນ​ໃນ​ການ​ເຮັດ​ໃຫ້​ເລື່ອງນີ້​ເກີດ​ຂຶ້ນ ແລະ ການ​ນຳ​ຂໍ້​ກຳ​ນົດ​ເຫລົ່າ​ນີ້​ໄປ​ໃຊ້​ກັບ​ສະ​ຖາ​ບັນ​ການ​ເງິນ​ຕ່າງໆ​ໃນ​ລະ​ບົບ​ຈະ​ເປັນ​ອີກ​ປະ​ເດັນ​ສຳ​ຄັນ​ໃນ​ກອງ​ປະ​ຊຸມ​ຢູ່ກ​ລາ​ສ​ໂກ​ນຳ ເຖິງ​ຈະ​ມີ​ຄວາມ​ຫວັງ ແຕ​ຕ່​ກໍ​ຍັງ​ຫ່າງ​ໄກ​ຈາ​ກ​ການ​ເຮັດ​ໃຫ້​ຂໍ້​ຕົກ​ລົງ​ນີ້​ເກີດ​ຂຶ້ນ ສ່ວນ​ໂອ​ກາດ​ທີ່​ຈະ​ເຮັດ​ໄດ້​ຕາມ​ເປົ້າ​ໝາຍ​ການ​ຄວບ​ຄຸມ​ອຸນ​ຫະ​ພູມ​ໂລກ​ບໍ່​ເກີນ 1,5 ອົງ​ສາ ຄະ​ນະ​ກຳ​ມະ​ການ​ລ​ະ​ຫ່​ວາງ​ລັດ​ຖະ​ບານ​ວ່າ​ດ້ວຍ​ການ​ປ່ຽນ​ແປງ​ສະ​ພາ​ບ​ອາ​ກາດ (Intergovernmental Panel on Climate Change — IPCC) ​ລະ​ບຸ​ວ່າ ເຮົາ​ຈຳ​ເປັນ​ຕ້ອງ​ຫລຸດ​ການ​ປ່ອຍ​ແກ໊ສກ​າກ​ໂບ​ນິກ​ລົງ​ໃຫ້​ໄດ້​ເຄິ່ງ​ໜຶ່ງ​ພາຍ​ໃນ​ປີ 2030 ແລະ ເຖິງວ່​າ​ຈະ​ມີ​ຫລາຍ​ປະ​ເທດ​ສະ​ແດງ​ຄວາ​ມ​ຕ້ອງ​ກາ​ນ​ທີ່​ຈະ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ​ລົງ​ຢ່າງ​ຫລາຍ ແຕ່​ມີ​ພ​ຽງ​ບໍ່​ເທົ່າ​ໃດ​ປະ​ເທດ​ທີ່​ມີ​ການ​ອອກ​ກົນ​ລະ​ຍຸດ​ຕ່າງໆ​ມາ​ໃຊ້​ເພື່ອ​ເຮັດ​ໃຫ້​ໄດ້​ຕາມ​ເປົ້າ​ໝາຍນັ້ນ ຄວາມ​ທ້າ​ທາຍ​ໃນ​ກອງ​ປະ​ຊຸມ​ຢູ່ກ​ລາ​ສ​ໂກ​ກໍ​ຄື ການ​ເຮັດ​ໃຫ້​ຊາ​ດ​ຕ່າງໆ​ທົ່ວ​ໂລກ​ເຂົ້າ​ຮ່ວມ​ນະ​ໂຍ​ບາຍ​ຕ່າງໆ​ທີ່​ຈະ​ຊ່ວຍ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ​ໃນ​ປັດ​ຈຸ​ບັນ ສະ​ຫະ​ປະ​ຊາ​ຊາດ​ລະ​ບຸ​ວ່າ ຢາກ​ໃຫ້​ຖ່ານ​ຫີນ​ຫາຍ​ໄປ ແລະ ຍຸ​ຕິ​ການ​ອຸດ​ໜູນ​ການ​ໃຊ້​ເຊື້ອ​ໄຟ​ຈາກ​ຟ​ອ​ສ​ຊິ​ລ ແລະ ຢາກ​ຈະ​ເຫັນ​ຄວາມ​ຮ່ວມ​ມື​ກັນ​ຂອງ​ທົ່ວ​ໂລກ​ໃນ​ການ​ຫລຸດ​ການ​ປ່ອຍ​ແກ໊ສ​ກາກ​ໂບ​ນິກ​ລົງ​ຈົນ​ເຫລືອ 0 ໃນ​ປີ 2050 ນັ້ນ​ຄົງ​ເປັນ​ເປົ້າ​ໝາຍ​ທີ່​ທ້າ​ທາຍ​ຫລາຍ ເຖິງວ່າ​ໂລກ​ຈະ​ຮູ້​ສຶກ​ຫລາຍ​ຂຶ້ນ​ແລ້ວ​ວ່າ​ຈຳ​ເປັນ​ຕ້ອງ​ຮ່ວມ​ກັນ​ຮັບ​ມື​ກັບ​ບັ​ນ​ຫາ​ໂລກ​ຮ້ອນ​ກໍ​ຕາມ.
- WhatsApp Image 2020 05 27 at 5 -   ໂລ​ກ​ຮ້ອນ : 5 ເຫດ​ຜົນ​ທີ່​ປີ 2021 ອາດ​ເປັນ​ຈຸດ​ປ່ຽນ​ໃນ​ການ​ແກ້​ໄຂ​ບັນ​ຫາ​ການ​ປ່ຽນ​ແປງ​ສ​ະ​ພາບ​ອາ​ກາດ
- WhatsApp Image 2020 05 27 at 5 -   ໂລ​ກ​ຮ້ອນ : 5 ເຫດ​ຜົນ​ທີ່​ປີ 2021 ອາດ​ເປັນ​ຈຸດ​ປ່ຽນ​ໃນ​ການ​ແກ້​ໄຂ​ບັນ​ຫາ​ການ​ປ່ຽນ​ແປງ​ສ​ະ​ພາບ​ອາ​ກາດ
error: Alert: ເນື້ອຫາຂ່າວມີລິຂະສິດ !!