ກັກ​ຕົວ​ຢູ່​ບ້ານ​ແນວ​ໃດ​ບໍ່​ໃຫ້​ເບື່ອ?​

- 012502 2021 - ກັກ​ຕົວ​ຢູ່​ບ້ານ​ແນວ​ໃດ​ບໍ່​ໃຫ້​ເບື່ອ?​
- AGL banner - ກັກ​ຕົວ​ຢູ່​ບ້ານ​ແນວ​ໃດ​ບໍ່​ໃຫ້​ເບື່ອ?​

ໃນ​ໄລ​ຍ​ະ​ທີ່​ຕ້ອງ​ກັກ​ຕົວ​ຢູ່​ບ້ານ ແລະ ການ​ເຮັດ​ວຽກ​ໃນ​ຮູບ​ແບບ Work From Home ເຮັດ​ໃຫ້ຫລາຍ​ຄົນ​ເກີດ​ຄວາມ​ເບື່ອ​ໜ່າຍ, ເກີດ​ຄວາມ​ເຄັ່ງ​ຄຽດ​ໄດ້ ແລະ ຈາກ​ຂ່າວ​ສານ​ສະ​ຖາ​ນະ​ການ​ໂຄວິດ – 19 ໃນ​ຕອນນີ້​ທີ່​ຍັງ​ຄົງ​ມີ​ຍອດ​ຜູ້​ຕິດ​ເຊື້ອ​ເພີ່ມ​ຂຶ້ນ​ທຸກມື້ ມີ​ໂອ​ກາດ​ວ່າ​ເຮົາ​ຕ້ອງ​ກັກ​ຕົວ​ກັນ​ໄປ​ອີກ​ຈັກ​ໄລ​ຍະ​ໜຶ່ງ. ສຳ​ລັບ​ຄົນ​ເຄີຍ​ອອກ​ໄປ​ເຮັດ​ວຽກ​ນອກ​ບ້ານ ຄິດ​ແລ້ວ​ກໍ​ຄົງ​ເບື່ອໆ​ເຊັງໆ ມື້ນີ້​ພວກ​ເຮົາ​ມີ​ວິ​ທີ​ທີ່​ເຮັດ​ໃຫ້​ການ​ຢູ່​ບ້ານ​ແຕ່​ລະ​ມື້​ມີ​ສີ​ສັນ, ເຮັດ​ກິ​ດ​ຈະ​ກຳ​ມ່ວນໆ​ຫລາຍ​ຂຶ້ນ​ມາ​ແນະ​ນຳ​ບັນ​ດາ​ທ່ານ.

- 032502 2021 - ກັກ​ຕົວ​ຢູ່​ບ້ານ​ແນວ​ໃດ​ບໍ່​ໃຫ້​ເບື່ອ?​

  1. ການ​ປ່ຽນ​ແປງ​ສະ​ພາບ​ສິ່ງ​ແວດ​ລ້ອມ : ຫາກ​ຢູ່​ເຮືອນ​ໃນ​ບໍ​ລິ​ເວນ​ເກົ່າໆ, ຟັງ​ຂ່າວ​ສານ​ຊ້ຳໆ​ຫລາຍ​ເກີນ​ໄປ ກໍ​ເຮັດ​ໃຫ້​ເຮົາ​ເກີດ​ຄວາມ​ເຄັ່ງ​ຄຽດ​ໄດ້. ການ​ຈັດ​ກາ​ນ​ສິ່ງ​ແວດ​ລ້ອມ​ຈຶ່ງ​ເປັນ​ໜຶ່ງ​ສິ່ງ​ທີ່​ຊ່ວຍ​ຫລຸດ​ຄວາມ​ເຄັ່ງ​ຄຽດ, ຄວາມ​ເບື່ອ​ຂອງ​ເຮົາ​ໄດ້ ເຊັ່ນ : ການ​ຈັດ​ໂຕະເຮັດ​ວຽກ​ໃຫ້​ນັ່ງ​ສະ​ບາຍ​ຂຶ້ນ, ຍ້າຍ​ໄປ​ໃນ​ຕຳ​ແໜ່ງ​ທີ່​ເອື້ອ​ອຳ​ນວຍ​ຕໍ່​ການ​ເຮັດ​ວຽກ​ຢ່າ​ງ​ເຕັມ​ທີ່ ຊ່ວຍ​ໃຫ້​ເຮົາ​ນັ່ງ​ເຮັດ​ວຽກ​ໄດ້​ດົນ​ຂຶ້ນ, ເຮັດ​ວຽກ​ສຳ​ເລັດ​ຕາມ​ເປົ້າ​ໝາຍ, ຫົວ​ໜ້າ​ເກີດ​ຄວາມ​ປະ​ທັບ​ໃຈ ຫລື ຜ່ອນ​ຄາຍ​ໂດຍ​ການ​ຈັດ​ເຮືອນ, ຕົກ​ແຕ່ງ​ປະ​ດັບ​ປະ​ດາ, ປູກ​ຕົ້ນ​ໄມ້ ກໍ​ເປັນ​ອີກວິ​ທີ​ທີ່​ດີ​ຄື​ກັນ.
  2. ການ​ສ້າງ​ຄວາມ​ສຸກ​ໃຫ້​ຮ່າງ​ກາ​ຍ​ໄດ້​ຍິ້ມ​ຫົວ : ການ​ຫາ​ຫຍັງ​ເບິ່ງ​ເພີນໆ ບໍ່​ວ່າ​ຈະ​ເປັນ​ຮູບ​ເງົາ​ທີ່​ມັກ, ຊີ​ຣີ​ໃນ​ດ​ວງ​ໃຈ ຫລື ເພງ​ທີ່​ມັກ, ລາຍ​ການ​ໂທ​ລະ​ພາບ​ທີ່​ເບິ່ງ ແລະ ຟັງ​ຢູ່​ເລື້​ອຍໆ​ ມີ​ເນື້ອ​ຫາ​ສາ​ລະ​ທີ່​ສ້າງ​ສັນ ຈະ​ຊ່ວຍ​ໃຫ້​ເຮົາ​ບໍ່​ໄປ​ຄິດ​ເລື່ອງ​ທີ່​ເຮັດ​ໃຫ້​ເຄັ່ງ​ຄຽດ ຫລື ນອນ​ເບື່ອໆ ເຮັດ​ໃຫ້​ມີ​ຄວາມ​ຄິດບວກ​ເຂົ້າ​ມາ​ແທນ, ມີ​ຄວາມ​ສຸກ​ຂຶ້ນ, ເບິ່ງ​ເຫັນ​ຂໍ້​ດີ​ໃນ​ໄລ​ຍະ​ວິ​ກິດນີ້ ຫາກ​ຕ້ອງ​ເຮັດ​ວຽກ​ຢູ່​ເຮືອນ ກໍ​ສາ​ມາດ​ເບິ່ງ​ໃນ​ເວ​ລາ​ພັກ ເປັນ​ການ​ພັກ​ສະ​ໝອງ​ໄປ​ໃນ​ໂຕ ເມື່ອ​ກັບ​ມາ​ເຮັດ​ວຽກອີກ​ຄັ້ງ ປະ​ສິ​ດ​ທິ​ພາບ​ຂອງວຽກ​ກໍ​ຈະ​ເພີ່ມ​ຂຶ້ນ.
  3. ແບ່ງ​ເວ​ລາ​ເບິ່ງ​ແຍງ​ສຸ​ຂະ​ພາບ ອອກ​ກຳ​ລັງ​ກາຍ : ເມື່ອ​ຕ້ອງ​ກັກ​ຕົວ​ຢູ່​ບ້ານ ການ​ແບ່ງ​ເວ​ລາ​ເພື່ອ​ຈັດ​ການ​ເບິ່ງ​ແຍງ​ເລື່ອງ​ສຸ​ຂະ​ພາບ​ຖື​ວ່າ​ເປັນ​ເລື່ອງ​ທີ່​ຖື​ເບົາ​ບໍ່​ໄດ້​ຄື​ກັນ ຄວນ​ຈັດ​ຕາ​ຕະ​ລາງ​ອອກ​ກຳ​ລັງ​ກາຍ​ທີ່ບໍ່​ສົ່ງ​ຜົນ​ກະ​ທົບ​ໃນ​ເວ​ລາ​ວຽກ, ໝັ່ນ​ເບິ່ງ​ແຍງ​ຕົນ​ເອງ. ສຳ​ລັບ​ຄົນ​ທີ່ບໍ່​ຄ່ອຍ​ມັກ​ອອກ​ກຳ​ລັງ​ກາຍ​ສາ​ມາດ​ຝຶກມື້​ລະ​ໜ້ອຍ​ໄດ້ ແຕ່​ຄວນ​ເຮັດ​ຢ່າງ​ສະ​ໝ່ຳ​ສະ​ເໝີ ເມື່ອ​ເຮົາ​ສຸ​ຂະ​ພາບ​ດີ ຮ່າງ​ກາຍ​ແຂງ​ແຮງ​ແລ້ວ ກໍ​ຈະ​ຫ່າງ​ໄກ​ຈາກ​ຄວາມ​ເຄັ່ງ​ຄຽດ ແລະ ໂລກ​ໄພ​ໄຂ້​ເຈັບ. ນອກ​ຈາກນີ້ ຍັງ​ໄດ້​ຮູບ​ຮ່າງ​ງາມ​ສົມ​ສ່ວນ​ນຳ​ອີກ.
  4. ການ​ເຂົ້າ​ຄົວເຮັດ​ອາ​ຫານ​ຈານ​ມັກ : ການ​ກິນ​ອາ​ຫານ​ປຸງ​ແຕ່​ງ​ສຸກ ແລະ ອາ​ຫານ​ຮ້ອນ ເປັນ​ອີກ​ໜຶ່ງ​ສິ່ງ​ທີ່​ຊ່ວຍ​ປ້ອງ​ກັນ​ເຮົາ​ຈາກ​ໄວ​ຣັ​ສ​ໂຄວິດ – 19 ເຊິ່ງ​ໄລ​ຍະ​ກັກ​ຕົວ ຫາກ​ຮູ້​ສຶກ​ເບື່ອໆ​ລອງ​ຫັນ​ມາ​ເຂົ້າ​ຄົວ​ເຮັດ​ອາ​ຫານ​ຈານ​ມັກ ມີ​ປະ​ໂຫຍດ​ຄົບ 5 ໝວດ ລອງ​ຝຶກ​ເຮັດ​ເລື້ອຍໆ ສາ​ມາດ​ຊ່ວຍ​ໃຫ້​ເຮົາ​ຢູ່​ເຮືອນ​ແບບບໍ່​ໜ້າ​ເບື່ອ​ເລີຍ. ສຳ​ລັບ​ໃຜ​ທີ່​ເຮັດ​ອາ​ຫານບໍ່​ເກັ່ງ ອາດ​ລອງ​ຝຶກ​ພັດ​ທະ​ນາ​ສີ​ມື​ໄປ​ໃຫ້​ເກັ່ງ ໝົດ​ໄລ​ຍະ​ວິ​ກິດນີ້​ໄປ ເຮົາ​ອາດ​ຈະ​ໄດ້​ກາຍ​ເປັນ​ພໍ່​ຄົວ​ແມ່​ຄົວ​ປະ​ຈຳ​ເຮືອນ​ກໍ​ເປັນ​ໄດ້.
  5. ການ​ຫາ​ຄວາມ​ຮູ້​ເພີ່​ມ​ຕື່ມ​ຈາກ​ຫລັກ​ສູດ​ຮຽນ​ອອນ​ລາຍ : ໃນ​ຕອນນີ້​ມີ​ຫລັກ​ສູດ​ຮຽນ​ອອນ​ລາຍ​ຫລວງ​ຫລາຍ ຫລາຍ​ສະ​ຖາ​ບັນ​ການ​ສຶກ​ສາ, ມະ​ຫາ​ວິ​ທະ​ຍາ​ໄລ​ທັງ​ໃນ ແລະ ຕ່າງ​ປະ​ເທດ ເຊິ່ງ​ເຮົາ​ສາ​ມາດ​ເຂົ້າ​ໄປ​ສຶກ​ສາ​ໄດ້, ບໍ່​ມີ​ຜົນ​ກະ​ທົບ​ຕໍ່​ວຽກ ເນື່ອງ​ຈາກ​ເປັນ​ຫລັກ​ສູດ​ຮຽນ​ໄລ​ຍະ​ສັ້ນ, ບໍ່​ໜ້າ​ເບື່ອ, ຕ​ຕາມ​ຄວາມ​ສົນ​ໃຈ​ຂອງ​ເຮົາ ຫາກ​ເຮົາ​ຕັ້ງ​ໃຈ​ຮຽນ​ຈະ​ໃຊ້​ເວ​ລາບໍ່​ດົນ​ເລີຍ ສິ່ງ​ສຳ​ຄັນ​ຮຽນ​ຟ​ຣີບໍ່​ມີ​ຄ່າ​ໃຊ້​ຈ່າຍ, ໄດ້​ຄວາມ​ຮູ້​ຫລວງ​ຫລາຍ ບໍ່​ແນ່​ວ່າ​ເຮົາ​ຮຽນ​ຈົບ​ໄປ​ອາດ​ຈະ​ໄດ້​ອາ​ຊີບ​ເສີມ​ເພີ່ມ​ຕື່ມ​ມາ​ນຳ​.

ສຸດ​ທ້າຍນີ້ ທຸກ​ຄົນ​ລອງ​ເອົາ​ກິດ​ຈ​ະ​ກຳ​ເຫລົ່າ​ນີ້​ໄປ​ທົດ​ລອງ​ໃຊ້​ເບິ່ງ ຈະ​ເຮັດ​ໃຫ້​ການ​ຢູ່​ເຮືອນ, ຢູ່​ບ້ານ​ໄລ​ຍະ​ໂຄວິດ-19 ລະ​ບາດເພື່ອ​ຢຸດ​ເຊື້ອ ຫລື ການ​ເຮັດ​ວຽກ​ຢູ່​ບ້ານ​ຂອງ​ເຮົາ​ຈະ​ບໍ່​ໜ້າ​ເບື່ອ​ອີກ​ຕໍ່​ໄປ ສິ່ງ​ສຳ​ຄັນ​ຢ່າ​ລືມນອນ​ຫລັບ​ພັກ​ຜ່ອນ​ໃຫ້​ພຽງ​ພໍ ປ່ອຍ​ວາງ ບໍ່​ເຄັ່ງ​ຄຽດ​ຈົນ​ເກີນ​ໄປ ເຮັດ​ໃຈ​ໃຫ້​ສະ​ບາຍ ແລ້ວ​ເຮົາ​ຈະ​ຜ່ານ​ພົ້ນ​ວິ​ກິດນີ້​ໄປ​ນຳ​ກັນ.

- Wave100S AD to Website 2020 0 - ກັກ​ຕົວ​ຢູ່​ບ້ານ​ແນວ​ໃດ​ບໍ່​ໃຫ້​ເບື່ອ?​
- WhatsApp Image 2020 05 27 at 5 - ກັກ​ຕົວ​ຢູ່​ບ້ານ​ແນວ​ໃດ​ບໍ່​ໃຫ້​ເບື່ອ?​
- WhatsApp Image 2020 05 27 at 5 - ກັກ​ຕົວ​ຢູ່​ບ້ານ​ແນວ​ໃດ​ບໍ່​ໃຫ້​ເບື່ອ?​
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!