UNICEF ຮຽກຮ້ອງກຸ່ມປະເທດ G7 ບໍລິຈາກວັກຊີນໂຄວິດ-19 ສ່ວນເກີນໃຫ້ COVAX ເພື່ອຫລຸດຄວາມບໍ່ສະເໝີພາບດ້ານວັກຊີນ

- unicef call out g7 countries to donate coronavirus vaccine - UNICEF ຮຽກຮ້ອງກຸ່ມປະເທດ G7 ບໍລິຈາກວັກຊີນໂຄວິດ-19 ສ່ວນເກີນໃຫ້ COVAX ເພື່ອຫລຸດຄວາມບໍ່ສະເໝີພາບດ້ານວັກຊີນ
- AGL banner - UNICEF ຮຽກຮ້ອງກຸ່ມປະເທດ G7 ບໍລິຈາກວັກຊີນໂຄວິດ-19 ສ່ວນເກີນໃຫ້ COVAX ເພື່ອຫລຸດຄວາມບໍ່ສະເໝີພາບດ້ານວັກຊີນ

ວັນທີ 17 ພຶດສະພາ 2021, ທ່ານ ນາງ ເຮນຣຽດຕາ ໂຟ (Henrietta Fore) ຜູ້ອຳນວຍການໃຫຍ່ອົງການທຶນເພື່ອເດັກແຫ່ງສະຫະປະຊາຊາດ (UNICEF) ໄດ້ອອກມາຮຽກຮ້ອງໃຫ້ກຸ່ມປະເທດອຸດສາຫະກຳຊັ້ນນຳຂອງໂລກ 7 ແຫ່ງ ຫລື G7 ບໍລິຈາກວັກຊີນພະຍາດຕິດເຊື້ອໄວຣັສໂຄໂຣນາສາຍພັນໃໝ່ (ໂຄວິດ-19) ສ່ວນເກີນໃຫ້ COVAX ເຊິ່ງເປັນໂຄງການຈັດຫາ ແລະ ຈັດສົ່ງວັກຊີນລະດັບໂລກໃຫ້ປະເທດທີ່ມີລາຍໄດ້ຕໍ່າ ແລະ ລາຍໄດ້ປານກາງ.

ທັງນີ້, ການຮຽກຮ້ອງຂອງນາງເກີດຂຶ້ນກ່ອນຈະມີການພົບປະລະຫວ່າງບັນດາຜູ້ນຳປະເທດສະມາຊິກກຸ່ມ G7 ຕາມກຳນົດໃນອັງກິດເດືອນໜ້າ. ທ່ານ ນາງ ໂຟ ກ່າວອ້າງອີງຜົນການວິເຄາະຂໍ້ມູນໃໝ່ຈາກ Airfinity ເຊິ່ງເປັນໜ່ວຍງານວິໄຈດ້ານຊີວະວິທະຍາວ່າ: ຖ້າກຸ່ມ G7 ແລະ ກຸ່ມປະເທດສະມາຊິກສະຫະພາບເອີຣົບແບ່ງປັນວັກຊີນທີ່ຕົນໄດ້ຮັບໃນຊ່ວງເດືອນມິຖຸນາເຖິງສິງຫາພຽງ 20% ພວກເຂົາຈະສາມາດບໍລິຈາກວັກຊີນໄດ້ປະມານ 153 ລ້ານໂດສ ໂດຍຍັງສາມາດສັກວັກຊີນໃຫ້ປະຊາຊົນຂອງຕົນໄດ້ຕາມໃຫ້ຄຳໝັ້ນໄວ້.

ທ່ານ ນາງ ໂຟ ກ່າວອີກວ່າ: ການແບ່ງປັນວັກຊີນສ່ວນເກີນໂດຍໄວຖືເປັນມາດຕະການຂັ້ນຕໍ່າໃນການຫລຸດຄວາມບໍ່ສະເໝີພາບ ແລະ ເປັນມາດຕະການສຸກເສີນທີ່ສຳຄັນຈຳເປັນຕ້ອງເຮັດໃນປັດຈຸບັນ ສະຖານະການປັດຈຸບັນທີ່ເກີດຂຶ້ນໃນອິນເດຍ ເຊິ່ງເປັນສູນກາງການຜະລິດວັກຊີນລະດັບໂລກ ສົ່ງຜົນໃຫ້ປະລິມານວັກຊີນທີ່ຕ້ອງຖືກຈັດສົ່ງໃຫ້ໂຄງການ COVAX ຫລຸດລົງຫລາຍ, ອຸປະສົງໃນປະເທດທີ່ເພີ່ມສູງຂຶ້ນເຮັດໃຫ້ໂຄງການ COVAX ບໍ່ໄດ້ຮັບວັກຊີນ 140 ລ້ານໂດສ ສຳລັບການແຈກຢາຍໄປໃຫ້ກຸ່ມປະເທດລາຍໄດ້ຕໍ່າ ແລະ ປານກາງຈົນຮອດເດືອນພຶດສະພາ ທັງຍັງມີທ່າອ່ຽງຈະບໍ່ໄດ້ຮັບວັກຊີນຕາມກຳນົດໃນເດືອນມິຖຸນາອີກ 50 ລ້ານໂດສ.

- Wave100S AD to Website 2020 0 - UNICEF ຮຽກຮ້ອງກຸ່ມປະເທດ G7 ບໍລິຈາກວັກຊີນໂຄວິດ-19 ສ່ວນເກີນໃຫ້ COVAX ເພື່ອຫລຸດຄວາມບໍ່ສະເໝີພາບດ້ານວັກຊີນ

ທ່ານ ນາງ ໂຟ ຍັງກ່າວວ່າ: ທາງອອກທີ່ເຫັນໄດ້ຊັດເຈນທີ່ສຸດຂອງການລະບາດຄັ້ງນີ້ຄືການກະຈາຍວັກຊີນ, ການບົ່ງມະຕິ ແລະ ການບຳບັດຮັກສາທົ່ວໂລກຢ່າງເທົ່າທຽມກັນ ເຊິ່ງໂຄງການ COVAX ທີ່ມີ UNICEF ເປັນຜູ້ດຳເນີນການຫລັກ ເປັນຕົວແທນຂອງທາງອອກດັ່ງກ່າວ.

ອ້າງອີງ: ສຳນັກຂ່າວຊິນຮົວ

- WhatsApp Image 2020 05 27 at 5 - UNICEF ຮຽກຮ້ອງກຸ່ມປະເທດ G7 ບໍລິຈາກວັກຊີນໂຄວິດ-19 ສ່ວນເກີນໃຫ້ COVAX ເພື່ອຫລຸດຄວາມບໍ່ສະເໝີພາບດ້ານວັກຊີນ
- WhatsApp Image 2020 05 27 at 5 - UNICEF ຮຽກຮ້ອງກຸ່ມປະເທດ G7 ບໍລິຈາກວັກຊີນໂຄວິດ-19 ສ່ວນເກີນໃຫ້ COVAX ເພື່ອຫລຸດຄວາມບໍ່ສະເໝີພາບດ້ານວັກຊີນ
error: Alert: ເນື້ອຫາຂ່າວມີລິຂະສິດ !!