ຄົນຈີນໃນອາເມລິກາຟ້ອງ “ທຣຳ” ເອີ້ນໂຄວິດ-19 ວ່າ “ໄວຣັສຈີນ” ຫວັງເອົາຄ່າເສຍຫາຍໄປສ້າງພິພິຕະພັນ

-                    1 - ຄົນຈີນໃນອາເມລິກາຟ້ອງ “ທຣຳ” ເອີ້ນໂຄວິດ-19 ວ່າ “ໄວຣັສຈີນ” ຫວັງເອົາຄ່າເສຍຫາຍໄປສ້າງພິພິຕະພັນ
- kitchen vibe - ຄົນຈີນໃນອາເມລິກາຟ້ອງ “ທຣຳ” ເອີ້ນໂຄວິດ-19 ວ່າ “ໄວຣັສຈີນ” ຫວັງເອົາຄ່າເສຍຫາຍໄປສ້າງພິພິຕະພັນ

ຊາວອາເມລິກາເຊື້ອສາຍຈີນຍື່ນຟ້ອງອະດີດປະທານາທິບໍດີ ໂດນັລ ທຣຳ ຮຽກຄ່າເສຍຫາຍ 22,9 ລ້ານໂດລາສະຫະລັດ ຂໍ້ຫາເອີ້ນໄວຣັສໂຄວິດ-19 ວ່າເປັນໄວຣັສຈີນ ຫວັງເອົາເງິນໄປສ້າງພິພິຕະພັນ.

ວັນທີ 22 ພຶດສະພາ 2021, ສຳນັກຂ່າວຊິນຮົວ ສື່ຂອງທາງການຈີນ ລາຍງານວ່າ: ເຄືອຂ່າຍພັນທະມິດເພື່ອສິດທິພົນລະເມືອງຊາວອາເມລິກາເຊື້ອສາຍຈີນ (CACRC) ຍື່ນຄຳຟ້ອງຕໍ່ສານນິວຢອກຂອງອາເມລິກາ ຮຽກຄ່າເສຍຫາຍຈາກທ່ານ ໂດນັລ ທຣຳ ອະດີດປະທານາທິບໍດີອາເມລິກາ ຈາກກໍລະນີທີ່ທ່ານເອີ້ນໄວຣັສໂຄວິດ-19 ວ່າເປັນໄວຣັສຈີນ.

- Visit Laos Visit SALANA BOUTIQUE HOTEL - ຄົນຈີນໃນອາເມລິກາຟ້ອງ “ທຣຳ” ເອີ້ນໂຄວິດ-19 ວ່າ “ໄວຣັສຈີນ” ຫວັງເອົາຄ່າເສຍຫາຍໄປສ້າງພິພິຕະພັນ

ໂດຍໃນຄຳຟ້ອງທີ່ຍື່ນຕໍ່ສານໃນວັນທີ 20 ພຶດສະພາ ລະບຸວ່າ: ອະດີດປະທານາທິບໍດີ ທຣຳ ບໍ່ສົນໃຈຕໍ່ການກະທຳຂອງຕົນເອງທີ່ເຮັດໃຫ້ຊາວອາເມລິກາເຊື້ອສາຍອາຊີເກີດຄວາມເຈັບປວດໃນຈິດໃຈ. ນອກຈາກນີ້ ໃນຄຳຟ້ອງຍັງລະບຸອີກວ່າ: ອະດີດປະທານາທິບໍດີ ທຣຳ ຕັ້ງໃຈໃຊ້ຄຳທີ່ບໍ່ເໝາະສົມເອີ້ນໄວຣັສໂຄວິດ-19 ທັງທີ່ຮູ້ຕົວວ່າ ໄວຣັສດັ່ງກ່າວບໍ່ໄດ້ມາຈາກປະເທດຈີນ.

ເຄືອຂ່າຍພັນທະມິດເພື່ອສິດທິພົນລະເມືອງຊາວອາເມລິກາເຊື້ອສາຍຈີນ ເຊິ່ງເປັນໂຈດຍື່ນຟ້ອງອະດີດຜູ້ນຳອາເມລິກາໃນຄັ້ງນີ້ ຮຽກຄ່າເສຍຫາຍເປັນເງິນ 22,9 ລ້ານໂດລາສະຫະລັດ ໂດຍຄິດໄລ່ຄ່າເສຍຫາຍຈາກຈຳນວນຊາວອາເມລິກາເຊື້ອສາຍອາຊີທີ່ອາໄສຢູ່ໃນອາເມລິກາ ປະມານ 22,9 ລ້ານຄົນ ແລະ ຫວັງຈະເອົາເງິນຄ່າເສຍຫາຍດັ່ງກ່າວໄປເປັນທຶນສ້າງພິພິຕະພັນປະຫວັດສາດຊາວອາເມລິກາເຊື້ອສາຍອາຊີຕໍ່ໄປ.

ອ້າງອີງ:

http://www.xinhuanet.com/english/2021-05/22/c_139962786.htm

- 4 - ຄົນຈີນໃນອາເມລິກາຟ້ອງ “ທຣຳ” ເອີ້ນໂຄວິດ-19 ວ່າ “ໄວຣັສຈີນ” ຫວັງເອົາຄ່າເສຍຫາຍໄປສ້າງພິພິຕະພັນ
- 5 - ຄົນຈີນໃນອາເມລິກາຟ້ອງ “ທຣຳ” ເອີ້ນໂຄວິດ-19 ວ່າ “ໄວຣັສຈີນ” ຫວັງເອົາຄ່າເສຍຫາຍໄປສ້າງພິພິຕະພັນ
- 3 - ຄົນຈີນໃນອາເມລິກາຟ້ອງ “ທຣຳ” ເອີ້ນໂຄວິດ-19 ວ່າ “ໄວຣັສຈີນ” ຫວັງເອົາຄ່າເສຍຫາຍໄປສ້າງພິພິຕະພັນ