ບຸນມະ​​ໂຫລານ​ມິດຕະພາບລາວ-ຫວຽດນາມໄຂ​ຂຶ້ນດ້ວຍບັນຍາກາດຟົດຟື້ນ

- advert banner 728 90 728x90 - ບຸນມະ​​ໂຫລານ​ມິດຕະພາບລາວ-ຫວຽດນາມໄຂ​ຂຶ້ນດ້ວຍບັນຍາກາດຟົດຟື້ນ

ບຸນມະໂຫລານມິດຕະພາບລະຫວ່າງປະຊາຊົນລາວ ແລະ ປະຊາຊົນຫວຽດນາມຄັ້ງທີ IV ໄດ້ຂຶ້ນດ້ວຍບັນຍາກາດຟົດຟື້ນໃນວັນທີ 17 ແລະ ຈະດໍາເນີນໄປຮອດວັນທີ 23 ກໍລະກົດນີ້​ທີ່​ຫໍ​ປະຊຸມ​ແຫ່ງຊາດ, ນະຄອນຫລວງ​ວຽງ​ຈັນ ໂດຍ​ການເປັນກຽດເຂົ້າຮ່ວມຂອງສະຫາຍ ສອນໄຊ ສີພັນດອນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຮອງປະທານຄະນະຊີ້ນຳລະດັບຊາດກ່ຽວກັບການສະເຫລີມສະຫລອງປີສາມັກຄີພິເສດລາວ-ຫວຽດນາມ, ມີສະຫາຍ ເຈິນ ວັນ ຕຸ້ຍ ກຳມະການສູນກາງພັກ, ກຳມະການຄະນະປະຈຳ, ຫົວໜ້າຄະນະຮັບຜິດຊອບສະມາຊິກສະພາແຫ່ງຊາດຫວຽດນາມ, ປະທານສະມາຄົມຫວຽດນາມ-ລາວ, ​​ມີ​ບັນດາປະທານສະມາຄົມມິດຕະພາບລາວ-ຫວຽດນາມ, ຫວຽດນາມ-ລາວ, ພ້ອມ​ດ້ວຍ​ພາກສ່ວນ​ກ່ຽວຂ້ອງສອງ​ຝ່າຍ​ເຂົ້າຮ່ວມເປັນຈໍານວນຫລາຍ​.

- new3 - ບຸນມະ​​ໂຫລານ​ມິດຕະພາບລາວ-ຫວຽດນາມໄຂ​ຂຶ້ນດ້ວຍບັນຍາກາດຟົດຟື້ນ

ບຸນມະໂຫລານດັ່ງກ່າວຈັດຂຶ້ນເພື່ອສະເຫລີມສະຫລອງປີສາມັກຄີພິເສດລາວ-ຫວຽດນາມຄື: ວັນເຊັນສົນທິສັນຍາມິດຕະພາບ ແລະ ການຮ່ວມມືຄົບຮອບ 40 ປີ (18 ກໍລະກົດ 1977-18 ກໍລະກົດ 2017) ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 55 ປີ (5 ກັນຍາ 1962-5 ກັນຍາ 2017) ​ຊຶ່ງລາວ-ຫວຽດນາມ ມີສາຍພົວພັນມິດຕະພາບອັນດູດດື່ມ, ຄວາມສາມັກຄີພິເສດ ແລະ ການຮ່ວມມືຮອບດ້ານມາ​ແຕ່​ດົນ​ນານ, ​ໂດຍ​ສາຍ​ພົວພັນ​ດັ່ງກ່າວໄດ້ຮັບການພັດທະນາ ແລະ ເສີມຂະຫຍາຍເຂົ້າສູ່ລວງເລິກ ກາຍເປັນມໍລະດົກອັນລ້ຳຄ່າ, ເປັນກົດເກນແຫ່ງການຄົງຕົວ ແລະ ຂະຫຍາຍຕົວຂອງສອງປະເທດ, ທັງເປັນໜຶ່ງໃນປັດໄຈຕັດສິນໄຊຊະນະຂອງການປະຕິວັດຢູ່ແຕ່ລະປະເທດ, ປັດຈຸບັນສາຍພົວພັນທີ່ຫາຍາກນັ້ນຍັງສືບຕໍ່ໄດ້ຮັບການເສີມຂະຫຍາຍທັງທາງກວ້າງ ແລະ ລວງເລິກໂດຍໄດ້ນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດລາວ-ຫວຽດນາມ, ທັງເປັນການປະກອບສ່ວນເຂົ້າໃນພາລະກິດສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາໃນພາກພື້ນ ແລະ ໃນໂລກ. ສາຍພົວພັນດັ່ງກ່າວ, ເປັນຄວາມເອກອ້າງທະນົງໃຈ ​ທັງແມ່ນມູນມໍລະດົກອັນລ້ຳຄ່າຂອງປະຊາຊົນສອງຊາດລາວ-ຫວຽດນາມ ຢ່າງ​ແທ້​ຈິງ.  ງານບຸນດັ່ງກ່າວຈັດຂຶ້ນໂດຍສະມາຄົມມິດຕະພາບລາວ-ຫວຽດນາມ, ຫວຽດນາມ-ລາວ.

- lattana 1 - ບຸນມະ​​ໂຫລານ​ມິດຕະພາບລາວ-ຫວຽດນາມໄຂ​ຂຶ້ນດ້ວຍບັນຍາກາດຟົດຟື້ນ
error: Content is protected !!