ໄຂງານ​ວາງສະ​ແດງ​ຮູບ​ພາບຄວາມ​ສວຍ​ງາມ​ຂອງ​ປະ​ເທດ​ລາວທີ່ນະຄອນຫລວງ​ຮ່າ​ໂນ້ຍ

- advert banner 728 90 728x90 - ໄຂງານ​ວາງສະ​ແດງ​ຮູບ​ພາບຄວາມ​ສວຍ​ງາມ​ຂອງ​ປະ​ເທດ​ລາວທີ່ນະຄອນຫລວງ​ຮ່າ​ໂນ້ຍ

​ງານ​ວາງສະ​ແດງ​ຮູບ​ພາບຄວາມ​ສວຍ​ງາມ​ຂອງ​ປະ​ເທດ​ຊາດ ​ແລະ ຂອງ​ຄົນ​ລາວໄດ້ໄຂຂຶ້ນທີ່​ນະຄອນຫລວງ​ຮ່າ​ໂນ້ຍ ສສ.ຫວຽດນາມໃນວັນທີ 17 ກໍລະກົດນີ້, ໂດຍມີທ່ານ ບົວ​ເງິນ ຊາ​ພູ​ວົງ ຮອງ​ລັດຖະມົນຕີ​ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ, ທ່ານ ​ເລ ​ແຄ້ງ ຫາຍ ຮອງ​ລັດຖະມົນຕີ​ກະຊວງ​ວັດທະນະທຳ, ກິລາ ​ແລະ ທ່ອງ​ທ່ຽວຫວຽດນາມ ແລະ ​ພາກສ່ວນກ່ຽວຂ້ອງ​ສອງ​ຝ່າຍ​ເຂົ້າ​ຮ່ວມ​. ໂດຍ​​ໄດ້​ມີ​ການ​ນຳ​ສະເໜີ​​ມູນ​ເຊື້ອມິດຕະພາບຄວາມ​ສາມັກຄີພິ​ເສດ ​ແລະ ການ​ຮ່ວມ​ມື​ຮອບດ້ານລະຫວ່າງ​ສອງ​ຊາດ​ລາວ-​ຫວຽດນາມ, ພ້ອມ​ຮູບ​ພາບກ່ຽວກັບ​ຜົນສຳ​ເລັດ​ໃນ​ການ​ປົກ​ປັກ​ຮັກສາ ​ແລະ ພັດທະນາ​ປະ​ເທດ​ຊາດ​ໃນ​ໄລຍະ​ຜ່ານ​ມາ, ລວມເຖິງພາບທັດຊະນີ​ຍະ​ພາບທາງ​ທຳ​ມະ​ຊາດ ​ແລະ ວັດທະນະທຳອັນສວຍງາມ​ຂອງ ສປປ ລາວ​.

- new3 - ໄຂງານ​ວາງສະ​ແດງ​ຮູບ​ພາບຄວາມ​ສວຍ​ງາມ​ຂອງ​ປະ​ເທດ​ລາວທີ່ນະຄອນຫລວງ​ຮ່າ​ໂນ້ຍ

​ໃນໂອກາດ​ນີ້, ທ່ານ ບົວ​ເງິນ ຊາ​ພູ​ວົງ ໄດ້ມີຄໍາເຫັນ​ວ່າ: ລາວ-​ຫວຽດນາມ ພວມ​ດຳ​ເນີນ​ການຈັດ​ຕັ້ງ​ສະ​ເຫລີ​ມສະຫລອງ 2 ວັນ​ປະຫວັດສາດ ກໍ​ຄື​ງານ​ສັບປະດາວັດທະນະທຳ ​ແລະ ທ່ອງ​ທ່ຽວລາວຢ່າງ​ຟົດຟື້ນດ້ວຍ​ຫລາກ​ຫລາຍ​ກິດຈະກຳ. ລາວ-​ຫວຽດນາມມີ​ແມ່​ນ້ຳ​ລຳ​ເຊ ​ແລະ ສາຍພູ​ຫລວງ​ຕິດ​ຈອດ​ກັນ​ຕາມ​ທຳ​ມະ​ຊາດແຕ່​ເໜືອຕະຫລອດ​ໃຕ້, ປະຊາຊົນ​ສອງ​ຊາດ​ເຄີຍ​ຮ່ວມ​ສຸກ​ຮ່ວມ​ທຸກ ​ແລະ ຊ່ວຍ​ເຫລືອ​ເຊິ່ງກັນ ​ແລະ ກັນໃນ​ການ​ຕໍ່ສູ້​ກູ້​ຊາດ ​ເພື່ອ​ຍາດ​ເອົາ​ເອກະລາດ, ອິດສາ​ລະ​ພາບ ​ແລະ ປົດ​ປ່ອຍປະ​ເທດ​ຊາດ​ໃນ​ເມື່ອ​ກ່ອນກໍ​ຄື​ພາລະກິດ​ປົກ​ປັກ​ຮັກສາ ​ແລະ ສ້າງສາ​ພັດທະນາ​ປະ​ເທ​ດຊາດ​ໃນ​ປັດຈຸບັນ. ສອງ​ຊາດ​ໄດ້​ໄດ້​ພ້ອມ​ກັນສູ້​ຊົນ​ພັດທະນາ​ເສດຖະກິດ-​ສັງຄົມ ​ເພື່ອ​ຍົກ​ລະດັບ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃຫ້​ດີ​ຂຶ້ນ​ເປັນ​ກ້າວໆຕາມ​ຄຳ​ຂວັນ​ທີ່​ວ່າ: “ປະຊາຊົນ​ຮັ່ງມີ​ຜາ​ສຸກ ປະ​ເທດ​ຊາດ​ມັ່ງ​ຄັ່ງ​ເຂັ້ມ​ແຂງ, ສັງຄົມ​ມີ​ຄວາມ​ສາມັກ​ຄີ​ປອງ​ດອງ, ປະຊາທິປະ​ໄຕ, ຍຸຕິ​ທຳ ​ແລະ ສີວິ​ໄລ” ພ້ອມ​ທັງ​​ຮ່ວມ​ມື​ກັນ​ຍົກ​ສູງ​ບົດບາດ​ໃນ​ເວທີ​ພາ​ກພື້ນ​ແລະ ສາກົນຢ່າງ​ຕັ້ງໜ້າ.

- lattana 1 - ໄຂງານ​ວາງສະ​ແດງ​ຮູບ​ພາບຄວາມ​ສວຍ​ງາມ​ຂອງ​ປະ​ເທດ​ລາວທີ່ນະຄອນຫລວງ​ຮ່າ​ໂນ້ຍ

ປະຊາຊົນ​ລາວ​ບັນດາ​ເຜົ່າຍາມ​ໃດ​ກໍ​ມີ​ຄວາມ​ຮັບ​ຮູ້​ບຸນຄຸນຕໍ່ການ​ຊ່ວຍ​ເຫລືອ​ອັນ​ລ້ຳ​ຄ່ານັບ​ທັງ​ເຂົ້າ​ເມັດ​ຫັກຜັກ​ເສັ້ນໜຶ່ງກໍ​ແບ່ງປັນ​ກັນ​ກິນ ຕະຫລອດ​ເຖິງ​ຊີວິດ ​ແລະ ​ເລືອດ​ເນື້ອ​ຂອງ​ປະຊາຊົນ​ຫວຽດນາມອ້າຍ​ນ້ອງທີ່​ມີ​ຕໍ່ການ​ປະຕິວັດ​ຊາດ​ລາວ​ຕະຫລອດ​ມາ. ພວກ​ເຮົາ​ຕ້ອງ​ພ້ອມ​ກັນ​ສຶກສາ​ອົບຮົມ​ມູນ​ເຊື້ອ​ມິດຕະພາບຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານລະຫວ່າງ​ສອງ​ຊາດລາວ-​ຫວຽດນາມ ​ໃຫ້​ແກ່​ຄົນ​ຮຸ່ນ​ຫລັງ​ໄດ້​ຈົດ​ຈຳ ​ແລະ ສຶກສາ​ຄົ້ນ​ຄ້ວາທັງ​ປົກ​ປັກ​ຮັກສາ ​ແລະ ​ເສີມ​ຂະຫຍາຍ​ມູນ​ເຊື້ອດັ່ງກ່າວ​​ໃຫ້ຍືນ​ຍົງ​ຕະຫລອດ​ໄປ.

error: Content is protected !!