ພາສີນະຄອນຫລວງຈະສືບຕໍ່ແກ້ໄຂພາຫະນະນໍາເຂົ້າບໍ່ຖືກຕ້ອງໃຫ້ໝົດໄປ

- advert banner 728 90 728x90 - ພາສີນະຄອນຫລວງຈະສືບຕໍ່ແກ້ໄຂພາຫະນະນໍາເຂົ້າບໍ່ຖືກຕ້ອງໃຫ້ໝົດໄປ

ກອງກວດກາພາສີນະຄອນຫລວງວຽງຈັນ ໃຫ້ຮູ້ວ່າ: ໜ່ວຍງານຂອງຕົນຈະສືບຕໍ່ເພີ່ມທະວີເອົາໃຈໃສ່ການແກ້ໄຂບັນຫາພາຫະນະນໍາເຂົ້າບໍ່ຖືກຕ້ອງໃຫ້ໝົດໄປເທື່ອລະກ້າວ, ພາຍຫລັງເຫັນວ່າການເຄື່ອນໄຫວວຽກງານແກ້ໄຂບັນຫາດັ່ງກ່າວໃນໄລຍະ 6 ເດືອນຜ່ານມາສາມາດຂຶ້ນບັນຊີພາຫະນະບໍ່ຖືກຕ້ອງໄດ້ຈໍານວນທັງໝົດ 382 ຄັນ, ໃນນີ້ສາມາດແກ້ໄຂແລ້ວ 127 ຄັນ, ຍັງຄ້າງ 255 ຄັນ, ໄດ້ຮັບເງິນຊໍາລະຄ່າພາສີ-ອາກອນຫລາຍກວ່າ 4,8 ຕື້ກີບ ແລະ ປັບໃໝຜູ້ກະທໍາຜິດເປັນເງິນຫລາຍກວ່າ 220 ລ້ານກີບ.

- new3 - ພາສີນະຄອນຫລວງຈະສືບຕໍ່ແກ້ໄຂພາຫະນະນໍາເຂົ້າບໍ່ຖືກຕ້ອງໃຫ້ໝົດໄປ

ທ່ານຫົວໜ້າກອງກວດກາພາສີນະຄອນຫລວງວຽງຈັນ ທອງພັດ ລາດຊະວົງ ໃຫ້ຮູ້ວ່າ: ພາຍຫລັງໄດ້ສໍາເລັດການຂຶ້ນບັນຊີພາຫະນະນໍາເຂົ້າບໍ່ຖືກຕ້ອງຕາມລະບຽບກົດໝາຍ ແລະ ໄດ້ປັບໃໝຜູ້ກະທໍາຜິດຈໍານວນໜຶ່ງແລ້ວ, ໜ່ວຍງານກ່ຽວຂ້ອງຈະສືບຕໍ່ແກ້ໄຂບັນຫາພາຫະນະທີ່ຍັງຄ້າງທີ່ເຈົ້າໜ້າກອງກວດກາພາສີນະຄອນຫລວງໄດ້ຍຶດໄວ້ຈຳນວນ 27 ຄັນ ແລະ ໄດ້ມີແຈ້ງການໄປແລ້ວເຖິງເຈົ້າຂອງພາຫະນະໃຫ້ເຂົ້າມາພົວພັນຄິດໄລ່ການເສຍພາສີ-ອາກອນ ແລະ ປັບໃໝ່ຕາມລະບຽບການ. ນອກນີ້ຈະສືບຕໍ່ແກ້ໄຂພາຫະນະທີ່ນໍາເຂົ້າບໍ່ຖືກຕ້ອງຕາມບັນຊີທີ່ຍັງຕົກຄ້າງ ເຊິ່ງປະກອບມີລົດໃຫຍ່ຈໍານວນ 159 ຄັນ, ລົດຈັກ 96 ຄັນ, ພ້ອມທັງສືບຕໍ່ເລັ່ງທວງໃຫ້ບໍລິສັດທີ່ຂໍອະນຸຍາດເອົາເຄື່ອງອອກກ່ອນໃນລະບົບ IM8 ໃຫ້ມາລົບລ້າງຕາມກໍານົດເວລາທີ່ກໍາໄວ້ຂອງດ່ານພາສີທ່ານາແລ້ງ.

ກະຊວງການເງິນຊີ້ແຈງການຂຸດຄົ້ນແຫລ່ງລາຍຮັບພາຍໃຕ້ກົດໝາຍພາສີ-ອາກອນ

- lattana 1 - ພາສີນະຄອນຫລວງຈະສືບຕໍ່ແກ້ໄຂພາຫະນະນໍາເຂົ້າບໍ່ຖືກຕ້ອງໃຫ້ໝົດໄປ

ຫົວໜ້າກອງກວດກາດັ່ງກ່າວ ໃຫ້ຮູ້ວ່າ: ການເຄື່ອນໄຫວວຽກງານວິຊາສະເພາະໃນ 6 ເດືອນຜ່ານມາແມ່ນມີຜົນສໍາເລັດຫລາຍດ້ານ ເປັນຕົ້ນ: ການສະກັດກັ້ນສິນຄ້າລັກລອບໜີພາສີນັບທັງພາຍໃນດ່ານ ແລະ ນອກດ່ານ, ການກວດກາການເຄື່ອນຍ້າຍນໍ້າມັນເຊື້ອໄຟ ແລະ ສິນຄ້າຍົກເວັ້ນພາສີ-ອາກອນຕ່າງໆ, ເຊິ່ງມີຄະດີເກີດຂຶ້ນທັງໝົດ 59 ກໍລະນີ, ຍົກມາໃນປີກ່ອນ 21 ຄະດີ ລວມທັງໝົດ 80 ຄະດີ, ໃນນັ້ນມີພາຫະນະ 37 ຄະດີ, ເຄື່ອງໃຊ້ໄຟຟ້າ ແລະ ເຄື່ອງອຸປະໂພກ-ບໍລິໂພກມີ 41 ຄະດີ, ໄມ້ 2 ຄະດີ, ຈໍານວນຄະດີທີ່ຄ້າງມີ 35 ຄະດີ ໃນນັ້ນມີພາຫະນະ 28 ຄະດີ, ເຄື່ອງໃຊ້ໄຟຟ້າ ແລະ ເຄື່ອງອຸປະໂພກ-ບໍລິໂພກມີ 5 ຄະດີ, ໄມ້ 2 ຄະດີ, ຄະດີທີ່ສະສາງແລ້ວມີ 45 ຄະດີ, ລວມມູນຄ່າຫລາຍກວ່າ 1,6 ຕື້ກີບ, ພາສີ-ອາກອນຫລາຍກວ່າ 2,2 ຕື້ກີບ ແລະ ຄ່າປັບໃໝຫລາຍກວ່າ 362 ລ້ານກີບ.

error: Content is protected !!