ປະທານປະເທດ ສໍາເລັດການເຂົ້າຮ່ວມ ກອງປະຊຸມສາກົນແບບທາງໄກວ່າດ້ວຍ ອະນາຄົດຂອງອາຊີ ຄັ້ງທີ 26

- AGL banner - ປະທານປະເທດ ສໍາເລັດການເຂົ້າຮ່ວມ ກອງປະຊຸມສາກົນແບບທາງໄກວ່າດ້ວຍ ອະນາຄົດຂອງອາຊີ ຄັ້ງທີ 26

ວັນທີ 21 ພຶດສະພາ 2021 ທ່ານ ທອງລຸນ ສີສຸລິດ ປະ ທານປະເທດ ແຫ່ງ ສປປ ລາວ ໄດ້ຂຶ້ນກ່າວປາໄສ ໃນກອງປະຊຸມສາກົນວ່າດ້ວຍ ອະນາຄົດຂອງອາຊີ ຄັ້ງທີ 26 ຫົວຂໍ້: “ການສ້າງຍຸກສະໄໝຫລັງໂຄວິດ-19: ບົດບາດຂອງອາຊີ ໃນການຟື້ນຕົວຂອງໂລກ” (Shaping the post-COVID era: Asia’s role in the global recovery), ເຊິ່ງໄດ້ຈັດຂຶ້ນທີ່ປະເທດຍີ່ປຸ່ນ ໂດຍສໍານັກຂ່າວໜັງສືພິມເສດຖະກິດຍີ່ປຸ່ນ (NIKKEI) ໃນຮູບແບບທາງໄກ ເປັນປະທານຂອງ ທ່ານ ສຶໂຢຊິ ຮາເຊເບະ (Tsuyoshi Hasebe) ປະທານສໍານັກໜັງສືພິມ NIKKEI ແລະ ພາກສ່ວນທຸລະກິດຕ່າງໆ ຂອງຍີ່ປຸ່ນ.
ທ່ານ ທອງລຸນ ສີສຸລິດ ຍົກໃຫ້ເຫັນເຖິງບັນຫາທີ່ພົ້ນເດັ່ນຂອງໂລກ ແລະ ສິ່ງທ້າທາຍ ກໍາລັງປະເຊີນຢູ່ໃນປັດຈຸບັນ, ພ້ອມທັງຍົກໃຫ້ເຫັນການວາງແຜນທີ່ມີລັກສະນະຍຸດທະສາດຮ່ວມກັນເພື່ອຮັບມືກັບສິ່ງທ້າທ້າຍຕ່າງໆ ພາຍຫລັງໂຄວິດ-19, ບົດບາດຄວາມສໍາຄັນຂອງອາຊີໃນການຟື້ນຟູເສດຖະກິດ-ສັງຄົມຂອງໂລກ ແລະ ການເພີ່ມທະວີການຮ່ວມມືທີ່ມີຄຸນນະພາບ ເພື່ອການພັດທະນາທີ່ສອດຄ່ອງກັບຍຸກສະໄໝໃໝ່ດ້ວຍຄວາມຮັບຜິດຊອບຮ່ວມກັນ. ສປປ ລາວ ມີບົດບາດໃນການປະກອບສ່ວນຮ່ວມມືຢ່າງຕັ້ງໜ້າເຂົ້າໃນຂະບວນການລວມເພື່ອກຽມພ້ອມ ແລະ ຮັບມືກັບວິກິດການຕ່າງໆ ເຊິ່ງອາດເກີດຂຶ້ນໃໝ່ ເພື່ອປົກປັກຮັກສາສັນຕິພາບ, ສະຖຽນລະພາບ ແລະ ສ້າງເງື່ອນໄຂອັນສະດວກໃຫ້ແກ່ການພັດທະນາ ຮ່ວມກັບວົງຄະນະຍາດສາກົນ ແລະ ສະແດງຄວາມຂອບໃຈຕໍ່ປະເທດເພື່ອນມິດ, ບັນດາຄູ່ຮ່ວມພັດທະນາ ແລະ ອົງການຈັດຕັ້ງສາກົນ ທີ່ໃຫ້ການຊ່ວຍເຫລືອ ສປປ ລາວເພື່ອສະກັດກັ້ນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ ແລະ ການພື້ນຟູເສດຖະກິດຫລັງວິກິດການດັ່ງກ່າວ.
ກອງປະຊຸມດັ່ງກ່າວນີ້ເປັນຄັ້ງທີ 5 ທີ່ທ່ານ ທອງລຸນ ສີສຸລິດ ໄດ້ເຂົ້າຮ່ວມນັບແຕ່ດໍາລົງຕໍາ ແໜ່ງເປັນຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແລະ ນາຍົກລັດຖະມົນຕີ ແຫ່ງ ສປປ ລາວ, ເຊິ່ງການປາໄສແຕ່ລະຄັ້ງ ໄດ້ສະແດງໃຫ້ເຫັນເຖິງວິໄສທັດທີ່ສອດຄ່ອງກັບສະພາບການຕົວຈິງ ແລະ ປິ່ນອ້ອມຫົວຂໍ້ຂອງກອງປະຊຸມໃນແຕ່ລະຄັ້ງ. ປະກອບສ່ວນເຂົ້າໃນການຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ທີ່ມີມາແຕ່ດົນນານ ກໍຄືການເປັນຄູ່ຮ່ວມມືຍຸດທະສາດ ລະຫວ່າງ ສປປ ລາວ ແລະ ຍີ່ປຸ່ນ ໃຫ້ກວ້າງຂວາງແໜ້ນແຟ້ນ ແລະ ເລິກເຊິ່ງຂຶ້ນໄປ.

- Wave100S AD to Website 2020 0 - ປະທານປະເທດ ສໍາເລັດການເຂົ້າຮ່ວມ ກອງປະຊຸມສາກົນແບບທາງໄກວ່າດ້ວຍ ອະນາຄົດຂອງອາຊີ ຄັ້ງທີ 26
- lattana banner 1 - ປະທານປະເທດ ສໍາເລັດການເຂົ້າຮ່ວມ ກອງປະຊຸມສາກົນແບບທາງໄກວ່າດ້ວຍ ອະນາຄົດຂອງອາຊີ ຄັ້ງທີ 26
- lattana banner - ປະທານປະເທດ ສໍາເລັດການເຂົ້າຮ່ວມ ກອງປະຊຸມສາກົນແບບທາງໄກວ່າດ້ວຍ ອະນາຄົດຂອງອາຊີ ຄັ້ງທີ 26
-    AD conten website - ປະທານປະເທດ ສໍາເລັດການເຂົ້າຮ່ວມ ກອງປະຊຸມສາກົນແບບທາງໄກວ່າດ້ວຍ ອະນາຄົດຂອງອາຊີ ຄັ້ງທີ 26
error: Alert: ເນື້ອຫາຂ່າວມີລິຂະສິດ !!