ແຂວງ ໄຊຍະບູລີ ປິ່ນປົວຜູ້ຕິດໂຄວິດ-19 ຫາຍດີແລ້ວ 2 ຄົນ

- 78 - ແຂວງ ໄຊຍະບູລີ ປິ່ນປົວຜູ້ຕິດໂຄວິດ-19 ຫາຍດີແລ້ວ 2 ຄົນ
- AGL banner - ແຂວງ ໄຊຍະບູລີ ປິ່ນປົວຜູ້ຕິດໂຄວິດ-19 ຫາຍດີແລ້ວ 2 ຄົນ

ໃນວັນທີ 25 ພຶດສະພານີ້, ແຂວງໄຊຍະບູລີ ໄດ້ປິ່ນປົວຜູ້ຕິດເຊື້ອພະຍາດໂຄວິດ-19 ຫາຍດີແລ້ວ 2 ຄົນ ແຕ່ຈະຕ້ອງສືບຕໍ່ກັກກັນຢູ່ເຮືອນຈົນຄົບ 14 ວັນ ແລະ ຈະໄດ້ເກັບຕົວຢ່າງຄືນອີກ ໃນວັນທີ 27 ພຶດສະພາທີ່ຈະມາເຖິງ. ເຊິ່ງປັດຈຸບັນພວມສືບຕໍ່ປິ່ນປົວ 1 ຄົນ.

ທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ, ຫົວໜ້າຄະນະສະເພາະ ກິດປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດ ໂຄວິດ-19 ຂັ້ນແຂວງ  ໃຫ້ຮູ້ວ່າ: ແຂວງໄຊຍະບູລີ ມີຜູ້ຕິດເຊື້ອ 3 ຄົນ ແລະ ໄດ້ເອົາໃຈໃສ່ປິ່ນປົວຢູ່ໂຮງໝໍແຂວງ, ​ເຊິ່ງທັງ 3 ແມ່ນມີອາການປົກກະຕິດີ, ກໍລະນີທີ 1 ໄດ້ກວດ 4 ຄັ້ງເປັນຜົນລົບ 2 ຄັ້ງ, ກໍລະນີທີ 2 ກວດ 3 ຄັ້ງ ຍັງເປັນຜົນບວກ, ກໍລະນີທີ 3 ກວດ 3 ຄັ້ງ ເປັນຜົນລົບ 2 ຄັ້ງ, ກໍລະນີທີ 1 ແລະ ກໍລະນີທີ 3 ນັ້ນແມ່ນປິ່ນປົວຫາຍດີແລ້ວ ແຕ່ຈະຕ້ອງສືບຕໍ່ກັກກັນຢູ່ເຮືອນຈົນຄົບ 14 ວັນ ແລະ ຈະໄດ້ເກັບຕົວຢ່າງຄືນອີກ ໃນວັນທີ 27 ພຶດສະພານີ້.

ປັດຈຸບັນ, ແຂວງໄຊຍະບູລີ ມີຜູ້ສໍາຜັດໃກ້ຊິດຜູ້ຕິດເຊື້ອຈາກປະເທດໃກ້ຄຽງ 8 ຄົນ ໄດ້ກັກກັນຢູ່ໂຮງຮຽນການເມືອງ-ການປົກຄອງ, ເກັບຕົວຢ່າງ 2 ຄັ້ງ ເປັນຜົນລົບ ແລະ ຈະໄດ້ສືບຕໍ່ກັກກັນຄົບ 14 ວັນ, ໃນວັນທີ 27 ພຶດສະພາ 2021 ກໍຈະໄດ້ຮັບການສົ່ງຄືນໃຫ້ແກ່ຄອບຄົວ ແລະ ສັງຄົມ, ພາຍໃນແຂວງຍັງມີເປົ້າໝາຍທີ່ມີຄວາມສ່ຽງໄດ້ກັກຕົວໄວ້ຢູ່ສູນກັກກັນມີຈໍານວນ 396 ຄົນ, ຍິງ 113 ຄົນ ໄດ້ເກັບຕົວຢ່າງ ຜົນກວດທັງໝົດເປັນຜົນລົບ ແຕ່ກໍຍັງສືບຕໍ່ກັກຕົວເພື່ອໃຫ້ຄົບກໍານົດ 14 ວັນ ຈຶ່ງຈະໄດ້ອອກຈາກສູນກັກກັນ.

- Wave100S AD to Website 2020 0 - ແຂວງ ໄຊຍະບູລີ ປິ່ນປົວຜູ້ຕິດໂຄວິດ-19 ຫາຍດີແລ້ວ 2 ຄົນ

ທ່ານຮອງເຈົ້າແຂວງ ໃຫ້ຮູ້ຕື່ມວ່າ: ດ້ວຍຄວາມເປັນເຈົ້າການຮ່ວມມື ແລະ ສະໜັບສະໜູນຂອງຫລາຍພາກສ່ວນ ໃນສັງຄົມຈຶ່ງເຮັດໃຫ້ການຄວບຄຸມພະຍາດໂຄວິດ-19 ຢູ່ພາຍໃນແຂວງ ໄຊຍະບູລີ ບໍ່ມີການຕິດເຊື້ອຂະຫຍາຍອອກ, ພ້ອມທັງໄດ້ ຮຽກຮ້ອງມາຍັງການຈັດຕັ້ງ ພັກ-ລັດ, ນັກທຸລະກິດ ແລະ ປະຊາຊົນທຸກຖ້ວນໜ້າ ຈົ່ງໄດ້ເປັນເຈົ້າການຍົກສູງຄວາມມີສະຕິ ສືບຕໍ່ເພີ່ມທະວີຄວາມສາມັກຄີເປັນຈິດໜຶ່ງໃຈດຽວ, ປ້ອງກັນບໍ່ໃຫ້ມີການແຜ່ເຊື້ອຂອງພະຍາດດັ່ງກ່າວມາສູ່ສັງຄົມ, ອີກດ້ານໜຶ່ງຈົ່ງມີສະຕິໃນການຮັບຟັງຂໍ້ມູນຂ່າວສານ ບໍ່ໃຫ້ສັງຄົມອອນລາຍທີ່ບໍ່ມີຄວາມຈິງມາທໍາລາຍພວກເຮົາໄດ້, ພ້ອມກັນນັ້ນຈົ່ງພ້ອມໃຈກັນໄປສັກວັກຊິນຕ້ານພະຍາດ ໂຄວິດ-19 ຢູ່ໂຮງໝໍເມືອງ, ໂຮງໝໍແຂວງ, ເພື່ອຊີວິດ ແລະ ຄອບຄົວຂອງທ່ານ ເພາະວັກຊິນຈະໄປສ້າງພູມຕ້ານທານຕໍ່ຕ້ານຄວາມຮຸນແຮງຂອງພະຍາດດັງກ່າວ ເຮັດໃຫ້ປິ່ນປົວໄດ້ງ່າຍກວ່າຜູ້ທີ່ບໍ່ສັກ, ຮັກຊີວິດຕ້ອງສັກຢາວັກຊິນ. ສໍາລັບບຸກຄົນທີ່ຢູ່ໃນທາມລາຍຄວາມສ່ຽງ ໃຫ້ມີຄວາມຈິງໃຈລາຍງານການເຄື່ອນໄຫວຕໍ່ເຈົ້າໜ້າທີ່, ບໍ່ໃຫ້ປິດບັງ ເພື່ອຄວາມປອດໄພແກ່ຜູ້ອື່ນ ແລະ ຄອບຄົວຕົນເອງ ແລະ ຂໍໃຫ້ເຈົ້າໜ້າທີ່ກ່ຽວຂ້ອງ, ພະນັກງານແພດໝໍ ຈົ່ງມີຄວາມອົດທົນ ແກ້ໄຂບັນຫາຕ່າງໆດ້ວຍເຫດ ແລະ ຜົນ ຫລີກລ້ຽງການໃຊ້ອາລົມ.

- WhatsApp Image 2020 05 27 at 5 - ແຂວງ ໄຊຍະບູລີ ປິ່ນປົວຜູ້ຕິດໂຄວິດ-19 ຫາຍດີແລ້ວ 2 ຄົນ
- WhatsApp Image 2020 05 27 at 5 - ແຂວງ ໄຊຍະບູລີ ປິ່ນປົວຜູ້ຕິດໂຄວິດ-19 ຫາຍດີແລ້ວ 2 ຄົນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!