ອິສລາແອນ-ຮາມາດ ບັນລຸຂໍ້ຕົກລົງຢຸດຍິງ ຢຸດສົງຄາມນອງເລືອດ 11 ວັນ
ວັນທີ 21 ພຶດສະພາ 2021, ທາງການອິສລາແອນ ແລະ ກຸ່ມຮາມາດ ກຸ່ມກອງກຳລັງຕິດອາວຸດຊາວປາແລັສຕິນ ບັນລຸຂໍ້ຕົກລົງຢຸດຍິງທີ່ສະເໜີໂດຍອີຢິບ ຢຸດສົງຄາມນອງເລືອດ 11 ວັນ ໂດຍມີຜົນນັບແຕ່ເວລາ 23:00 ໂມງ ຂອງວັນທີ 20 ພຶດສະພາ ຕາມເວລາທ້ອງຖິ່ນ ເປັນເຫດໃຫ້ມີຜູ້ເສຍຊີວິດລວມຢ່າງໜ້ອຍ 244 ຄົນ ເປັນຊາວປາແລັສຕິນ 232 ຄົນ, ອີກ 12 ຄົນເປັນຊາວອິສລາແອນ.
ທ່ານ ເບນຈາມິນ ເນທັນຢາຮູ ນາຍົກລັດຖະມົນຕີອິສລາແອນ ປະກາດ “ລັດຖະບານມີມະຕິຢ່າງເປັນເອກະພາບ ຍອມຮັບຂໍ້ສະເໜີທາງການອີຢິບຢ່າງບໍ່ມີເງື່ອນໄຂທີ່ຈະຢຸດຍິງ”.
ສ່ວນທ່ານ ອັນໂຕນິໂອ ກູເຕີເຣສ ເລຂາທິການສະຫະປະຊາຊາດ ເນັ້ນຫວັງໃຫ້ມີການປານີປານອມກັນຢ່າງແທ້ຈິງເກີດຂຶ້ນຫລັງການບັນລຸຂໍ້ຕົກລົງຢຸດຍິງ.
“ຂ້າພະເຈົ້າເນັ້ນວ່າ: ຜູ້ນຳອິສລາແອນ ແລະ ປາແລັສຕິນມີສ່ວນຮັບຜິດຊອບໃນການຟື້ນຟູຄວາມສະຫງົບສຸກ ແລະ ເປີດພື້ນທີ່ການເຈລະຈາເພື່ອແກ້ໄຂເຖິງບັນຫາທີ່ຝັງຮາກເລິກຢູ່ພາຍໃນຄວາມຂັດແຍ່ງຂອງອິສລາແອນ ແລະ ປາແລັສຕິນ.
ເຂດກາຊາເປັນສ່ວນສຳຄັນຂອງລັດປາແລັສຕິນໃນອະນາຄົດ ແລະ ບໍ່ຄວນມີຄວາມພະຍາຍາມໃດຖືກເກັບອອມໄວ້ ເພື່ອຈະສ້າງຄວາມປອງດອງໃຫ້ເກີດຂຶ້ນຢ່າງແທ້ຈິງ ເພື່ອຢຸດການແບ່ງແຍກ”.
ອ້າງອີງ:
- https://www.aljazeera.com/news/2021/5/20/death-destruction-in-gaza-as-israel-defies-truce-call-live
- https://www.bbc.com/news/av/world-57192621
- https://apnews.com/article/israel-palestinian-cease-fire-hamas-caac81bc36fe9be67ac2f7c27000c74b
