ຮົງກົງອາດຕ້ອງຖິ້ມວັກຊີນໄຟເຊີ-ໄບໂອເອັນເທກເປັນລ້ານໂດສ ຍ້ອນຄົນບໍ່ມາສັກຈົນໃກ້ໝົດອາຍຸ

- vaccine syringe 2021 02 05 12 05 54 - ຮົງກົງອາດຕ້ອງຖິ້ມວັກຊີນໄຟເຊີ-ໄບໂອເອັນເທກເປັນລ້ານໂດສ ຍ້ອນຄົນບໍ່ມາສັກຈົນໃກ້ໝົດອາຍຸ
- AGL banner - ຮົງກົງອາດຕ້ອງຖິ້ມວັກຊີນໄຟເຊີ-ໄບໂອເອັນເທກເປັນລ້ານໂດສ ຍ້ອນຄົນບໍ່ມາສັກຈົນໃກ້ໝົດອາຍຸ

ເຈົ້າໜ້າທີ່ຂອງຮົງກົງອອກມາເຕືອນປະຊາຊົນ ໃຫ້ຟ້າວມາຮັບວັກຊີນໄຟເຊີ-ໄບໂອເອັນເທກ ພາຍໃນ 3 ເດືອນ ກ່ອນຈະໝົດອາຍຸ.

ວັນທີ 25 ພຶດສະພາ 2021, ສຳນັກຂ່າວເອເອຟພີ (AFP) ລາຍງານວ່າ: ຮົງກົງອາດຕ້ອງຈຳໃຈຖິ້ມວັກຊີນປ້ອງກັນພະຍາດໂຄວິດ-19 ທີ່ພັດທະນາຮ່ວມກັນໂດຍ ໄຟເຊີ (Pfizer) ແລະ ໄບໂອເອັນເທກ (BioNTech) ໃນຈຳນວນຫລັກລ້ານໂດສ ເນື່ອງຈາກວັກຊີນທີ່ສັ່ງມາເລີ່ມເຂົ້າໃກ້ວັນໝົດອາຍຸ, ແຕ່ຮອດຕອນນີ້ຍັງບໍ່ມີຄົນເຂົ້າມາລົງທະບຽນພຽງພໍ.

ຮົງກົງຖືເປັນໜຶ່ງໃນບໍ່ເທົ່າໃດແຫ່ງໃນໂລກ ທີ່ສາມາດຈັດຫາວັກຊີນໄດ້ພຽງພໍຕໍ່ຈຳນວນປະຊາກອນທັງໝົດ ເຊິ່ງປັດຈຸບັນມີຢູ່ 7,5 ລ້ານຄົນ, ແຕ່ພັດຕ້ອງຜະເຊີນບັນຫາຄວາມບໍ່ໝັ້ນໃຈໃນວັກຊີນ.

ຕາມລາຍງານລະບຸວ່າ: ສາເຫດຕົ້ນຕໍທີ່ເຮັດໃຫ້ຄົນບໍ່ມາລົງທະບຽນສັກວັກຊີນ ຄືຄວາມບໍ່ເຊື່ອໝັ້ນໃນລັດຖະບານ ຮ່ວມກັບການປ່ອຍຂໍ້ມູນປອມໃນໂລກອອນລາຍ ແລະ ການທີ່ເກາະຮົງກົງບໍ່ໄດ້ມີການລະບາດຂອງເຊື້ອໃນໄລຍະຜ່ານມາ ຈຶ່ງເຮັດໃຫ້ຊາວຮົງກົງບໍ່ຕື່ນຕົວໃນການເຂົ້າຮັບວັກຊີນ.

ທ່ານ ໂທມັດ ຊັງ ເຈົ້າໜ້າທີ່ປະຈຳໜ່ວຍງານທີ່ເບິ່ງແຍງດ້ານວັກຊີນ ອອກມາໃຫ້ສຳພາດຕໍ່ສະຖານີວິທະຍຸ RTHK ວ່າ: ຊາວຮົງກົງເຫລືອເວລາພຽງ 3 ເດືອນເທົ່ານັ້ນ ສຳລັບການເຂົ້າມາຮັບວັກຊີນໄຟເຊີ-ໄບໂອເອັນເທກ ກ່ອນວັກຊີນຊຸດດັ່ງກ່າວຈະໝົດອາຍຸ.

ແລະ ໃນເດືອນກັນຍາ ທາງສູນສັກວັກຊີນຂອງໄບໂອເອັນເທກຈະຢຸດໃຫ້ບໍລິການຕາມແຜນທີ່ວາງໄວ້ ແລະ ອາດບໍ່ໄດ້ສັ່ງຊື້ເຂົ້າມາເພີ່ມອີກ.

- Wave100S AD to Website 2020 0 - ຮົງກົງອາດຕ້ອງຖິ້ມວັກຊີນໄຟເຊີ-ໄບໂອເອັນເທກເປັນລ້ານໂດສ ຍ້ອນຄົນບໍ່ມາສັກຈົນໃກ້ໝົດອາຍຸ

ທ່ານ ຊັງ ກ່າວອີກວ່າ: ການທີ່ຮົງກົງປ່ອຍວັກຊີນໄປລ້າໆ ຂະນະທີ່ທົ່ວໂລກກຳລັງພະຍາຍາມຊອກຫາວັກຊີນນັ້ນ ເປັນເລື່ອງທີ່ບໍ່ຖືກຕ້ອງ.

ກ່ອນໜ້ານີ້, ລັດຖະບານຮົງກົງສັ່ງຊື້ວັກຊີນຂອງໄຟເຊີ-ໄບໂອເອັນເທກ ແລະ ຊິໂນແວກ ເຂົ້າມາແລ້ວຢ່າງລະ 7,5 ລ້ານໂດສ ຈົນຮອດຕອນນີ້ ມີປະຊາກອນທີ່ໄດ້ຮັບວັກຊີນຢ່າງໜ້ອຍ 1 ໂດສ ຄິດເປັນອັດຕາ 19% ແລະ ມີປະຊາກອນທີ່ໄດ້ຮັບຄົບ 2 ໂດສແລ້ວ 14%.

ອ້າງອີງ:

https://www.channelnewsasia.com/…/covid-19-hong-kong…

https://www.theguardian.com/…/covid-vaccine-hesitancy…

- WhatsApp Image 2020 05 27 at 5 - ຮົງກົງອາດຕ້ອງຖິ້ມວັກຊີນໄຟເຊີ-ໄບໂອເອັນເທກເປັນລ້ານໂດສ ຍ້ອນຄົນບໍ່ມາສັກຈົນໃກ້ໝົດອາຍຸ
- WhatsApp Image 2020 05 27 at 5 - ຮົງກົງອາດຕ້ອງຖິ້ມວັກຊີນໄຟເຊີ-ໄບໂອເອັນເທກເປັນລ້ານໂດສ ຍ້ອນຄົນບໍ່ມາສັກຈົນໃກ້ໝົດອາຍຸ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!