ສິງກະໂປກຽມສັກວັກຊີນຕ້ານໂຄວິດ-19 ຈາກ Pfizer ໃຫ້ເດັກອາຍຸ 12-15 ປີ ຫລັງທາງການອະນຸມັດແລ້ວ

-              3 - ສິງກະໂປກຽມສັກວັກຊີນຕ້ານໂຄວິດ-19 ຈາກ Pfizer ໃຫ້ເດັກອາຍຸ 12-15 ປີ ຫລັງທາງການອະນຸມັດແລ້ວ
- AGL banner - ສິງກະໂປກຽມສັກວັກຊີນຕ້ານໂຄວິດ-19 ຈາກ Pfizer ໃຫ້ເດັກອາຍຸ 12-15 ປີ ຫລັງທາງການອະນຸມັດແລ້ວ

ວັນທີ 18 ພຶດສະພາ 2021, ສິງກະໂປກຽມສັກວັກຊີນຕ້ານໂຄວິດ-19 ຈາກ Pfizer-BioNTech ໃຫ້ເດັກອາຍຸ 12-15 ປີ ຫລັງໜ່ວຍງານສາທາລະນະສຸກສິງກະໂປ (Health Sciences Authorith: HSA) ອະນຸມັດການໃຊ້ວັກຊີນດັ່ງກ່າວຕໍ່ເດັກຊ່ວງອາຍຸນັ້ນເປັນກໍລະນີສຸກເສີນແລ້ວ ພ້ອມໃຫ້ຊາວສິງກະໂປອາຍຸ 40-44 ປີ ລົງທະບຽນເຂົ້າຮັບວັກຊີນໄດ້ນັບແຕ່ວັນທີ 19 ພຶດສະພາເປັນຕົ້ນໄປ.

ໂດຍວັກຊີນຈາກ Pfizer ໄດ້ຮັບອະນຸມັດການນຳໃຊ້ຈາກທາງການສິງກະໂປແລ້ວນັບແຕ່ທ້າຍປີຜ່ານມາ ໂດຍວັກຊີນຈະສັກໃຫ້ບຸກຄົນທີ່ມີອາຍຸ 16 ປີຂຶ້ນໄປ ກ່ອນຈະຂະຫຍາຍເຂົ້າສູ່ກຸ່ມອາຍຸ 12-15 ປີ ຖືເປັນຄວາມພະຍາຍາມອີກກ້າວໜຶ່ງທີ່ຈະສ້າງພູມຕ້ານທານໃນການຕ້ານໂຄວິດ-19 ໃນປະຊາກອນແຕ່ລະກຸ່ມອາຍຸ.

ເບື້ອງຕົ້ນສິງກະໂປກຳລັງສຶກສາຄວາມເປັນໄປໄດ້ທີ່ຈະຂະຫຍາຍເວລາການເຂົ້າຮັບວັກຊີນໂດສທີ 2 ອອກໄປ ຈາກ 3-4 ອາທິດ ເປັນ 6-8 ອາທິດແທນ ເພື່ອໃຫ້ຊາວສິງກະໂປໄດ້ຮັບການສ້າງພູມຕ້ານທານຈາກວັກຊີນໂດສທຳອິດໃຫ້ຫລາຍທີ່ສຸດກ່ອນ.

ຫລ້າສຸດສິງກະໂປມີຜູ້ຕິດເຊື້ອສະສົມແລ້ວ 61.651 ຄົນ, ເສຍຊີວິດແລ້ວ 31 ຄົນ. ຂໍ້ມູນຈາກ Our Wolrd in Data ລາຍງານວ່າ: ປັດຈຸບັນທາງການສິງກະໂປເດີນໜ້າສັກວັກຊີນແລ້ວຫລາຍກວ່າ 3,2 ລ້ານໂດສ (13 ພຶດສະພາ) ມີຊາວສິງກະໂປ 1,9 ລ້ານຄົນຈາກປະຊາກອນທັງໝົດປະມານ 5,85 ລ້ານຄົນເຂົ້າຮັບວັກຊີນແລ້ວຢ່າງໜ້ອຍ 1 ໂດສ ໂດຍ 32,5% ຂອງປະຊາກອນທັງໝົດສັກວັກຊີນຄົບໂດສແລ້ວ.

- Wave100S AD to Website 2020 0 - ສິງກະໂປກຽມສັກວັກຊີນຕ້ານໂຄວິດ-19 ຈາກ Pfizer ໃຫ້ເດັກອາຍຸ 12-15 ປີ ຫລັງທາງການອະນຸມັດແລ້ວ

ອ້າງອີງ:

https://www.cnbc.com/2021/05/18/singapore-approves-covid-vaccine-for-children-outlines-vaccination-plan.html

- WhatsApp Image 2020 05 27 at 5 - ສິງກະໂປກຽມສັກວັກຊີນຕ້ານໂຄວິດ-19 ຈາກ Pfizer ໃຫ້ເດັກອາຍຸ 12-15 ປີ ຫລັງທາງການອະນຸມັດແລ້ວ
- WhatsApp Image 2020 05 27 at 5 - ສິງກະໂປກຽມສັກວັກຊີນຕ້ານໂຄວິດ-19 ຈາກ Pfizer ໃຫ້ເດັກອາຍຸ 12-15 ປີ ຫລັງທາງການອະນຸມັດແລ້ວ
error: Alert: ເນື້ອຫາຂ່າວມີລິຂະສິດ !!