WHO ຊີ້ວັກຊີນໂຄວິດ-19 ທີ່ຜ່ານການຮັບຮອງແລ້ວ ມີປະສິດທິພາບຕ້ານໄວຣັສທຸກສາຍພັນ ລວມສາຍພັນອິນເດຍ

- 3AVNSGPNDNL3NGWYWZ56BT46FM scaled - WHO ຊີ້ວັກຊີນໂຄວິດ-19 ທີ່ຜ່ານການຮັບຮອງແລ້ວ ມີປະສິດທິພາບຕ້ານໄວຣັສທຸກສາຍພັນ ລວມສາຍພັນອິນເດຍ
- AGL banner - WHO ຊີ້ວັກຊີນໂຄວິດ-19 ທີ່ຜ່ານການຮັບຮອງແລ້ວ ມີປະສິດທິພາບຕ້ານໄວຣັສທຸກສາຍພັນ ລວມສາຍພັນອິນເດຍ

ທ່ານ ຮັນ ຄລູເກີ ຜູ້ອຳນວຍການອົງການອະນາໄມໂລກ (WHO) ປະຈຳພາກພື້ນເອີຣົບ ເປີດເຜີຍວ່າ: ວັກຊີນໂຄວິດ-19 ທຸກຊະນິດທີ່ຜ່ານການຮັບຮອງຈາກອົງການອະນາໄມໂລກ ໄດ້ຮັບການພິສູດແລ້ວວ່າມີປະສິດທິພາບໃນການຕໍ່ຕ້ານເຊື້ອໄວຣັສໂຄວິດ-19 ສາຍພັນຕ່າງໆ ເຊິ່ງລວມທັງສາຍພັນທີ່ຖືກກວດພົບຄັ້ງທຳອິດໃນອິນເດຍ. ເຖິງຢ່າງໃດກໍຕາມ, WHO ເອີຣົບເຕືອນວ່າ: ສະຖານະການການແຜ່ລະບາດຍັງບອບບາງ ແລະ ປະເທດຕ່າງໆຄວນລະມັດລະວັງໃນການກັບມາເປີດໃຫ້ມີການເດີນທາງລະຫວ່າງປະເທດອີກ.

ສຳລັບວັກຊີນໂຄວິດ-19 ທີ່ໄດ້ຮັບການອະນຸມັດຈາກ WHO ແລ້ວໄດ້ແກ່ Pfizer, BioNTech, Moderna, SatraZeneca (ລວມທັງ Covishield ທີ່ຜະລິດໂດຍສະຖາບັນເຊຣຳແຫ່ງອິນເດຍ), Johnson & Johnson ແລະ Sinopharm.

ການສະແດງຄວາມຄິດເຫັນທາງບວກດັ່ງກ່າວຂອງ WHO ກ່ຽວກັບຄວາມສາມາດຂອງວັກຊີນໃນການປ້ອງກັນໄວຣັສໂຄໂຣນາສາຍພັນຕ່າງໆ ທີ່ຖືກກວດພົບໃນປັດຈຸບັນນັ້ນ ມີຂຶ້ນທ່າມກາງຄວາມກັງວົນກ່ຽວກັບການແຜ່ກະຈາຍຂອງສາຍພັນ B.1.617 ເຊິ່ງຖືກຄົ້ນພົບຄັ້ງທຳອິດໃນອິນເດຍ ແລະ WHO ປະກາດໃຫ້ເປັນສາຍພັນທີ່ໜ້າກັງວົນ ໂດຍມາຮອດປັດຈຸບັນ ມີການຢືນຢັນການກວດພົບສາຍພັນອິນເດຍແລ້ວໃນ 26 ຈາກ 53 ປະເທດທີ່ອົງການອະນາໄມໂລກປະຈຳເອີຣົບເບິ່ງແຍງຢູ່.

ຂະນະດຽວກັນ, WHO ເນັ້ນວ່າ: ການສັກວັກຊີນ ແລະ ມາດຕະການດ້ານສຸຂະອະນາໄມຈະຊ່ວຍປ້ອງກັນການແຜ່ກະຈາຍຂອງໄວຣັສໄດ້, ພ້ອມຮຽກຮ້ອງໃຫ້ເຈົ້າໜ້າທີ່ສາທາລະນະສຸກ ແລະ ປະຊາຊົນຍັງຕ້ອງລະມັດລະວັງ ແລະ ຕື່ນຕົວຕໍ່ການກາຍພັນຂອງໄວຣັສ.

ໂດຍ WHO ເຕືອນໃຫ້ລະວັງເລື່ອງການເດີນທາງລະຫວ່າງປະເທດ ເນື່ອງຈາກສະຖານະການການແຜ່ລະບາດຍັງ “ບອບບາງ” ເຊິ່ງຄຳເຕືອນດັ່ງກ່າວມີຂຶ້ນໃນຂະນະທີ່ຫລາຍປະເທດໃນເອີຣົບກຳລັງດຳເນີນການເພື່ອກັບມາເປີດປະຕູຮັບນັກທ່ອງທ່ຽວທີ່ໄດ້ຮັບການສັກວັກຊີນຄົບໂດສແລ້ວ.

ໜຶ່ງໃນນັ້ນລວມທັງອັງກິດ ໂດຍນາຍົກລັດຖະມົນຕີ ບໍຣິສ ຈອນສັນ ກ່າວໃນວັນທີ 20 ພຶດສະພາຜ່ານມາວ່າ: ວັກຊີນຕ່າງໆທີ່ມີຢູ່ໃນປັດຈຸບັນມີປະສິດທິພາບໃນການຕ້ານໄວຣັສສາຍພັນ B.1.617.

- Wave100S AD to Website 2020 0 - WHO ຊີ້ວັກຊີນໂຄວິດ-19 ທີ່ຜ່ານການຮັບຮອງແລ້ວ ມີປະສິດທິພາບຕ້ານໄວຣັສທຸກສາຍພັນ ລວມສາຍພັນອິນເດຍ

ທ່ານ ໂຈນາທານ ຟານ-ແທມ ຮອງຫົວໜ້າເຈົ້າໜ້າທີ່ການແພດຂອງອັງກິດ ກ່າວວ່າ: ນັກວິທະຍາສາດກຳລັງສຶກສາສາຍພັນອິນເດຍ ແລະ ຈະໄດ້ຄຳຕອບທີ່ເປັນຮູບປະທຳຫລາຍຂຶ້ນກ່ຽວກັບການແຜ່ເຊື້ອຂອງສາຍພັນອິນເດຍໃນອາທິດໜ້າ.

ອ້າງອີງ:

https://www.dw.com/en/covid-vaccines-effective-against-all-known-variants-says-who/a-57600323 

- WhatsApp Image 2020 05 27 at 5 - WHO ຊີ້ວັກຊີນໂຄວິດ-19 ທີ່ຜ່ານການຮັບຮອງແລ້ວ ມີປະສິດທິພາບຕ້ານໄວຣັສທຸກສາຍພັນ ລວມສາຍພັນອິນເດຍ
- WhatsApp Image 2020 05 27 at 5 - WHO ຊີ້ວັກຊີນໂຄວິດ-19 ທີ່ຜ່ານການຮັບຮອງແລ້ວ ມີປະສິດທິພາບຕ້ານໄວຣັສທຸກສາຍພັນ ລວມສາຍພັນອິນເດຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!