ປະຕິບັດມາດຕະການນັ້ນດີແທ້​ ແຕ່ຫລາຍທ່ານຍັງລະເລີຍຈຶ່ງເຮັດໃຫ້ຫລາຍຄົນຍາກນຳ

- IMG 20210517 073630 - ປະຕິບັດມາດຕະການນັ້ນດີແທ້​ ແຕ່ຫລາຍທ່ານຍັງລະເລີຍຈຶ່ງເຮັດໃຫ້ຫລາຍຄົນຍາກນຳ
- AGL banner - ປະຕິບັດມາດຕະການນັ້ນດີແທ້​ ແຕ່ຫລາຍທ່ານຍັງລະເລີຍຈຶ່ງເຮັດໃຫ້ຫລາຍຄົນຍາກນຳ

ໂດຍ: ທິດກໍ່າ

ມາຮອດວັນທີ 24 ພຶດສະພາ 2021 ຢູ່ ສປປ ລາວພວກເຮົາ ມີຄົນຕິດເຊື້ອໂຄວິດ-19 ພຽງ 21 ຄົນໃນທົ່ວປະເທດ. ສະຫລຸບໄດ້ວ່າ ຜ່ານການຕ້ານ, ສະກັດກັ້ນ, ຄວບຄຸມ ແລະ ແກ້ໄຂການລະບາດຄັ້ງໃຫຍ່ນີ້ ເຫັນວ່າພວກເຮົາໄດ້ຮັບໄຊຊະນະຢ່າງໃຫຍ່ຫລວງ ອັນສາເຫດທີ່ເຮັດໃຫ້ພວກເຮົາໄດ້ຮັບໄຊຊະນະຢ່າງໃຫຍ່ຫລວງຄືແນວນີ້ ກໍຍ້ອນປະຕິບັດຄຳສັ່ງເລກທີ 15/ນຍ, ລົງວັນທີ 21 ເມສາ 2021 ຂອງທ່ານນາຍົກລັດຖະມົນຕີ ກ່ຽວກັບການໃຊ້ມາດຕະການລັອກດາວຈົນມາຮອດວັນທີ 20 ພຶດສະພາ 2021 ເຊິ່ງເປັນເວລາ 2 ອາທິດກວ່າໆ.
ແຕ່ແນວໃດກໍຕາມ, ອີງໃສ່ສະພາບຄວາມເປັນຈິງໃນການລະບາດຂອງເຊື້ອພະຍາດໂຄວິດ-19 ໃນປັດຈຸບັນ ແມ່ນຍັງບໍ່ທັນໝົດໄປຢ່າງສິ້ນເຊີງ ເຊິ່ງເຫັນວ່າຫລຸດລົງມາພຽງ 50 ຫາ 60% ຈຶ່ງມີຄວາມຈຳເປັນຕ້ອງໄດ້ສືບຕໍ່ລັອກດາວໄປອີກ ນັບແຕ່ວັນທີ 21 ພຶດສະພາ 2021 ຈົນຮອດວັນທີ 4 ມິຖຸນາ 2021 ຈົນກວ່າສະພາບການແຜ່ລະບາດຈະຫລຸດລົງໃນລະດັບຕໍ່າທີ່ສຸດ. ເພື່ອສືບຕໍ່ປະຕິບັດບັນດາມາດຕະການລັອກດາວຄັ້ງນີ້, ທາງລັດຖະບານໄດ້ຍົກລະດັບມາດຕະການ ເພື່ອຄວບຄຸມ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ແລະ ຜ່ອນຜັນບາງມາກຕະການເພີ່ມຕື່ມຄື: ໃຫ້ປິດຮ້ານເສີມສວຍ, ຮ້ານຕັດຜົມ, ສະຖານທີ່ທ່ອງທ່ຽວ, ສວນອາຫານ, ກາສິໂນ ແລະ ຮ້ານເກມທຸກປະເພດ. ເຂດໃດ, ບ້ານໃດທີ່ຖືກກຳນົດເປັນເຂດແດງໃຫ້ປິດບັນດາໂຮງງານອຸດສາຫະກຳປຸງແຕ່ງ ແລະ ຫົວໜ່ວຍຫັດຖະກຳ, ຍົກເວັ້ນໂຮງງານທີ່ມີຫໍພັກໃນໂຮງງານຂອງຕົນ ແລະ ໂຮງງານອື່ນໆຕ້ອງປະຕິບັດມາດຕະການປ້ອງກັນທີ່ຄະນະສະເພາະກິດໄດ້ວາງອອກຢ່າງເຂັ້ມງວດ, ຫ້າມບຸກຄົນເດີນທາງເຂົ້າ-ອອກໃນທ້ອງຖິ່ນທີ່ມີການແຜ່ເຊື້ອເຂດແດງ ຫລື ເຂດທີ່ມີຄວາມສ່ຽງສີເຫລືອງຕາມການກຳນົດຂອງຄະນະສະເພາະກິດ ຍົກເວັ້ນຜູ້ທີ່ໄດ້ຮັບອະນຸຍາດຈາກອົງການປົກຄອງທ້ອງຖິ່ນ ດ້ວຍເງື່ອນໄຂ ແລະ ເຫດຜົນອັນຈຳເປັນ, ຫ້າມຈັດກອງປະຊຸມ, ໂຮມຊຸມນຸມ ຫລື ຈັດກິດຈະກຳຕ່າງໆທີ່ມີຜູ້ເຂົ້າຮ່ວມເກີນ 10 ຄົນ, ຫ້າມຈັດງານລ້ຽງສັງສັນ ຫລື ຊຸມແຊວທຸກຮູບແບບຢູ່ທຸກສະຖານທີ່ໃນເຂດທີ່ມີການລະບາດ ແລະ ເຂດທີ່ມີຄວາມສ່ຽງ, ເພີ່ມທະວີຄວາມເຂັ້ມງວດໃນການປະຕິບັດບັນດາມາດຕະການປ້ອງກັນການຕິດເຊື້ອ ແລະແຜ່ເຊື້ອ ດ້ວຍການວັດແທກອຸນຫະພູມ, ຮັກສາໄລຍະຫ່າງ, ໃສ່ຜ້າອັດປາກ-ອັດດັງ, ລ້າງມືດ້ວຍສະບູ, ນ້ຳຢາຂ້າເຊື້ອໃນບັນດາຮ້ານຂາຍເຄື່ອງຍ່ອຍ, ຊຸບເປີມາເກັດ, ສ່ວນມາດຕະການຜ່ອນຜັນນັ້ນ ທ້ອງຖິ່ນໃດບໍ່ມີການລະບາດໃນຊຸມຊົນໃຫ້ສາມາດເດີນທາງເຂົ້າອອກພາຍໃນທ້ອງຖິ່ນຕົນໄດ້ປົກກະຕິ ທັງອະນຸຍາດໃຫ້ດຳເນີນການຂົນສົ່ງໂດຍສານລະຫວ່າງແຂວງຕໍ່ແຂວງທີ່ບໍ່ມີການລະບາດໃນຊຸມຊົນ. ສຳລັບຮ້ານອາຫານ, ຮ້ານກາເຟໃຫ້ເປີດຮັບໃຊ້ບໍລິການຜູ້ສັ່ງເອົາເມືອກິນຢູ່ເຮືອນ ຫລື ບໍລິການສົ່ງເຖິງສະຖານທີ່ເທົ່ານັ້ນ. ໄປພ້ອມກັນນີ້ ກໍອະນຸຍາດໃຫ້ເປີດການຮຽນ-ການສອນຢູ່ສະຖານທີ່ເຂດສຶກສາທີ່ບໍ່ມີການລະບາດໃນຊຸມຊົນ, ອະນຸຍາດໃຫ້ອອກກຳລັງກາຍຫລິ້ນກິລາກາງແຈ້ງເຊັ່ນ: ຍ່າງ, ຕີກ໊ອຟ, ເຕະບານ ແລະ ກິລາອື່ນໆ, ອະນຸຍາດໃຫ້ຜູ້ຂັບລົດ ແລະ ພະນັກງານບໍລິການຂົນສົ່ງເຂົ້າ-ອອກລະຫວ່າງແຂວງຕໍ່ແຂວງໄດ້ ບໍ່ຈຳເປັນຄ່ຽນຖ່າຍໃນໄລຍະເດີນທາງ ແຕ່ຕ້ອງປະຕິບັດມາດຕະການທີ່ທາງຄະນະສະເພາະກິດວາງອອກໃຫ້ເຂັ້ມງວດ. ຈຶ່ງຂໍຮຽກຮ້ອງໃຫ້ທຸກຄົນພ້ອມກັນປະຕິບັດ ເພື່ອຮັກສາຊີວິດຕົນເອງ ແລະ ຜູ້ອື່ນ ກ້າວໄປເຖິງໃຫ້ການແຜ່ລະບາດຄັ້ງນີ້ໝົດໄປຢ່າງສິ້ນເຊີງ.
ເຖິງຢ່າງໃດກໍດີ, ຕາມທິດກໍ່າຄິດ ສິ່ງທີ່ໜ້າເປັນຫ່ວງນັ້ນ ແກ້ບັ້ນຮົບນີ້ສຳເລັດລົງແລ້ວ ພັດມີພວກມັກງ່າຍເຫັນແກ່ຕົວພາກັນກໍ່ເຫດອີກ ເປັນຕົ້ນບັນຫາລັກຂ້າມຂອງຕາມລຳພັງ ນຳເອົາເຊື້ອມາຕິດໃສ່ໝູ່ອີກ. ນອກນັ້ນພວກທີ່ມັກກິນມັກດື່ມລະເມີດກົດຫ້າມພາກັນເຮັດສຸມສີ່ສຸມຫ້າທ້າທາຍການຈັດຕັ້ງ ສຸດທ້າຍມາການແຜ່ລະບາດກໍບໍ່ສຸດບໍ່ສ້ຽງ ແລະ ໝົດໄປຈາກສັງຄົມລາວຈັກເທື່ອ. ຕາມເຮົາວ່າ ຖ້າໃຜຍັງດື້ດ້ານຝືນເຮັດ ຄວນປັບໄໝໃສ່ໂທດ ແລະ ດຳເນີນຄະດີໃຫ້ໜັກກວ່າເກົ່າ ເຂົາຈຶ່ງຈະເຂັດຫລາບ.

- Wave100S AD to Website 2020 0 - ປະຕິບັດມາດຕະການນັ້ນດີແທ້​ ແຕ່ຫລາຍທ່ານຍັງລະເລີຍຈຶ່ງເຮັດໃຫ້ຫລາຍຄົນຍາກນຳ
- WhatsApp Image 2020 05 27 at 5 - ປະຕິບັດມາດຕະການນັ້ນດີແທ້​ ແຕ່ຫລາຍທ່ານຍັງລະເລີຍຈຶ່ງເຮັດໃຫ້ຫລາຍຄົນຍາກນຳ
- WhatsApp Image 2020 05 27 at 5 - ປະຕິບັດມາດຕະການນັ້ນດີແທ້​ ແຕ່ຫລາຍທ່ານຍັງລະເລີຍຈຶ່ງເຮັດໃຫ້ຫລາຍຄົນຍາກນຳ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!