ຜູ້ຕິດເຊື້ອພຽງ 1 ຄົນ ຢູ່ແຂວງຊຽງຂວາງປິ່ນປົວຫາຍດີ ແລະ ອອກໂຮງໝໍແລ້ວ

ໃນວັນທີ 26 ພຶດສະພາ 2021, ແຂວງຊຽງຂວາງ ໄດ້ສຳເລັດການປິ່ນປົວຜູ້ຕິດເຊື້ອພາຍໃນແຂວງ ຫາຍດີ ແລະ ສົ່ງຕົວກັບບ້ານແລ້ວ ພ້ອມທັງປະຕິບັດການຈຳກັດບໍລິເວນຕົນຢູ່ເຮືອນໃຫ້ຄົບ 14 ວັນຕາມຄະນະສະເພາະກິດວາງອອກຢ່າງເຄັງຄັດ, ພາຍຫລັງໄດ້ເຂົ້າແຍກປ່ຽວປິ່ນປົວແຕ່ວັນທີ 27 ເມສາຜ່ານມາ ມາຮອດວັນທີ 26 ພຶດສະພາ ເປັນເວລາ 29 ວັນ.

ພ້ອມນີ້, ກໍຂໍຊົມເຊີຍທີມແພດໝໍທີ່ໄດ້ເອົາໃຈໃສ່ປິ່ນປົວ, ເບິ່ງແຍງຄົນຈົນຫາຍດີ ແລະ ຄວາມເສຍສະຫລະທຸ້ມທຸກແຮງກາຍແຮງໃຈເພື່ອສັງຄົມ ກໍຄືປະເທດລາວເຮົາ.