ນາຍົກອົດສະຕຣາລີເນັ້ນ ປິດຊາຍແດນປະເທດຍາວ ຮອດກາງປີໜ້າ ກັງວົນປະຊາຊົນສ່ຽງຕິດໂຄວິດ-19

- australia prime minister repeat on close country borders until mid next year - ນາຍົກອົດສະຕຣາລີເນັ້ນ ປິດຊາຍແດນປະເທດຍາວ ຮອດກາງປີໜ້າ ກັງວົນປະຊາຊົນສ່ຽງຕິດໂຄວິດ-19
- AGL banner - ນາຍົກອົດສະຕຣາລີເນັ້ນ ປິດຊາຍແດນປະເທດຍາວ ຮອດກາງປີໜ້າ ກັງວົນປະຊາຊົນສ່ຽງຕິດໂຄວິດ-19

ວັນທີ 18 ພຶດສະພາ 2021, ທ່ານ ສະກອດ ມໍຣິສັນ ນາຍົກລັດຖະມົນຕີອົດສະຕຣາລີ ປະກາດວ່າ: ຈະບໍ່ເອົາຊີວິດຂອງປະຊາຊົນມາສ່ຽງ ດ້ວຍການເປີດຊາຍແດນປະເທດໃຫ້ໄວຂຶ້ນກວ່າກຳນົດ ໂດຍທ່ານ ມໍຣິສັນ ກ່າວວ່າ: ຍັງບໍ່ປອດໄພທີ່ຈະອະນຸຍາດໃຫ້ນັກທ່ອງທ່ຽວເດີນທາງມາອົດສະຕຣາລີໂດຍບໍ່ກັກຕົວ ທ່າມກາງແຮງກົດດັນຂອງປະຊາຊົນທີ່ຕ້ອງການໃຫ້ເປີດຊາຍແດນໄວກວ່າວັນທີ່ກຳນົດໄວ້ໃນກາງປີ 2022 ໂດຍທ່ານເປີດເຜີຍວ່າ: “ຂ້າພະເຈົ້າບໍ່ເອົາຊີວິດຂອງຊາວອົດສະຕຣາລີໄປສ່ຽງເດັດຂາດ”.

ທ່ານ ເຈນ ເຮີລິກກາ ປະທານກຳມະການບໍລິຫານສາຍການບິນ Virgin ຂອງອົດສະຕຣາລີ ກ່າວໃນວັນທີ 17 ພຶດສະພາວ່າ: ຄວນພິຈາລະນາເປີດຊາຍແດນອີກ ຫລັງປະຊາຊົນກຸ່ມບອບບາງທີ່ສຸດໄດ້ຮັບວັກຊີນປ້ອງກັນພະຍາດໂຄວິດ-19 ແລ້ວ, ພ້ອມຍອມຮັບວ່າ: “ອາດມີບາງຄົນຕ້ອງເສຍຊີວິດ ແຕ່ຈະເປັນຕົວເລກທີ່ “ໜ້ອຍກວ່າໄຂ້ຫວັດໃຫຍ່”.

ຂະນະທີ່ທ່ານ ມໍຣິສັນ ກ່າວຕອບໂຕ້ຂໍ້ຄວາມກົດດັນຕ່າງໆວ່າ: ພວກເຂົາ “ໄຮ້ຄວາມຮູ້ສຶກ” ໂດຍຊີ້ວ່າ: ການລະບາດໃຫຍ່ຍັງແຜ່ລະບາດໜັກໜ່ວງໃນຕ່າງປະເທດ, ພ້ອມຢືນຢັນວ່າ: ລັດຖະບານກຳລັງດຳເນີນການທີ່ຈະໃຫ້ຊາວອົດສະຕຣາລີທີ່ໄດ້ຮັບວັກຊີນແລ້ວມີເສລີພາບຫລາຍຂຶ້ນທ່າມກາງສະຖານະການການລະບາດໃຫຍ່ໃນອະນາຄົດ.

- Wave100S AD to Website 2020 0 - ນາຍົກອົດສະຕຣາລີເນັ້ນ ປິດຊາຍແດນປະເທດຍາວ ຮອດກາງປີໜ້າ ກັງວົນປະຊາຊົນສ່ຽງຕິດໂຄວິດ-19

ທັງນີ້, Australian Broadcasting Corporation (ABC) ລາຍງານວ່າ: ອົດສະຕຣາລີໄດ້ດຳເນີນການສັກວັກຊີນປ້ອງກັນພະຍາດໂຄວິດ-19 ໃຫ້ປະຊາຊົນຫລາຍກວ່າ 3,18 ລ້ານໂດສແລ້ວໄລ່ຮອດວັນທີ 17 ພຶດສະພາ ໂດຍປັດຈຸບັນອົດສະຕຣາລີສາມາດສັກວັກຊີນໄດ້ປະມານ 447.000 ໂດສຕໍ່ອາທິດ ແລະ ຈະສັກວັກຊີນຄົບໂດສໃຫ້ປະຊາກອນຜູ້ໃຫຍ່ໄດ້ເຖິງ 40 ລ້ານໂດສ ພາຍໃນກາງເດືອນທັນວາ 2022.

ອ້າງອີງ: ສຳນັກຂ່າວຊິນຮົວ

- WhatsApp Image 2020 05 27 at 5 - ນາຍົກອົດສະຕຣາລີເນັ້ນ ປິດຊາຍແດນປະເທດຍາວ ຮອດກາງປີໜ້າ ກັງວົນປະຊາຊົນສ່ຽງຕິດໂຄວິດ-19
- WhatsApp Image 2020 05 27 at 5 - ນາຍົກອົດສະຕຣາລີເນັ້ນ ປິດຊາຍແດນປະເທດຍາວ ຮອດກາງປີໜ້າ ກັງວົນປະຊາຊົນສ່ຽງຕິດໂຄວິດ-19
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!