ກອງບັນຊາການ ປກສ ນະຄອນຫລວງ ສຸມໃສ່ 8 ໜ້າວຽກສຳຄັນໄລຍະລະບາດໂຄວິດ-19

- 186556873 1127050707776979 1393008577654944888 n - ກອງບັນຊາການ ປກສ ນະຄອນຫລວງ ສຸມໃສ່ 8 ໜ້າວຽກສຳຄັນໄລຍະລະບາດໂຄວິດ-19
- AGL banner - ກອງບັນຊາການ ປກສ ນະຄອນຫລວງ ສຸມໃສ່ 8 ໜ້າວຽກສຳຄັນໄລຍະລະບາດໂຄວິດ-19

ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປກສ ນວ ໄດ້ນໍາເອົາເນື້ອໃນຈິດໃຈມາຜັນຂະຫຍາຍຊີ້ນໍາໃຫ້ບັນດາຫ້ອງ, ກອງ, ເມືອງ ໃນກອງປະຊຸມປະຈຳເດືອນ ວັນທີ 21 ພຶດສະພາ 2021 ນີ້ວ່າ: ຕ້ອງສຸມໃສ່ 8 ວຽກສໍາຄັນໃນໄລຍະເພີ່ມທະວີປ້ອງກັນ, ສະກັດກັ້ນການແຜ່ລະບາດຂອງພະຍາດໂຄວິດ -19 ຜ່ານລະບົບວີດີໂອທາງໄກ (Video Conference) ມີດັ່ງນີ້:
1. ໃຫ້ບັນດາເຫຼົ່າຮົບວິຊາສະເພາະ, ບັນດາຫ້ອງ, ປກສ ເມືອງ, ປກສ ກຸ່ມບ້ານ, 1191 ແລະ ປກສ ບ້ານ ສຶບຕໍ່ນໍາເອົາບັນດາແຈ້ງການ, ຄໍາສັ່ງ, ບັນດາຂໍ້ຫ້າມ, ຂໍ້ແນະນໍາຈັດຕັ້ງໂຄສະນາດ້ວຍຮູບການຕ່າງໆ ເພື່ອໃຫ້ປະຊາຊົນມີຄວາມເຂົ້າໃຈ, ຕື່ນຕົວ ແລະ ມີສະຕິ ເປັນເຈົ້າການປ້ອງກັນສະກັດກັ້ນການແຜ່ລະບາດຂອງພະຍາດໂຄວິດ-19.
2. ສຸມໃສ່ຈັດຕັ້ງປະຕິບັດຄໍາສັ່ງໃນການຄຸ້ມຄອງ ແລະ ປິດການເຄື່ອນໄຫວເຂົ້າ-ອອກບ້ານພື້ນທີ່ສີແດງ, ສີແດງເຂັ້ມບ່ອນທີ່ມີການຕິດເຊື້ອ ໃນນີ້ແມ່ນໃຫ້ປະຕິບັດດັ່ງນີ້:
– ປກສ ເມືອງ ແຕ່ລະເມືອງໃຫ້ສັງລວມລະອຽດ ແລະ ເອກະພາບກັນໃນການເກັບກໍາຂໍ້ມູນບ້ານສີແດງຢູ່ແຕ່ລະເມືອງມີຈໍານວນເທົ່າໃດ, ມີບ້ານຫຍັງແດ່ ແຕ່ລະບ້ານມີຈໍານວນຜູ້ຕິດເຊື້ອຈໍານວນເທົ່າໃດໃຫ້ລະອຽດຊັດເຈນ.
– ໃຫ້ກຳລັງ ປກສ ກຸ່ມ ແລະ ພະນັກງານຮາກຖານ ປະສານສົມທົບກັບອໍານາດການປົກຄອງບ້ານກວດກາ ແລະ ກໍານົດເສັ້ນທາງໃຫ້ລະອຽດວ່າ:ຈຸດໃດ ເສັ້ນທາງໃດຄວນລ໋ອກ ພ້ອມທັງຈັດຕັ້ງກໍາລັງໃສ່ແຕ່ລະຈຸດ ແລະ ຈັດຕັ້ງຕາຕະລາງປະຈໍາການຢູ່ໃນແຕ່ລະຈຸດ ສໍາລັບກໍາລັງຢູ່ແຕ່ລະຈຸດແມ່ນໃຫ້ມີ ປກສ ບ້ານ, ກອງຫຼອນບ້ານ ເຈົ້າໜ້າທີ່ຕໍາຫຼວດ ຫຼື ທະຫານ.
– ສໍາລັບກໍາລັງ ປກສ ນວ ທີ່ອາໃສຢູ່ພື້ນທີ່ບ້ານສີແດງແມ່ນບໍ່ໃຫ້ມາປະຕິບັດໜ້າທີ່ຢູ່ກົມກອງຂອງຕົນ ແຕ່ໃຫ້ເຮັດໜ້າທີ່ປ້ອງກັນຊ່ວຍບ້ານ ໂດຍໃຫ້ເຈົ້າໜ້າທີ່ອາໃສຢູ່ບ້ານສີແດງສະເໜີຕົວນຳຄະນະຮັບຜິດຊອບບ້ານດັ່ງກ່າວ ເພື່ອໃຫ້ຫ້ອງການເມືອງອອກຂໍ້ຕົກລົງໃຫ້.
– ບັນດາຮ້ານ, ຫົວໜ່ວຍທຸລະກິດ ຢູ່ພື້ນທີ່ບ້ານສີແດງແມ່ນບໍ່ໃຫ້ເປີດບໍລິການຢ່າງເດັດຂາດ.
– ໃຫ້ກອງບັນຊາການ ປກສ ເມືອງ ສົມທົບກັບທະຫານເມືອງ, ຈັດຕັ້ງກໍາລັງໂດຍມອບໃຫ້ຈຸປະຈໍາການລົງຕິດຕາມ ກວດກາລາດຕະເວນ ເພື່ອກວດກາການປະຕິບັດໜ້າທີ່, ກວດກາດ້ານກໍາລັງຖ້າຫາກກໍາລັງບໍ່ພຽງພໍໃຫ້ລາຍງານຕໍ່ກອງເສນາ ປກສ ນວ ເພື່ອສະເໜີຫ້ອງການເມືອງຄົ້ນຄ້ວາກວດກາເບີ່ງວ່າເຈົ້າໜ້າທີ່ຕໍາຫຼວດຢູ່ເຂດໃກ້ສຸດໃຫ້ແຕ່ງຕັ້ງໄປຊ່ວຍປ້ອງກັນ.
– ການປິດເສັ້ນທາງແມ່ນໃຫ້ໃຊ້ແຜງກັ້ນ, ໃຊ້ຈວຍ, ໃຊ້ເສືອກສະທ້ອນແສງ ໂດຍມອບໃຫ້ກອງເສນາຮ່ວມກັບຫ້ອງພະລາທິການ ປະສານກັບແຕ່ລະເມືອງ ເພື່ອຂຶ້ນແຜນຈັດຫາ ແລະ ຕອບສະໜອງອຸປະກອນຕາມຄວາມຈຳເປັນ.
3. ໃຫ້ກອງພັນປ້ອງກັນເຄື່ອນທີ່ ປກສ ນວ, 1191, ຈຸປະຈໍາການຂອງກອງບັນຊາການ ປກສ ນວ, ປກສ ເມືອງ ອອກກວດກາລາດຕະເວນເປັນປົກກະຕິ ເພື່ອສະກັດກັ້ນບໍ່ໃຫ້ເກີດມີການກໍ່ອາດຊະຍາກໍາ, ລັກຊັບ, ປຸ້ນຊັບ, ຊີງຊັບ ແລະ ອື່ນໆ…
4. ໃຫ້ບັນດາເຫຼົ່າຮົບວິຊາສະເພາະ ກອງພັນປ້ອງກັນເຄື່ອນທີ່ ປກສ ນວ, 1191, ປກສ ກຸ່ມບ້ານ, ປກສ ບ້ານ, ກອງຫຼອນ ເອົາໃຈໃສ່ສະກັດກັ້ນ ແລະ ແກ້ໄຂປະກົດການຫຍໍ້ທໍ້ຢູ່ໃນພື້ນທີ່ຮັບຜິດຊອບຂອງຕົນ, ບັນດາປະກົດການຫຍໍ້ທໍ້ຕ່າງໆທີ່ເກີດຂຶ້ນໃຫ້ຮິບຮ້ອນແກ້ໄຂ, ເອົາໃຈໃສ່ກວດກາຕິດຕາມບັນດາຮ້ານ, ຫົວໜ່ວຍທຸລະກິດ ແລະ ບຸກຄົນທີ່ລະເມີດຄໍາສັ່ງແຈ້ງການ ຖ້າພົບເຫັນແມ່ນໃຫ້ສຶກສາອົບຮົມກວດກາເກັບກຳຂໍ້ມູນ, ສ້າງບົດບັນທຶກກ່າວເຕືອນ ແລະ ເຮັດບົດລາຍງານໃຫ້ພາກສ່ວນກ່ຽວຂ້ອງແກ້ໄຂ ຖ້າພົບເຫັນບັນດາຮ້ານທີ່ລະເມີດຫາກບໍ່ມີໃບອະນຸຍາດດໍາເນີນທຸລະກິດ ແມ່ນໃຫ້ຢຶດອຸປະກອນໄວ້ກ່ອນ.
5. ໃຫ້ບັນດາ ປກສ ເມືອງ, ປກສ ກຸ່ມບ້ານ ທີ່ຢູ່ຕາມຊາຍແດນລະຫວ່າງລາວ-ໄທ ສົມທົບກັບທະຫານ ນວ ເພີ່ມທະວີການຄຸ້ມຄອງເຮືອຢ່າງເຂັ້ມງວດ, ສະກັດກັ້ນຄົນລັກຂ້າມໄປມາຕາມລຳນ້ຳຂອງຢ່າງເດັດຂາດ.
6. ມອບໃຫ້ຫ້ອງສໍາມະໂນຄົວ ແລະ ກໍ່ສ້າງຮາກຖານ ສົມທົບກັບ ກອງບັນຊາການ ປກສ ເມືອງ ແລະ ກອງບັນຊາການທະຫານ ເມືອງຫາດຊາຍຟອງ ລົງກວດກາດ້ານການຈັດຕັ້ງ-ແບບແຜນການປະຕິບັດໜ້າທີ່ຂອງກຳລັງ ປກສ-ກອງຫຼອນບ້ານຫາດກັນຊາ ແລະ ບ້ານອື່ນໆ ທີ່ຍັງມີການນຳໃຊ້ເຮືອຂ້າມໄປມາຕາມລຳນ້ຳຂອງ.
7. ໃຫ້ເຫຼົ່າຮົບວິຊາສະເພາະສັນຕິບານ ເອົາໃຈໃສ່ກຳແໜ້ນ ແລະ ໃຫ້ຮິບຮ້ອນແກ້ໄຂ ສື່ອອນລາຍທີ່ມີການໂຄສະນາບິດເບືອນບໍ່ມີມູນຄວາມຈິງ ແລະ ບໍ່ຖຶກຕ້ອງ ໂດຍສົມທົບກັບພະແນກຖະແຫຼ່ງຂ່າວ ແລະ ວັດທະນາທໍາ ນວ ຄົ້ນຄວ້າກຳນົດກົນໄກການປະສານງານ, ມາດຕະການແກ້ໄຂ.
8. ເຫຼົ່າຮົບວິຊາສະເພາະຂອງບັນດາຫ້ອງ, ກອງເມືອງເອົາໃຈໃສ່ຕິດຕາມການປະຕິບັດໜ້າທີ່ຂອງທຸກພາກສ່ວນວ່າມີດ້ານດີ, ດ້ານອອ່ນ ແນວໃດ ເພື່ອຍໍຍ້ອງຊົມເຊີຍ ແລະ ປັບປຸງແກ້ໄຂ, ຖ້າພົບເຫັນການປະລະໜ້າທີ່ທີ່ການຈັດຕັ້ງມອບໝາຍ ໃຫ້ລາຍງານເປັນລາຍລັກອັກສອນແຈ້ງຜູ້ບັງຄັບບັນຊາຢູ່ຈຸດນັ້ນ, ຖ້າການປະລະໜ້າທີ່ດັ່ງກ່າວ ສ້າງຜົນເສຍຫາຍຕໍ່ພາບລວມຂອງການປະຕິບັດໜ້າທີ່ ແມ່ນໃຫ້ໂຈະການປະຕິບັດໜ້າທີ່.

- Wave100S AD to Website 2020 0 - ກອງບັນຊາການ ປກສ ນະຄອນຫລວງ ສຸມໃສ່ 8 ໜ້າວຽກສຳຄັນໄລຍະລະບາດໂຄວິດ-19
- WhatsApp Image 2020 05 27 at 5 - ກອງບັນຊາການ ປກສ ນະຄອນຫລວງ ສຸມໃສ່ 8 ໜ້າວຽກສຳຄັນໄລຍະລະບາດໂຄວິດ-19
- WhatsApp Image 2020 05 27 at 5 - ກອງບັນຊາການ ປກສ ນະຄອນຫລວງ ສຸມໃສ່ 8 ໜ້າວຽກສຳຄັນໄລຍະລະບາດໂຄວິດ-19
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!