ເຈົ້າໜ້າທີ່ລະດັບສູງຮາມາດຄາດ ບັນລຸຂໍ້ຕົກລົງຢຸດຍິງໃນກາຊາໄດ້ໃນ 1-2 ວັນ ຂະນະທີ່ຜູ້ນຳອິສລາແອນປະກາດເດີນໜ້າໂຈມຕີຕໍ່ຈົນກວ່າປະເທດຈະສະຫງົບ

- AP21139356994154 1024x640 1 - ເຈົ້າໜ້າທີ່ລະດັບສູງຮາມາດຄາດ ບັນລຸຂໍ້ຕົກລົງຢຸດຍິງໃນກາຊາໄດ້ໃນ 1-2 ວັນ ຂະນະທີ່ຜູ້ນຳອິສລາແອນປະກາດເດີນໜ້າໂຈມຕີຕໍ່ຈົນກວ່າປະເທດຈະສະຫງົບ
- AGL banner - ເຈົ້າໜ້າທີ່ລະດັບສູງຮາມາດຄາດ ບັນລຸຂໍ້ຕົກລົງຢຸດຍິງໃນກາຊາໄດ້ໃນ 1-2 ວັນ ຂະນະທີ່ຜູ້ນຳອິສລາແອນປະກາດເດີນໜ້າໂຈມຕີຕໍ່ຈົນກວ່າປະເທດຈະສະຫງົບ

ສະຖານະການສູ້ຮົບລະຫວ່າງກອງທັບອິສລາແອນກັບກຸ່ມຮາມາດ ແລະ ກຸ່ມຕິດອາວຸດປາແລັສຕິນໃນເຂດກາຊາ ເດີນໜ້າເຂົ້າສູ່ວັນທີ 11 ທ່າມກາງສັນຍານໃນແງ່ບວກ ຫລັງທ່ານ ມູສຊາ ອາບູ ມາຊູກ ເຈົ້າໜ້າທີ່ລະດັບສູງດ້ານການເມືອງຂອງກຸ່ມຮາມາດ ໃຫ້ສຳພາດຕໍ່ສະຖານີໂທລະພາບ al-Mayadeen TV ຂອງເລບານອນ ໂດຍຄາດຄະເນວ່າຄວາມພະຍາຍາມໃນການບັນລຸຂໍ້ຕົກລົງຢຸດຍິງຈະປະສົບຜົນສຳເລັດພາຍໃນ 1-2 ວັນ.

ທ່າທີຂອງຮາມາດມີຂຶ້ນທ່າມກາງກະແສຮຽກຮ້ອງຈາກປະຊາຄົມໂລກໃຫ້ອິສລາແອນ ແລະ ກຸ່ມຕິດອາວຸດປາແລັສຕິນຢຸດຍິງໂດຍໄວ ໂດຍສະມັດຊາໃຫຍ່ແຫ່ງສະຫະປະຊາຊາດ ກຽມປະຊຸມວາລະພິເສດເລື່ອງສະຖານະການໃນກາຊາຢູ່ນະຄອນນິວຢອກໃນວັນທີ 20 ພຶດສະພານີ້.

ຂະນະທີ່ສຳນັກຂ່າວ Reuters ອ້າງຂໍ້ມູນຈາກແຫລ່ງຂ່າວດ້ານຄວາມໝັ້ນຄົງຂອງອີຢິບວ່າ: ອິສລາແອນ ແລະ ຮາມາດເຫັນພ້ອມໃນຫລັກການຂອງຂໍ້ຕົກລົງຢຸດຍິງ ພາຍຫລັງໄດ້ຮັບການຊ່ວຍເຫລືອຈາກເຈົ້າໜ້າທີ່ຄົນກາງປະສານການເຈລະຈາ.

ນອກຈາກນີ້, ທ່ານ ທໍ ເວນເນສແລນ ຜູ້ແທນພິເສດດ້ານຂະບວນການສັນຕິພາບຕາເວັນອອກກາງຂອງສະຫະປະຊາຊາດ ໄດ້ຫາລືໃນເລື່ອງນີ້ກັບທ່ານ ອິສ ມາອິລ ຮານິເຢ ປະທານສຳນັກການເມືອງຂອງຮາມາດ ຢູ່ກາຕານຳອີກ.

ນາຍົກລັດຖະມົນຕີ ເບນຈາມິນ ເນທັນຢາຮູ ຂອງອິສລາແອນ ຢືນຢັນວ່າ: ທ່ານມຸ້ງໝັ້ນຈະເດີນໜ້າການໂຈມຕີທາງອາກາດເພື່ອຖະຫລົ່ມເປົ້າໝາຍຂອງກຸ່ມຕິດອາວຸດໃນກາຊາຕໍ່ໄປ ຈົນກວ່າປະຊາກອນອິສລາແອນຈະໄດ້ຮັບຄວາມສະຫງົບ ແລະ ໝັ້ນຄົງກັບຄືນມາ.

ຂະນະທີ່ກ່ອນໜ້ານີ້ ປະທານາທິບໍດີ ໂຈ ໄບເດນ ຂອງອາເມລິກາ ຮຽກຮ້ອງໃຫ້ທ່ານ ເນທັນຢາຮູ ຫລຸດການຂະຫຍາຍຄວາມຮຸນແຮງລົງ ເພື່ອເດີນໜ້າໄປສູ່ຫົນທາງໃນການຢຸດຍິງ.

- Wave100S AD to Website 2020 0 - ເຈົ້າໜ້າທີ່ລະດັບສູງຮາມາດຄາດ ບັນລຸຂໍ້ຕົກລົງຢຸດຍິງໃນກາຊາໄດ້ໃນ 1-2 ວັນ ຂະນະທີ່ຜູ້ນຳອິສລາແອນປະກາດເດີນໜ້າໂຈມຕີຕໍ່ຈົນກວ່າປະເທດຈະສະຫງົບ

ເຖິງຢ່າງໃດກໍຕາມ, ການໂຈມຕີຕອບໂຕ້ຂອງທັງສອງຝ່າຍຍັງເປັນໄປຢ່າງຮຸນແຮງ ໂດຍໃນວັນທີ 20 ພຶດສະພາ ກອງທັບອິສລາແອນ (IDF) ສົ່ງຝູງບິນຮົບໂຈມຕີໂຄງລ່າງພື້ນຖານຂອງກຸ່ມຮາມາດ ທາງຕອນເໜືອຂອງເຂດກາຊາຫລາຍກວ່າ 100 ຖ້ຽວ, ຂະນະທີ່ກຸ່ມຕິດອາວຸດປາແລັສຕິນຍັງລະດົມຍິງຈະຫລວດຂ້າມຊາຍແດນໄປໃສ່ອິສລາແອນເປັນໄລຍະ.

ເຊິ່ງຜົນຈາກການໂຈມຕີຫລ້າສຸດເຮັດໃຫ້ຍອດຊາວປາແລັສຕິນໃນກາຊາເສຍຊີວິດເພີ່ມເປັນ 227 ຄົນ ໂດຍກະຊວງສາທາລະນະສຸກແຫ່ງກາຊາລາຍງານວ່າ: ມີເດັກນ້ອຍ 64 ຄົນ ແລະ ຜູ້ຍິງ 38 ຄົນ ລວມຢູ່ໃນຜູ້ເສຍຊີວິດ.

ອ້າງອີງ:

- WhatsApp Image 2020 05 27 at 5 - ເຈົ້າໜ້າທີ່ລະດັບສູງຮາມາດຄາດ ບັນລຸຂໍ້ຕົກລົງຢຸດຍິງໃນກາຊາໄດ້ໃນ 1-2 ວັນ ຂະນະທີ່ຜູ້ນຳອິສລາແອນປະກາດເດີນໜ້າໂຈມຕີຕໍ່ຈົນກວ່າປະເທດຈະສະຫງົບ
- WhatsApp Image 2020 05 27 at 5 - ເຈົ້າໜ້າທີ່ລະດັບສູງຮາມາດຄາດ ບັນລຸຂໍ້ຕົກລົງຢຸດຍິງໃນກາຊາໄດ້ໃນ 1-2 ວັນ ຂະນະທີ່ຜູ້ນຳອິສລາແອນປະກາດເດີນໜ້າໂຈມຕີຕໍ່ຈົນກວ່າປະເທດຈະສະຫງົບ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!