ເຈົ້າຂອງສູນການຄ້າຊັງຈຽງສະແດງຄວາມເສຍໃຈກັບຊາວຄ້າຂາຍຈາກເຫດການໄຟໄໝ້ຢ່າງຮຸນແຮງ

- advert banner 728 90 728x90 - ເຈົ້າຂອງສູນການຄ້າຊັງຈຽງສະແດງຄວາມເສຍໃຈກັບຊາວຄ້າຂາຍຈາກເຫດການໄຟໄໝ້ຢ່າງຮຸນແຮງ

ວັນທີ 17 ກໍລະກົດນີ້, ທ່ານ ດິ່ງກົວຈ່າງ ເຈົ້າຂອງສູນການຄ້າສາກົນຊັ່ງຈ່ຽງ, ນະຄອນຫລວງວຽງຈັນ ໄດ້ອອກມາຖະແຫລງເພື່ອສະແດງຄວາມເສຍໃຈກັບຊາວຄ້າຂາຍທີ່ໄດ້ຮັບຄວາມເສຍຫາຍຈາກເຫດການໄຟໄໝ້ສູນການຄ້າຂອງຕົນຢ່າງຮຸນແຮງເມື່ອທ້າຍອາທິດຜ່ານມາ, ໂດຍທ່ານໄດ້ມີຄໍາເຫັນຕໍ່ຄວາມເສຍຫາຍຄັ້ງນີ້ວ່າ: ຂ້າພະເຈົ້າຂໍສະແດງຄວາມເສຍໃຈຢ່າງຍິ່ງຕໍ່ເຫດການເພິງໄໝ້ຄັ້ງນີ້, ເຊິ່ງໄດ້ເຮັດໃຫ້ວັດຖຸຊັບສີນຂອງຊາວຄ້າຂາຍເສຍຫາຍເປັນຈໍານວນຫລວງຫລາຍ ແລະ ຂອບໃຈທຸກກໍາລັງໃຈທີ່ມີຕໍ່ຂ້າພະເຈົ້າ ແລະ ຊາວຄ້າຂາຍທັງໝົດ, ຂໍຂອບໃຈເຈົ້າໜ້າທີ່ທຸກພາກສ່ວນທີ່ໃຫ້ການຊ່ວຍເຫລືອຢ່າງເຕັມທີ່ໃນການສະກັດກັ້ນເພີງໄໝ້ຄັ້ງນີ້ເພື່ອບໍ່ໃຫ້ເກີດຄວາມເສຍຫາຍເປັນບໍລິເວນກວ້າງໄປອີກ, ຂໍຂອບໃຈໜ່ວຍກູ້ໄພຕ່າງໆທີ່ໄດ້ຊ່ວຍເຫລືອສຸດຄວາມສາມາດໃນການຊ່ວຍເຫລືອຊາວຄ້າຂາຍຂົນຍ້າຍສີນຄ້າ, ວັດຖຸສິ່ງຂອງອອກຈາກອາຄານເກີດເກດ, ການປະຖົມພະຍາບານ ແລະ ນໍາຜູ້ໄດ້ຮັບບາດເຈັບນວນໜຶ່ງສົ່ງໂຮງໝໍຈົນປອດໄພ. ສ່ວນສາເຫດ ແລະ ມູນຄ່າເສຍຫາຍຈາກໄຟຟ້າຄັ້ງນີ້ແມ່ນຢູ່ໃນຂັ້ນຕອນການສືບສວນ-ສອບສວນຂອງເຈົ້າໜ້າທີ່.

- new3 - ເຈົ້າຂອງສູນການຄ້າຊັງຈຽງສະແດງຄວາມເສຍໃຈກັບຊາວຄ້າຂາຍຈາກເຫດການໄຟໄໝ້ຢ່າງຮຸນແຮງ

ເຈົ້າໜ້າທີ່ເລັ່ງສືບຫາສາເຫດໄຟໃໝ້ຕະຫລາດຊັ່ງຈຽງ

- lattana 1 - ເຈົ້າຂອງສູນການຄ້າຊັງຈຽງສະແດງຄວາມເສຍໃຈກັບຊາວຄ້າຂາຍຈາກເຫດການໄຟໄໝ້ຢ່າງຮຸນແຮງ

ສູນການຄ້າແຫ່ງນີ້, ສ້າງຂຶ້ນເມື່ອປີ 2007 ມີເນື້ອທີ່ທັງໝົດ 18 ພັນຕາແມັດ, ມີຄວາມກວ້າງ 120 ແມັດ ແລະ ຍາວ 130 ແມັດ, ເປັນອາຄານສອງ ມີຫ້ອງຂາຍສີນຄ້າທັງໝົດ 430 ຫ້ອງ, ສ່ວນໃຫຍ່ແມ່ນຂາຍສີນຄ້າປະເພດເສື້ອຜ້າ, ເກີບ, ກະເປົາ, ເຄື່ອງຫລີ້ນເດັກນ້ອຍ, ຜ້າກັ້ງ, ເຄື່ອງສຽງ ແລະ ເຄື່ອງອຸປະໂພກ-ບໍລິໂພກຕ່າງໆ, ຊຶ່ງໄດ້ຖືກໄຟໃໝ້ເສຍຫາຍໝົດຫລັງ.

error: Content is protected !!