ໂຄວິດ-19 ທຳ​ລາຍ​ຮ່າງ​ກາຍ ແລະ ຈິດ​ໃຈ​ໃນໄລ​ຍະ​ຍາວ​ເຖິງ​ຈະ​ປິ່ນ​ປົວ​ເຊົາ​ແລ້ວ

- 082502 2021 - ໂຄວິດ-19 ທຳ​ລາຍ​ຮ່າງ​ກາຍ ແລະ ຈິດ​ໃຈ​ໃນໄລ​ຍະ​ຍາວ​ເຖິງ​ຈະ​ປິ່ນ​ປົວ​ເຊົາ​ແລ້ວ
- AGL banner - ໂຄວິດ-19 ທຳ​ລາຍ​ຮ່າງ​ກາຍ ແລະ ຈິດ​ໃຈ​ໃນໄລ​ຍະ​ຍາວ​ເຖິງ​ຈະ​ປິ່ນ​ປົວ​ເຊົາ​ແລ້ວ

ລັດ​ຖະ​ບານ​ຍີ່​ປຸ່ນ​​ວິ​ໄຈ​ຜົນ​ກະ​ທົບ​ທີ່​ມີ​ຕໍ່​ສຸ​ຂະ​ພາບ​ຂອງ​ອະ​ດີດ​ຄົ​ນ​ປ່ວຍ​ໂຄວິດ-19 ຫລັງ​ພົບ​ວ່າ​ເຖິງ​ປິ່ນ​ປົວ​ເຊົາ​ແລ້ວ​ກໍ​ຍັງ​ມີ​ອາ​ການ​ທັງ​ທາງ​ຮ່າງ​ກາຍ ແລະ ຈິດ​ໃຈ ເຊັ່ນ : ເມື່ອຍ​ງ່າຍ, ຫາຍ​ໃຈ​ລຳ​ບາກ, ຊຶມ​ເສົ້າ, ຂາດ​ສະ​ມາ​ທິ, ຄວາມ​ຈື່​ຈຳ​ຖົດ​ຖອຍ​ລົງ, ວິ​ຕົກ​ກັງ​ວົນ, ເຄັ່ງ​ຄຽດ​ງ່າຍ.

ໄວ​ໜຸ່ມ​ຍີ່​ປຸ່ນ​ຜູ້​ໜຶ່ງ​ທີ່​ເປັນ​ຜູ້​ຕິດ​ເຊື້ອ​ໂຄວິດ-19 ແລະ ປິ່ນ​ປົວ​ເຊົາ​ດີ​ແລ້ວ​ດົນ​ກ່​ວາ 3 ເດືອນ ລະ​ບຸ​ວ່າ : ລາວ​ຍັງ​ຄົງ​ຮູ້​ສຶກ​ເຊື່ອງ​ຊຶງ, ມີ​ໄຂ້​ເປັນ​ບາງ​ເທື່ອ, ເຈັບ​ຫົວ, ເຈັບ​ໜ້າ​ເອິກ ແລະ ມີ​ຕຸ່ມ​ຜື່ນ​ຂຶ້ນ​ຕາມ​ໂຕ, ລາ​ວ​ເຄີຍ​ຄິດ​ວ່າ​ອາ​ການ​ຕ່າງໆ​ຈະ​ເຊົ​າ​ເລີຍ​ຫລັງ​ຈາກ​ລາວ​ເຊົາ​ປ່ວຍ​ໄດ້ 2 ອາ​ທິດ ແຕ່​ຕອນນີ້​ລາວ​ເລີ່ມ​ກັງ​ວົນ​ວ່າ​ອາ​ການ​ເຫລົ່າ​ນັ້ນ​ອາດ​ຈະ​ຄົງ​ຢູ່​ຕະ​ຫລອດ​ໄປ.

ຫລັງ​ຈາກ​ພົບ​ວ່າ​ຕົ​ນ​ເອງ​ຕິດ​ເຊື້ອ​ໂຄວິດ- 19 ລາວ​ຕ້ອງ​ລໍ​ຖ້າ​ດົນ​ເຖິງ 20 ມື້​ກ່​ວາ​ຈະ​ໄດ້​ເຂົ້າ​ຮັບ​ການ​ປິ່ນ​ປົວ​ໃນ​ໂຮງ​ໝໍ ເພາະ​ວ່າ​ຕຽງ​ບໍ່​ວ່າງ ຫລັງ​ຈາກນັ້ນ 2 ອາ​ທິດ ລາວ​ມີ​ຜົນ​ກວດ​ການ​ຕິດ​ເຊື້ອ​ເປັນ​ລົບ ອອກ​ຈາກ​ໂຮງ​ໝໍ​ໄດ້ ແລະ ຍັງ​ຄົງຕ້ອງ​ພັກ​ຟື້ນຢູ່​ເຮືອນ​ຕໍ່, ແຕ່​ຫລັງ​ຈາກນັ້ນ​ບໍ່​ດົນ ລາວ​ຕ້ອງ​ກັບ​ເຂົ້າ​ໂຮງ​ໝໍ​ອີກ​ເທື່ອ​ໜຶ່ງ ຍ້ອນ​ອາ​ການບໍ່​ດີ​ຂຶ້ນ ແລະ ຕອນນີ້​ລາວ​ຍັງ​ຕ້ອງ​ໄປ​ພົບ​ທ່ານ​ໝໍ​ຢູ່​ສະ​ໝ່ຳ​ສ​ະ​ເໝີ​ເມື່ອ​ຮູ້​ສຶກວ່າ​ສຸ​ຂະ​ພາບ​ມີ​ບັນ​ຫາ ລາວບໍ່​ໝັ້ນ​ໃຈ​ວ່າ​ຈະ​ແຂງ​ແຮງ​ພໍ​ທີ່​ຈະ​ກັບ​ໄປ​ໂຮງ​ຮຽນ​ໄດ້​ຫລືບໍ່.

- 062502 2021 300x169 - ໂຄວິດ-19 ທຳ​ລາຍ​ຮ່າງ​ກາຍ ແລະ ຈິດ​ໃຈ​ໃນໄລ​ຍະ​ຍາວ​ເຖິງ​ຈະ​ປິ່ນ​ປົວ​ເຊົາ​ແລ້ວ

ເຖິງວ່າ​ຍີ່​ປຸ່ນ​ຈະ​ມີ​ອັດ​ຕາ​ຂອງ​ຜູ້​ທີ່​ເຊົາ​ຈາກ​ໂຄວິດ-19  ຈຳ​ນວນ​ຫລາຍ, ແຕ່​ຄົນ​ປ່ວຍ​ຫລາຍ​ຄົນ​ບອກວ່າ​ມີ​ອາ​ການ​ຕົກ​ຄ້າງ​ເຖິ​ງ​ຈະ​ປິ່ນ​ປົວ​ເຊົາ​ແລ້ວ ເຊັ່ນ : ມີ​ໄຂ້​ເປັນ​ໄລ​ຍະໆ, ວິນ​ຫົວ, ເມື່ອຍ​ງ່າຍ, ກາ​ນ​ຮັບ​ຮູ້ ແລະ ກິ່ນ​ດ້ອຍ​ລົງ ໂດຍ​ມີ​ການບອກ​ເລົ່າ​ອາ​ການ​ຜ່ານ​ໂລກ​ອອນ​ລາຍ​ໂດຍ​ໃຊ້​ແຮດ​ແທັກ Corona aftereffects.

- Wave100S AD to Website 2020 0 - ໂຄວິດ-19 ທຳ​ລາຍ​ຮ່າງ​ກາຍ ແລະ ຈິດ​ໃຈ​ໃນໄລ​ຍະ​ຍາວ​ເຖິງ​ຈະ​ປິ່ນ​ປົວ​ເຊົາ​ແລ້ວ

ຄະ​ນະ​ແພດ​ໃນ​ອີ​ຕາ​ລີ​ໄດ້​ເຜີຍ​ແຜ່​ຜົນ​ກາ​ນ​ສຶກ​ສາ​ໃນ​ຜູ້​ປ່ວຍ 143 ຄົນ​ທີ່​ເຊົາ​ຈາກ​ໂຄວິດ-19 ແລ້ວ ໃນ​ວາ​ລະ​ສານ Journal of the American Medical Association ພົບ​ວ່າ 90% ມີ​ອາ​ການ​ຜິດ​ປົກ​ກະ​ຕິ​ຫລົງ​ເຫລືອ​ຢູ່ ເຊັ່ນ : ເມື່ອຍ​ງ່າຍ, ຫາຍ​ໃຈ​ລຳ​ບາກ, ປວດ​ຂໍ້, ເຈັບ​ໜ້າ​ເອິກ, ໄອ ເປັນ​ຕົ້ນ. ຜູ້​ທີ່​ລອດ​ຊີ​ວິດ​ຈາກ​ໄວ​ຣັ​ສ​ໂຄວິດ-19 ມີ​ຄວາມ​ສ່ຽງ​ທີ່​ຈະ​ມີ​ອາ​ການ​ຜິດ​ປົກ​ກະ​ຕິ​ຢູ່​ປອດ​ຢ່າງ​ໜ້ອຍອີກ 6 ເດືອນ.

– ຜູ້​ປ່ວຍ​ອາ​ການ​ໜັກ ປອດ​ຈະ​ເສ​ຍ​ຫາຍ​ຢ່າງ​ຮຸນ​ແຮງ : ຄະ​ນະ​ແພດ​ໃນ​ໂຮ​ງ​ໝໍ​ເມືອງ​ອູ່​ຮັ້ນ​ພົບ​ວ່າ ຜົນ CT Scan ປອດ​ຂອງ​ຜູ້​ປ່ວຍ​ໂຄວິດ- 19 ມີ​ຈຸດ​ຝ້າ​ຂາວ​ຢູ່​ປອດ ຫລັງ​ຈາກ​ອອກ​ໂຮງ​ໝໍ​ແລ້ວ. ຜົນ​ການ​ສຶກ​ສາ​ອີກ​ເທື່ອ​ໜຶ່ງ​ຂອງ​ຄະ​ນະ​ແພດ​ໃນ​ໂຮງ​ໝໍ​ເມືອງກວາງ​ໂຈ ພົບ​ວ່າ 47% ຂອງ​ຜູ້​ປ່ວຍ​ມີ​ຄວາມ​ຜິດ​ປົກ​ກະ​ຕິ​ໃນ​ການ​ເຮັດ​ວຽ​ກ​ຂອງ​ປອດ ແລະ ປະ​ມານ 25% ຂອງ​ຜູ້​ປ່ວຍ​ຫາຍ​ໃຈ​ເອົາ​ອາ​ກາດ​ເຂົ້າ​ປອດ​ໄດ້​ປະ​ລິ​ມານ​ໜ້ອຍ​ລົງ ເຖິງ​ວ່າ​ຈະ​ມີ​ລະ​ດັບ​ອົກ​ຊີ​ແຊນ​ໃນ​ເລືອດ​ປົກ​ກະ​ຕິ​ຕອນ​ທີ່​ອອກ​ຈາກ​ໂຮງ​ໝໍ​ກໍ​ຕາມ. ຂະ​ນະ​ທີ່​ຜູ້​ປ່ວຍ​ອາ​ການ​ໜັກ ປອດ​ຈະ​ຖືກ​ທຳ​ລາຍ​ຢ່າງ​ຮ້າຍ​ແຮງ.

ສາດ​ສະ​ດາ​ຈານ ຢາ​ຊູ​ຮິ​ໂຕະ ເຊ​ໂຕ​ງູ​ຈິ ຈາກ​ມະ​ຫາ​ວິ​ທະ​ຍາ​ໄລ​ແພດ​ສາດ ແລະ ທັນ​ຕະ​ແພດ​ໂຕ​ກຽວ ລະ​ບຸ​ວ່າ ຜູ້​ປ່ວຍ​ທີ່​ປິ່ນ​ປົວ​ເຊົາ​ແລ້ວ​ບາງ​ຄົນ​ບອກວ່າ​ພຽງ​ແຕ່​ຂຶ້ນ​ຂັ້ນ​ໄດ​ກໍ​ຫາຍ​ໃຈ​ເມື່ອຍ​ຫອບ​ແລ້ວ ແລະ ຕ້ອງ​ພະ​ຍາ​ຍາມ​ຢ່າງ​ຫລາຍ​ເພື່ອ​ຈະ​ໃຊ້​ຊີ​ວິດ​ໄດ້​ຄື​ເກົ່າ. ຄວາມ​ຜິດ​ປົກ​ກ​ຕິນີ້​ເກີດ​ຈາກ​ລະ​ບົບ​ພູມ​ຕ້ານ​ທານ​ທີ່​ປອດ​ມີ​ປະ​ຕິ​ກິ​ລິ​ຍາ​ຕໍ່​ຕ້ານ​ການ​ຂະ​ຫຍາຍ​ໂຕ​ຂອງ​ແຊນ​ໄວ​ຣັ​ສ​ຢ່າງ​ຮຸນ​ແຮງ ສົ່ງ​ຜົນ​ໃຫ້​ເນື້ອ​ເຍື່ອ​ປອດ​ເສຍ​ຫາຍ ແລະ ຟື້ນ​ຟູ​ຕົນ​ເອງ​ຊ້ຳ​ໄປ​ຊ້ຳ​ມາ​ຈົນ​ແຂງ​ໂຕ ເນື້ອ​ເຍື່ອ​ທີ່​ແຂງ​ໂຕ​ນີ້​ເຮັດ​ໃຫ້​ປອດ​ຂະ​ຫຍາຍ​ໂຕ​ໄດ້​ຍາກ​ຄື​ກັບ​ມີ​ແຜ່ນ​ຢາງ​ແຂງໆ​ຕິດ​ຢູ່.

  • ບໍ່​ແມ່ນ​ແຕ່​ປອດ, ແຕ່​ທຳ​ລາຍ​ຫົວ​ໃຈ ສົ່ງ​ຜົນ​ຕໍ່​ຄວາມ​ຈື່​ຈຳ ແລະ ສະ​ມາ​ທິ : ມາ​ຊາ​ມິດ​ສຶ ຊາ​ນູ​ອິ ຫົວ​ໜ້າ​ແພດ​ສຸກ​ເສີນ​ໂຮງ​ໝໍ​ມະ​ຫາ​ວິ​ທະ​ຍາ​ໄລ​ຈິ​ຊິ ຈະ​ໄຊ​ຕາ​ມະ ຜູ້​ປ່ວຍ​ໂຄວິດ-19 ທີ່​ເຄີຍ​ປິ່ນ​ປົວ​ໃນ ICU ຈາກ​ອາ​ການ​ປອດ​ອັກ​ເສບ ນອກ​ຈາກ​ການ​ເຮັດ​ວຽກ​ຂອງ​ປອດ​ຈະ​ອ່ອນ​ແອ​ລົງ​ແລ້ວ ຍັງ​ຈະ​ມີ​ຄວາມ​ຈື່​ຈຳ​ ແລະ ສະ​ມາ​ທິ​ທີ່​ຖົດ​ຖອຍ​ລົງ, ມີ​ຄວາມ​ເຄັ່ງ​ຄຽດ​ຫລັງ​ການ​ປ່ວຍ ຫລ​ລື PTSD ຜົນ​ການ​ສຶກ​ສາ​ພົບ​ວ່າ ອາ​ການ​ທາງ​ຈິດ​ໃຈ​ນີ້​ຈະ​ຄົງ​ຢູ່​ປະ​ມານ 1 – 2 ປີ ຫລັງ​ຈາກ​ຮ່າງ​ກາຍ​ຟື້ນ​ໂຕ. ນອກ​ຈາກນີ້, ຍັງ​ພົບ​ວ່າ​ຜູ້​ປ່ວຍ​ໂຄວິດ-19 ຫລາຍ​ຄົນ​ເກີດ​ອາ​ການ​ຫົວ​ໃຈ​ລົ້ມ​ເຫລວ ຫລື ກ້າມ​ຊີ້ນ​ຫົວ​ໃຈ​ຂາດ​ເລືອດ​ກະ​ທັນ​ຫັນ ໂດຍ​ທີ່ບໍ່​ໄດ້​ມີ​ປະ​ຫວັດ​ອາ​ການ​ຂອງ​ພະ​ຍາດ​ຫົວ​ໃຈ​ມາ​ກ່ອນ.
- WhatsApp Image 2020 05 27 at 5 - ໂຄວິດ-19 ທຳ​ລາຍ​ຮ່າງ​ກາຍ ແລະ ຈິດ​ໃຈ​ໃນໄລ​ຍະ​ຍາວ​ເຖິງ​ຈະ​ປິ່ນ​ປົວ​ເຊົາ​ແລ້ວ
- WhatsApp Image 2020 05 27 at 5 - ໂຄວິດ-19 ທຳ​ລາຍ​ຮ່າງ​ກາຍ ແລະ ຈິດ​ໃຈ​ໃນໄລ​ຍະ​ຍາວ​ເຖິງ​ຈະ​ປິ່ນ​ປົວ​ເຊົາ​ແລ້ວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!