ແຂວງຜົ້ງສາລີ ສໍາເລັດການປິ່ນປົວ ຜູ້ຕິດເຊື້ອໂຄວິດ 19 ທັງໝົດ ໃນວັນທີ 18 ພຶດສະພາ 2021

- 63749014 f528 4e1e be9a 96109ccbfe71 - ແຂວງຜົ້ງສາລີ ສໍາເລັດການປິ່ນປົວ ຜູ້ຕິດເຊື້ອໂຄວິດ 19 ທັງໝົດ ໃນວັນທີ 18 ພຶດສະພາ 2021
- AGL banner - ແຂວງຜົ້ງສາລີ ສໍາເລັດການປິ່ນປົວ ຜູ້ຕິດເຊື້ອໂຄວິດ 19 ທັງໝົດ ໃນວັນທີ 18 ພຶດສະພາ 2021

ທີມແພດໂຮງໝໍແຂວງຜົ້ງສາລີ ໄດ້ປະສົບຜົນສຳເລັດໃນການປິ່ນປົວຜູ້ຕິດເຊື້ອພະຍາດໂຄວິດ-19 ທັງໝົດ 4 ກໍລະນີຂອງແຂວງ, ໃນຕອນເຊົ້າຂອງວັນທີ 18 ພຶດສະພາ 2021 ນີ້, ຢູ່ທີ່ໂຮງໝໍແຂວງຜົ້ງສາລີ ໄດ້ຈັດພິທີສົ່ງຜູ້ທີ່ຕິດເຊື້ອພະຍາດໂຄວິດ 19 ທັງ 4 ກໍລະນີຢູ່ແຂວງຜົ້ງສາລີ ຂື້ນຢ່າງເປັນທາງການ. ໂດຍການເຂົ້າຮ່ວມຂອງທ່ານ ດຣ ບຸນສາລີ ຈີດດາພອນ ຫົວໜ້າພະແນກສາທາລະນະສຸກແຂວງ, ທ່ານ ດຣ ຄຳເພັດ ຈອມອຸ່ນມີໄຊ ອຳນວຍການໂຮງໝໍແຂວງພ້ອມດ້ວຍແພດ, ໝໍ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ຕາມການລາຍງານຂອງ ທ່ານ ດຣ ຄຳເພັດ ຈອມອຸ່ນມີໄຊ ອຳນວຍການໂຮງໝໍແຂວງໃຫ້ຮູ້ວ່າ: ນັບແຕ່ວັນທີ 26 ເມສາ 2021 – ວັນທີ 5 ພືດສະພາ 2021 ແຂວງຜົ້ງສາລີພົບຜູ້ຕິດເຊື້ອໂຄວິດ 19 ຈຳນວນ 4 ຄົນ ແລະ ໄດ້ເຂົ້າມາຮັບການປີ່ນປົວຢູ່ໂຮງໝໍແຂວງ ນັບແຕ່ ວັນທີ 26 ເມສາ ຈົນເຖີ່ງ ວັນທີ 18 ພືດສະພາ 2021 ແມ່ນສາມາດປີ່ນປົວຄົນເຈັບໄດ້ທັງໝົດ.

– ສຳລັບກໍລະນີ ທີ່ 1 ແມ່ນແພດຊາຍ ອາຍຸ 23 ປີ ຢູ້ບ້ານກອງຂຸ່ມ, ເມືອງສຳພັນ, ແຂວງຜົ້ງສາລີ, ເປັນນັກສືກສາ ປີ 3 ສາຂາອັກສອນສາດ ຢູ່ແຂວງຟູຈ່ຽງ, ສ ປ ຈີນ. ຜູ້ກ່ຽວໄດ້ປີ່ນປົວ ຢູ່ໂຮງໝໍແຂວງ ເປັນເວລາ 15 ວັນ ແຕ່ວັນທີ 27 ເມສາ – 12 ພຶດສະພາ 2021.

– ກໍລະນີ ທີ 2 ແມ່ນແພດຊາຍ ອາຍຸ 38 ປີ ຢູ່ບ້ານ ໂພນແກ້ວ ເມືອງ ແລະ ແຂວງຜົ້ງສາລີ, ຜູ້ກ່ຽວໄດ້ປີ່ນປົວ ຢູ່ໂຮງໝໍແຂວງ ເປັນເວລາ 19 ວັນ ແຕ່ວັນທີ 29 ເມສາ – 18 ພຶດສະພາ 2021.

– ກໍລະນີ ທີ 3 ແມ່ນແພດຍີງ ອາຍຸ 45 ປີ ຢູ່ບ້ານ ໂພນສະອາດ ເມືອງ ແລະ ແຂວງຜົ້ງສາລີ, ຜູ້ກ່ຽວໄດ້ປີ່ນປົວ ຢູ່ໂຮງໝໍແຂວງ ເປັນເວລາ 14 ວັນ ແຕ່ວັນທີ 5 – 18 ພຶດສະພາ 2021.

- Wave100S AD to Website 2020 0 - ແຂວງຜົ້ງສາລີ ສໍາເລັດການປິ່ນປົວ ຜູ້ຕິດເຊື້ອໂຄວິດ 19 ທັງໝົດ ໃນວັນທີ 18 ພຶດສະພາ 2021

– ກໍລະນີ ທີ 4 ແມ່ນແພດຍີງ ອາຍຸ 40 ປີ ຢູ່ບ້ານ ໂນນສະຫ່ວາງ ເມືອງບຸນເໜືອ, ແຂວງຜົ້ງສາລີ, ຜູ້ກ່ຽວໄດ້ປີ່ນປົວ ຢູ່ໂຮງໝໍແຂວງ ເປັນເວລາ 14 ວັນ ແຕ່ວັນທີ 5 – 18 ພຶດສະພາ 2021.
ສຳລັບການປິ່ນປົວຢູ່ທີ່ໂຮງໝໍແຂວງຜົ້ງສາລີ ແມ່ນທີມແພດໄດ້ເອົາໃຈໃສ່ປິ່ນປົວ, ຕິດຕາມອາການຂອງຄົນເຈັບຢ່າງເປັນປົກກະຕິ ແລະ ຕໍ່ເນື່ອງ, ຜ່ານການກວດຫາເຊື້ອຈຳນວນ 3 ຄັ້ງ, ອາການຂອງຜູ້ກ່ຽວທັງໝົດກໍ່ປົກກະຕິ ບໍ່ມີໄຂ້, ໄອ,ຈາມ, ບໍ່ເມື່ອຍ, ບໍ່ຫາຍໃຈຜືດ, ກິນ-ດື່ມໄດ້ດີ, ມີແນວຄິດທຸ່ນທ່ຽງປະຕິບັດຕາມຄຳແນະນຳຂອງແພດ-ໝໍໄດ້ເປັນຢ່າງດີ.

ສໍາລັບແພດທີ່ເຂົ້າປິ່ນປົວ ແລະ ຄົນເຈັບທີ່ໄດ້ຮັບການປີ່ນປົວໃນຄັ້ງນີ້, ຍັງຈະໄດ້ສືບຕໍ່ ກັກບໍລິເວນຕົນເອງຈຳນວນ 14 ວັນ, ຈິ່ງຈະໄດ້ກັບໄປຢູ່ນໍາຄອບຄົວ ແລະ ໃຊ້ຊີວິດປົກກະຕິໄດ້.

- WhatsApp Image 2020 05 27 at 5 - ແຂວງຜົ້ງສາລີ ສໍາເລັດການປິ່ນປົວ ຜູ້ຕິດເຊື້ອໂຄວິດ 19 ທັງໝົດ ໃນວັນທີ 18 ພຶດສະພາ 2021
- WhatsApp Image 2020 05 27 at 5 - ແຂວງຜົ້ງສາລີ ສໍາເລັດການປິ່ນປົວ ຜູ້ຕິດເຊື້ອໂຄວິດ 19 ທັງໝົດ ໃນວັນທີ 18 ພຶດສະພາ 2021
error: Alert: ເນື້ອຫາຂ່າວມີລິຂະສິດ !!