ຈົ່ງຮ່ວມໃຈ ຕ້ານໄພໂຄວິດ

- 185941202 1629068160630291 1611371057303175684 n - ຈົ່ງຮ່ວມໃຈ ຕ້ານໄພໂຄວິດ
- AGL banner - ຈົ່ງຮ່ວມໃຈ ຕ້ານໄພໂຄວິດ

ໂດຍ: ລູກເມືອງພວນ
ການລະບາດຂອງພະຍາດໂຄວິດ-19 ໃນທົ່ວໂລກ ກໍຄືຢູ່ປະເທດເຮົາເຫັນວ່າ ຍັງເພີ່ມທະວີຂື້ນເລື້ອຍໆ ໂດຍສະເພາະໃນຂົງເຂດອາຊີປາຊີຟິກ ຍິ່ງມີຄວາມຮຸນແຮງຫລາຍ, ເປັນຕົ້ນແມ່ນຢູ່ ຍີ່ປຸ່ນ, ເກົາຫຼີໃຕ້, ອິນເດຍ, ໄທ, ອິນໂດເນເຊຍ, ຟີລິບປິນ, ຫວຽດນາມ, ກຳປູເຈຍ ແລະ ລາວ ລ້ວນແຕ່ເກີດຂຶ້ນເປັນຮອບທີ 2 ແລ້ວຄື: ພຽງຫນຶ່ງເດືອນຜ່ານມາ ຢູ່ປະເທດເຮົາ ຕົວເລກຜູ້ຕິດເຊື້ອສະສົມພຸ່ງຂຶ້ນເກືອບ 2 ພັນຄົນແລ້ວ ຊື່ງເປັນຕົວເລກທີ່ສູງນັບແຕ່ມີການລະບາດຂອງພະຍາດນີ້ຂຶ້ນມາ ແລະ ເປັນໜ້າຢ້ານກົວ.
ຕໍ່ໜ້າສະພາບການດັ່ງກ່າວ ຖ້າຄົນລາວທຸກຄົນບໍ່ຮ່ວມແຮງ ຮ່ວມໃຈກັນ, ບໍ່ເປັນເຈົ້າການປົກປ້ອງຕົນເອງ ແລະ ສັງຄົມ ກໍຄົງຈະສົ່ງຜົນກະທົບຕໍ່ພວກເຮົາເປັນບໍ່ຫນ້ອຍ, ສຳລັບການເຄື່ອນໄຫວດຳລົງຊີວິດ, ການພັດທະນາເສດຖະກິດຂອງປະເທດກໍຈະຖືກຖົດຖອຍ, ເຮັດໃຫ້ຄົນຕົກງານ ແລະ ຕ້ອງເປັນພາລະແບກຫາບຂອງລັດຖະບານ.
ດັ່ງນັ້ນພວກເຮົາຈະຕ້ອງໄດ້ເພີ່ມທະວີຄວາມສາມັກຄີເປັນຈິດຫນຶ່ງໃຈດຽວກັນຮ່ວມໄມ້ຮ່ວມມື ກັບເຈົ້າໜ້າທີ່ລະດັບຕ່າງໆ, ຖ້າບໍ່ ບັນຫາດັ່ງກ່າວກໍຍິ່ງຈະບານປາຍໄປຫຼາຍກວ່ານີ້. ດັ່ງຄະນະຊ່ຽວຊານ ສປ ຈີນ ໄດ້ປະເມີນວ່າ: “ຖ້າພະຍາດນີ້ມີການລະບາດຮ້າຍແຮງຍິ່ງຂຶ້ນ ປະເທດລາວກໍຈະຮັບບໍ່ໄຫວ ເພາະເຄື່ອງມືການແພດບໍ່ທັນສະໃໝ, ບໍ່ພຽງພໍ, ເຄື່ອງກວດຫາເຊື້ອໄດ້ຜົນຊ້າ, ການຂັດກອງຄົນກໍບໍ່ໄດ້ມາດຕະຖານ, ການກັກຕົວກໍບໍ່ໄດ້ດີ ເພາະຢູ່ນຳກັນ, ກິນນຳກັນເປັນກຸ່ມກ້ອນ. ຄົນພາຍນອກກໍໄປມາຫາສູ່ກັນຢູ່. ຢູ່ສປຈີນເພິ່ນກັກຕົວແມ່ນແຍກປ່ຽວ, ກິນໃຜກິນມັນ, ຢູ່ຮ່ວມກັນກໍຕ້ອງປະຕິບັດໄລຍະຫ່າງ…”. ດັ່ງນັ້ນທາງທີ່ດີ, ບໍ່ຕ້ອງອອກໄປໃສ ຖ້າບໍ່ມີຄວາມຈຳເປັນແທ້ໆ, ເມື່ອອອກບ້ານໄປ ເວລາກັບມາກໍຕ້ອງອາບນໍ້າ ປ່ຽນເຄື່ອງນຸ່ງທຸກເທື່ອຈິ່ງຈະເປັນການດີ.
ໃນຄວາມເປັນຈິງກໍແມ່ນແນວນັ້ນແທ້ ລາວເຮົາຍັງມີຄວາມຫຍຸ້ງຍາກຫລາຍບໍ່ຕ່າງຫຍັງກັບຫຼາຍປະເທດທີ່່ພົບພໍ້ມາ ເພາະໂຮງໝໍ, ອຸປະກອນ ເຄື່ອງມືການແພດ ແລະ ບຸກຄະລາກອນແພດຫມໍເຮົາບໍ່ພຽງພໍທີ່ຈະຮັບມືກັບມັນ. ປົວຜູ້ໜຶ່ງຍັງຜູ້ໜຶ່ງ ຄິດເບິ່ງນຳກັນວ່າ ເຄື່ອງຊ່ວຍຫາຍໃຈຂອງພວກເຮົາມີຈັກເຄື່ອງ? ໂຮງໝໍເຮົາມີຈັກຫ້ອງນອນ? ແພດໝໍເຮົາມີຈັກຄົນ? ຖ້າແພດໝໍຕິດເຊື້ອຕຶ່ມເດ ຈະເປັນແນວໃດ?
ດັ່ງນັ້ນເວລານີ້ ມັນກວ່າເວລາໃດໝົດ ພວກເຮົາຈົ່ງຮ່ວມແຮງຮ່ວມໃຈ ຕ້ານໄພໂຄວິດ-19 ໃຫ້ໄດ້ຮັບໄຊຊະນະ.

- Wave100S AD to Website 2020 0 - ຈົ່ງຮ່ວມໃຈ ຕ້ານໄພໂຄວິດ
- WhatsApp Image 2020 05 27 at 5 - ຈົ່ງຮ່ວມໃຈ ຕ້ານໄພໂຄວິດ
- WhatsApp Image 2020 05 27 at 5 - ຈົ່ງຮ່ວມໃຈ ຕ້ານໄພໂຄວິດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!