ລາວສັ່ງໃຫ້ຜູ້ຜະລິດເຄື່ອງດື່ມພາຍໃນຕິດສະແຕມ ແລະ ສະຫລາກເປັນພາສາລາວ

- advert banner 728 90 728x90 - ລາວສັ່ງໃຫ້ຜູ້ຜະລິດເຄື່ອງດື່ມພາຍໃນຕິດສະແຕມ ແລະ ສະຫລາກເປັນພາສາລາວ

ລັດຖະມົນຕີກະຊວງການເງິນໄດ້ອອກແຈ້ງການສະບັບເລກທີ 2377/ກງ ລົງວັນທີ 14 ກໍລະກົດ 2017 ເຖິງບໍລິສັດ ເບຍລາວ ຈໍາກັດ, ບໍລິສັດ ໄຮນີເກນລາວ ບຣີເວີລີ, ບໍລິສັດໂຄຄາ-ໂຄລາ ບອດຕຣິງ ຈໍາກັດ, ບໍລີສັດ ດາວເຮືອງ ກລຸບ, ບໍລິສັດ ເອສທີ ກລຸບ, ບໍລິສັດ ພອນສະຫວັນ ຂາອອກ-ຂາເຂົ້າ ຈໍາກັດຜູ້ດຽວ, ບໍລິສັດ ຄາວນາຍ ຂາອອກ-ຂາເຂົ້າ ຈໍາກັດ, ບໍລິສັດ ເປແອັສ ການຄ້າ, ບໍລິສັດ ວຽງຈັນ ເອັດວີ ການຄ້າ ແລະ ບໍລິການ, ບໍລິສັດ ອັກສອນສະຫວັນ ຈໍາກັດຜູ້ດຽວ, ບໍລິສັດ ອໍານວຍກິດ ເທຣດດິງ ຈໍາກັດ, ບໍລິສັດ ລ້ານຊ້າງພັດທະນາ ຂາອອກ ແລະ ບັນດາບໍລິສັດອື່ນໆທີ່ຜະລິດ ແລະ ນໍາເຂົ້າເຄື່ອງດື່ມ, ໃຫ້ຕິດສະແຕມພາສີ ແລະ ສະຫລາກສິນຄ້າເປັນພາສາລາວໃສ່ຜະລິດຕະພັນເຄື່ອງດື່ມທີ່ມີ ແລະ ບໍ່ມີທາດເຫລົ້າທີ່ຜະລິດຢູ່ພາຍໃນ ແລະ ນໍາເຂົ້າຈາກຕ່າງປະເທດ ກ່ອນອອກຈໍາໜ່າຍສູ່ຕະຫລາດ.

ແຈ້ງການດັ່ງກ່າວໄດ້ກໍານົດໃຫ້ຕິດສະແຕມພາສີໃສ່ສີນຄ້າປະເພດເຄື່ອງດື່ມທີ່ມີທາດເຫລົ້າທີ່ນໍາເຂົ້າຈາກຕ່າງປະເທດທຸກຂວດ, ຂະໜາດ ແລະ ການຫຸ້ມຫໍ, ໂດຍໃຫ້ສອດຄ່ອງກັບແຈ້ງການແນະນໍາຂອງກົມພາສີວ່າດ້ວຍການຄຸ້ມຄອງ ແລະ ການນໍາໃຊ້ສະແຕມພາສີ. ສໍາລັບການຕິດສະຫລາກເປັນພາສາລາວໃສ່ສີນຄ້າທີ່ຕົນຜະລິດຢູ່ພາຍໃນ ຫລື ນໍາເຂົ້າຈາກຕ່າງປະເທດສໍາລັບເຄື່ອງດື່ມທີ່ມີ ແລະ ບໍ່ມີທາດເຫລົ້າ ເນື້ອໃນສະຫລາກຕ້ອງປະກອບມີຂໍ້ມູນຕົ້ນຕໍຕາມທີ່ໄດ້ກໍານົດໄວ້ໃນຄໍາສັ່ງ 2501/ອຄ,ຄພນ ກໍຄືກົດໝາຍວ່າດ້ວນການປົກປ້ອງຜູ້ຊົມໃຊ້ ເປັນຕົ້ນ: ປະເພດ ຫລື ຊະນິດສີນຄ້າ, ເຄື່ອງໝາຍການຄ້າທີ່ໄດ້ຈົດທະບຽນຂອງຜູ້ຜະລິດ ແລະ ຜູ້ນໍາເຂົ້າເພື່ອຈໍາໜ່າຍ, ສະຖານທີ່ຜະລິດ ແລະ ຜູ້ນໍາເຂົ້າເພື່ອຈໍາໜ່າຍ, ຊື້ປະເທດຜະລິດສີນຄ້າ, ລາຄາ, ຈໍານວນ, ປະລິມານ, ຄຸນນະພາບ, ບໍລິມາດ, ກໍານົດແຈ້ງອັດຕາສ່ວນປະກອບ, ຂໍ້ແນະນໍາວິທີການນໍາໃຊ້, ຄໍາເຕືອນ, ວັນເດືອນປີຜະລິດ ແລະ ວັນໝົດອາຍຸ. ພາຍຫລັງແຈ້ງການນີ້ກະຊວງການເງິນຈະຕັ້ງໜ່ວຍງານວິຊາການປະກອບມີຂະແໜງອຸດສະຫະກໍາ ແລະ ການຄ້າ ແລະ ພາກສ່ວນກ່ຽວຂ້ອງອື່ນໆ ເພື່ອຕິດຕາມ ແລະ ກວດກາການຈັດຕັ້ງປະຕິບັດຕົວຈິງໃນການຕິດສະແຕມພາສີ ແລະ ສະຫລາກຂອງບັນດາບໍລິສັດ, ຫາກຫົວໜ່ວຍທຸລະກິດໃດລະເມີດກໍຈະດໍາເນີນມາດຕະການຕາມລະບຽບກົດໝາຍເຂັ້ມງວດ.

- 1 1 - ລາວສັ່ງໃຫ້ຜູ້ຜະລິດເຄື່ອງດື່ມພາຍໃນຕິດສະແຕມ ແລະ ສະຫລາກເປັນພາສາລາວ
- Tiger Head 728x90 - ລາວສັ່ງໃຫ້ຜູ້ຜະລິດເຄື່ອງດື່ມພາຍໃນຕິດສະແຕມ ແລະ ສະຫລາກເປັນພາສາລາວ
error: Content is protected !!