ຜົນການສຶກສາເຜີຍ ວັກຊີນ Pfizer ແລະ AstraZeneca ມີປະສິດທິພາບຕ້ານເຊື້ອໂຄວິດ-19 ກາຍພັນ ສາຍພັນອິນເດຍໄດ້

- shutterstock 1960990447 - ຜົນການສຶກສາເຜີຍ ວັກຊີນ Pfizer ແລະ AstraZeneca ມີປະສິດທິພາບຕ້ານເຊື້ອໂຄວິດ-19 ກາຍພັນ ສາຍພັນອິນເດຍໄດ້
- AGL banner - ຜົນການສຶກສາເຜີຍ ວັກຊີນ Pfizer ແລະ AstraZeneca ມີປະສິດທິພາບຕ້ານເຊື້ອໂຄວິດ-19 ກາຍພັນ ສາຍພັນອິນເດຍໄດ້

ວັນທີ 21 ພຶດສະພາ 2021, ທ່ານ ອູກູ ຊາຮິນ ຜູ້ບໍລິຫານລະດັບສູງຂອງ BioNTech ທີ່ຮ່ວມມືກັບຄູ່ຮ່ວມງານຄື Pfizer ທົດລອງ ແລະ ຜະລິດວັກຊີນຕ້ານໂຄວິດ-19 ເປີດເຜີຍວ່າ: ວັກຊີນຈາກ Pfizer-BioNTech ມີປະສິດທິພາບຕ້ານເຊື້ອໂຄວິດ-19 ກາຍພັນ ສາຍພັນອິນເດຍ (B.1.617) ໄດ້ ເຊັ່ນດຽວກັບການທົດລອງໃນອິນເດຍທີ່ບົ່ງບອກວ່າ: ວັກຊີນຈາກ AstraZeneca ສາມາດຕ້ານໂຄວິດ-19 ກາຍພັນນີ້ໄດ້ເຊັ່ນດຽວກັນ.

ທ່ານ ຊາຮິນ ເປີດເຜີຍວ່າ: ຜົນການສຶກສາກ່ອນໜ້ານີ້ຢືນຢັນວ່າວັກຊີນຈາກ Pfizer ມີປະສິດທິພາບສູງໃນການຕ້ານເຊື້ອໂຄວິດ-19 ກາຍພັນ ໂດຍສະເພາະສາຍພັນທີ່ພົບຄັ້ງທຳອິດໃນອາຟຣິກາໃຕ້ (B.1.351) ແລະ ອັງກິດ (B.1.1.7) ປ້ອງກັນການຕິດເຊື້ອຮຸນແຮງ ລວມທັງອາການປອດບວມຮຸນແຮງ ແລະ ການເສຍຊີວິດໄດ້.

ນອກຈາກນີ້, ທີມວິໄຈຍັງໄດ້ພັດທະນາໃຫ້ວັກຊີນຈາກ Pfizer ສາມາດຈັດເກັບໄດ້ດົນເຖິງ 31 ວັນ ໃນອຸນຫະພູມຕູ້ເຢັນປົກກະຕິ, ຫລຸດຄວາມຫຍຸ້ງຍາກ ແລະ ສັບຊ້ອນໃນການຈັດເກັບ ແລະ ຂົນສົ່ງວັກຊີນໄປພື້ນທີ່ຕ່າງໆ.

ຂະນະທີ່ການທົດລອງທີ່ໄດ້ຮັບການເຜີຍແຜ່ໂດຍໂຮງໝໍ Indraprastha Apollo Hospital ໃນນິວເດລີ ປະເທດອິນເດຍ ທີ່ສຶກສາກັບກຸ່ມທົດລອງ 3.300 ຄົນ ພົບວ່າວັກຊີນຕ້ານໂຄວິດ-19 ຈາກ AstraZeneca ສາມາດຕ້ານໂຄວິດ-19 ກາຍພັນ ສາຍພັນອິນເດຍໄດ້ 97% ເຖິງວ່າກ່ອນໜ້ານີ້ວັກຊີນອາດກ່ຽວຂ້ອງກັບການເກີດອາການຫລອດເລືອດອຸດຕັນ ຈົນເຮັດໃຫ້ທາງການບາງປະເທດໂຈະ ຫລື ຢຸດການໃຊ້ວັກຊີນແລ້ວກໍຕາມ.

ຈາກການຕິດຕາມສະຖານະການການແຜ່ລະບາດຂອງເຊື້ອໂຄວິດ-19 ກາຍພັນໂດຍ GISAID ພົບວ່າ: ປັດຈຸບັນມີປະເທດທີ່ກວດພົບຜູ້ຕິດເຊື້ອໂຄວິດ-19 ສາຍພັນອິນເດຍແລ້ວຢ່າງໜ້ອຍ 47 ປະເທດທົ່ວໂລກ ໂດຍຜົນການສຶກສາເບື້ອງຕົ້ນລະບຸວ່າ: ສາມາດແຜ່ກະຈາຍເຊື້ອໄດ້ງ່າຍຍິ່ງຂຶ້ນ, ແອນຕິບໍດີກວດຈັບ ແລະ ຕ້ານເຊື້ອໄວຣັສໄດ້ຍາກຍິ່ງຂຶ້ນກວ່າເຊື້ອໄວຣັສສາຍພັນດັ້ງເດີມ. ອີກທັງອົງການອະນາໄມໂລກ (WHO) ຍັງໄດ້ຈຳແນກໃຫ້ສາຍພັນອິນເດຍຢູ່ໃນປະເພດໄວຣັສກາຍພັນທີ່ໜ້າກັງວົນລະດັບໂລກ (Variant of Global Concern).

- Wave100S AD to Website 2020 0 - ຜົນການສຶກສາເຜີຍ ວັກຊີນ Pfizer ແລະ AstraZeneca ມີປະສິດທິພາບຕ້ານເຊື້ອໂຄວິດ-19 ກາຍພັນ ສາຍພັນອິນເດຍໄດ້

ໂດຍອັງກິດມີຜູ້ຕິດເຊື້ອໂຄວິດ-19 ກາຍພັນສາຍພັນອິນເດຍສູງສຸດເຖິງ 4.043 ຄົນ, ຮອງລົງມາແມ່ນອິນເດຍ 2.619 ຄົນ ແລະ ອາເມລິກາ 1.011 ຄົນ.

ອ້າງອີງ:

https://www.reuters.com/world/uk/indian-variants-transmissibility-edge-might-be-smaller-than-feared-uk-expert-2021-05-19/

- WhatsApp Image 2020 05 27 at 5 - ຜົນການສຶກສາເຜີຍ ວັກຊີນ Pfizer ແລະ AstraZeneca ມີປະສິດທິພາບຕ້ານເຊື້ອໂຄວິດ-19 ກາຍພັນ ສາຍພັນອິນເດຍໄດ້
- WhatsApp Image 2020 05 27 at 5 - ຜົນການສຶກສາເຜີຍ ວັກຊີນ Pfizer ແລະ AstraZeneca ມີປະສິດທິພາບຕ້ານເຊື້ອໂຄວິດ-19 ກາຍພັນ ສາຍພັນອິນເດຍໄດ້
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!