ເດືອນເມສາ 2021 ສປປ ລາວ ຂາດດູນການຄ້າປະມານ 64 ລ້ານໂດລາສະຫະລັດ

- unnamed5 - ເດືອນເມສາ 2021 ສປປ ລາວ ຂາດດູນການຄ້າປະມານ 64 ລ້ານໂດລາສະຫະລັດ
- AGL banner - ເດືອນເມສາ 2021 ສປປ ລາວ ຂາດດູນການຄ້າປະມານ 64 ລ້ານໂດລາສະຫະລັດ

ອີງຕາມສູນຂໍ້ມູນຂ່າວສານທາງການຄ້າແຫ່ງ ສປປ ລາງ ໃຫ້ຮູ້ວ່າ: ມູນຄ່າການນໍາເຂົ້າ ແລະ ສົ່ງອອກຂອງ ສປປ ລາວ ປະຈໍາເດືອນ 4 ປີ 2021 ບັນລຸໄດ້ປະມານ 918 ລ້ານໂດລາສະ ຫະລັດ. ໃນນັ້ນ, ມູນຄ່າການສົ່ງອອກ ມີ ປະມານ 427 ລ້ານໂດລາສະຫະລັດ, ມູນຄ່າການນໍາເຂົ້າ ມີປະມານ 491 ລ້ານໂດລາສະຫະລັດ ແລະ ຂາດດຸນການຄ້າປະມານ 64 ລ້ານໂດລາສະຫາລັດ.
ສິນຄ້າສົ່ງອອກຫລັກ ສະເລ່ຍທັງໝົດເປັນເງິນປະມານ 427 ລ້ານໂດລາສະຫະລັດ ໃນນັ້ນສິນຄ້າທີ່ມີມູນຄ່າສູງສຸດ ເຊັ່ນ: ແຮ່ທອງ ມີມູນຄ່າປະມານ 24 ລ້ານໂດລາສະຫະລັດ, ໝາກກ້ວຍ ມີ ປະມານ 22 ລ້ານໂດລາສະຫະລັດ, ຄໍາປະສົມ (ຄຳແທ່ງ) ມີມູນຄ່າປະມານ 74 ລ້ານໂດລາສະຫະລັດ, ມັນຕົ້ນ ມີມູນຄ່າປະມານ 18 ລ້ານໂດລາສະຫະລັດ, ເຄື່ອງນຸ່ງຫົ່ມ ມີມູນຄ່າປະມານ 15 ລ້ານໂດລາສະຫະລັດ, ກາເຟ (ບໍ່ທັນໄດ້ປຸງແຕ່ງ) ມີມູນຄ່າປະມານ 9 ລ້ານໂດລາສະຫະລັດ, ນໍ້າຕານ ມີມູນຄ່າປະມານ 4 ລ້ານໂດລາສະຫະລັດ, ຢາງພາລາ ມີມູນຄ່າປະມານ 6 ລ້ານໂດລາສະ ຫະລັດ, ໝາກໄມ້ (ໝາກໂມ, ໝາກນອດ, ໝາກຂາມ…) ມີມູນຄ່າປະມານ 9 ລ້ານໂດລາສະຫະລັດ ແລະ ໄມ້ແປຮູບ, ເຄິ່ງສຳເລັດຮູບ ແລະ ສຳເລັດຮູບ ມີມູນຄ່າປະມານ 4 ລ້ານໂດລາສະຫະລັດ.
ບັນດາປະເທດທີ່ ສປປ ລາວ ສົ່ງອອກຫລັກມີມູນຄ່າປະມານ: ຈີນ 192 ລ້ານໂດລາສະຫະ ລັດ, ຫວຽດນາມ 76 ລ້ານໂດລາສະຫະລັດ, ໄທ 64 ລ້ານໂດລາສະຫະລັດ, ສະວິດເຊີແລນ 15 ລ້ານໂດລາສະຫະລັດ ແລະ ເຢຍລະມັນ 6 ລ້ານໂດລາສະຫະລັດ. ບັນດາປະເທດທີ່ ສປປ ລາວ ນໍາເຂົ້າຫລັກ ມີມູນຄ່າປະມານ: ໄທ 233 ລ້ານໂດລາສະຫະລັດ, ຈີນ 108 ລ້ານໂດລາສະຫະລັດ, ຫວຽດນາມ 40 ລ້ານໂດລາສະຫະລັດ, ຢີ່ປຸ່ນ 15 ລ້ານໂດລາສະຫະລັດ ແລະ ສ ອາເມລິກາ 26 ລ້ານໂດລາສະຫະລັດ.
ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນ 4 ປີ 2021 ແມ່ນຍັງບໍ່ກວມເອົາມູນຄ່າການສົ່ງອອກໄຟຟ້າ. ສໍາລັບມູນຄ່າການສົ່ງອອກໄຟຟ້າ ພວກເຮົາຈະເອົາລົງພາຍຫລັງທີ່ໄດ້ເກັບກໍາຕົວເລກສະຖິຕິຄົບຖ້ວນ ແລະ ຊັດເຈນແລ້ວ.

- Wave100S AD to Website 2020 0 - ເດືອນເມສາ 2021 ສປປ ລາວ ຂາດດູນການຄ້າປະມານ 64 ລ້ານໂດລາສະຫະລັດ
- WhatsApp Image 2020 05 27 at 5 - ເດືອນເມສາ 2021 ສປປ ລາວ ຂາດດູນການຄ້າປະມານ 64 ລ້ານໂດລາສະຫະລັດ
- WhatsApp Image 2020 05 27 at 5 - ເດືອນເມສາ 2021 ສປປ ລາວ ຂາດດູນການຄ້າປະມານ 64 ລ້ານໂດລາສະຫະລັດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!