ເຈົ້າແຂວງຈຳປາສັກ ລົງຕິດຕາມຜົນກະທົບຈາກພະຍຸລະດູຮ້ອນ ຢູ່ເມືອງໂຂງ ໄດ້ຮັບຄວາມເສຍຫາຍ 1,3 ຕື້ກວ່າກີບ

- 855 - ເຈົ້າແຂວງຈຳປາສັກ ລົງຕິດຕາມຜົນກະທົບຈາກພະຍຸລະດູຮ້ອນ ຢູ່ເມືອງໂຂງ ໄດ້ຮັບຄວາມເສຍຫາຍ 1,3 ຕື້ກວ່າກີບ
- AGL banner - ເຈົ້າແຂວງຈຳປາສັກ ລົງຕິດຕາມຜົນກະທົບຈາກພະຍຸລະດູຮ້ອນ ຢູ່ເມືອງໂຂງ ໄດ້ຮັບຄວາມເສຍຫາຍ 1,3 ຕື້ກວ່າກີບ
ໃນວັນທີ 20 ພຶດສະພານີ້,  ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ພ້ອມດ້ວຍຄະນະ ແລະ ທ່ານ ສາຍທອງ ໄຊຍະວົງ ປະທານສະພາປະຊາຊົນແຂວງ, ບັນດາການນຳພະແນກການ, ຄະນະກໍາມະການຄຸ້ມຄອງໄພພິບັດຂັ້ນແຂວງ ແລະ ເມືອງໂຂງ ໄດ້ລົງຕິດຕາມເຫດໄພພິບັດຈາກພະຍຸລະດູຮ້ອນພັດເຂົ້າໃສ່ບ້ານເຮືອນປະຊາຊົນ ເມືອງໂຂງ ແຂວງຈໍາປາສັກ, ໃນນັ້ນ ມີເຮືອນປະຊາຊົນໄດ້ຮັບຜົນກະທົບເປ່ເພເສຍຫາຍ 279 ຫລັງຄາເຮືອນ, ມູນຄ່າເສຍຫາຍປະມານ 1,3 ຕື້ກວ່າກີບ.
ທ່ານ ນາງ ຄຳພູ ລິດທິສັກ ເຈົ້າເມືອງໂຂງ ໃຫ້ຮູ້ວ່າ: ໃນເວລາປະ ມານ 21:30 ໂມງ ຂອງຄືນວັນທີ 17 ພຶດສະພາ 2021, ໄດ້ເກີດມີລົມພະຍຸພັດເຮືອນປະຊາຊົນ ຢູ່ກຸ່ມນາຝັ່ງ, ກຸ່ມຫາດຊາຍຄູນ ແລະ ຈຸດຫົວໂຂງ ຈໍານວນ 10 ບ້ານ, ມີເຮືອນຂອງປະຊາຊົນໄດ້ຮັບຜົນກະທົບ ເປ່ເພເສຍຫາຍ 279 ຫລັງຄາເຮືອນ. ກຸ່ມນາຝັ່ງ ມີ ຈໍານວນ 3 ບ້ານ ມີ 94 ຫລັງຄາເຮືອນ, ກຸ່ມຫາດຊາຍຄູນ ມີ 1 ບ້ານ 29 ຫລັງຄາເຮືອນ, ຈຸດຫົວໂຂງ ມີ 6 ບ້ານ, 156 ຫລັງຄາເຮືອນ. ປະເມີນມູນຄ່າເສຍຫາຍ ປະມານ 1,3 ຕື້ກວ່າກີບ.
ໃນເບື້ອງຕົ້ນ ອົງການປົກຄອງເມືອງໂຂງ ໄດ້ຊ່ວຍເຫລືອຄອບຄົວປະຊາຊົນ ຜູ້ບໍ່ມີທີ່ພັກອາໄສ ຢູ່ຈຸດຫົວໂຂງມີ: ບ້ານແສນລ່າມ 1 ຄອບຄົວ, ບ້ານໂຂງຫາດົ້ວ 2 ຄອບຄົວ ແລະ ບ້ານຫາງສັນ 2 ຄອບຄົວ ໂດຍໄດ້ມອບ ສັງກະສີ, ຕະປູ ແລະ ນໍ້າດື່ມ ລວມມູນຄ່າ 4 ລ້ານກວ່າກີບ.
ໂອກາດນີ້, ທ່ານເຈົ້າແຂວງ ໄດ້ໂອ້ລົມໃຫ້ກຳລັງໃຈ ແລະ ມີຄວາມເປັນຫ່ວງເປັນໃຍ ຂອງຄະນະພັກ-ອົງການປົກຄອງ ຕໍ່ກັບຊີວິດການເປັນຢູ່ຂອງປະຊາຊົນ ທີ່ຖືກຜົນກະທົບໃນຄັ້ງນີ້ ພ້ອມໄດ້ຊ່ວຍເຫລືອເບື້ອງຕົ້ນ ເຊັ່ນ: ເຂົ້າສານ, ນ້ຳດື່ມສະອາດ, ໝີ່, ສັງກະສີ, ຢ່າປົວພະຍາດ ແລະ ຍັງມີປັດໄຈອື່ນໆ ທີ່ຈຳເປັນ, ມູນຄ່າ 500 ລ້ານກີບ. ມາມອບໃຫ້ເມືອງ ກໍຄື ພໍ່ແມ່ປະຊາຊົນ ທີ່ຖືກຜົນກະທົບຈາກເຫດການດັ່ງກ່າວ.
- Wave100S AD to Website 2020 0 - ເຈົ້າແຂວງຈຳປາສັກ ລົງຕິດຕາມຜົນກະທົບຈາກພະຍຸລະດູຮ້ອນ ຢູ່ເມືອງໂຂງ ໄດ້ຮັບຄວາມເສຍຫາຍ 1,3 ຕື້ກວ່າກີບ
- WhatsApp Image 2020 05 27 at 5 - ເຈົ້າແຂວງຈຳປາສັກ ລົງຕິດຕາມຜົນກະທົບຈາກພະຍຸລະດູຮ້ອນ ຢູ່ເມືອງໂຂງ ໄດ້ຮັບຄວາມເສຍຫາຍ 1,3 ຕື້ກວ່າກີບ
- WhatsApp Image 2020 05 27 at 5 - ເຈົ້າແຂວງຈຳປາສັກ ລົງຕິດຕາມຜົນກະທົບຈາກພະຍຸລະດູຮ້ອນ ຢູ່ເມືອງໂຂງ ໄດ້ຮັບຄວາມເສຍຫາຍ 1,3 ຕື້ກວ່າກີບ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!