ສ.ເກົາຫລີ ເຜີຍປະຊາຊົນທີ່ສັກວັກຊີນໂດສທຳອິດແລ້ວ ບໍ່ຕ້ອງໃສ່ຜ້າປິດປາກ-ດັງອອກນອກເຮືອນ ເລີ່ມແຕ່ເດືອນກໍລະກົດນີ້

- 929209 - ສ.ເກົາຫລີ ເຜີຍປະຊາຊົນທີ່ສັກວັກຊີນໂດສທຳອິດແລ້ວ ບໍ່ຕ້ອງໃສ່ຜ້າປິດປາກ-ດັງອອກນອກເຮືອນ ເລີ່ມແຕ່ເດືອນກໍລະກົດນີ້
- AGL banner - ສ.ເກົາຫລີ ເຜີຍປະຊາຊົນທີ່ສັກວັກຊີນໂດສທຳອິດແລ້ວ ບໍ່ຕ້ອງໃສ່ຜ້າປິດປາກ-ດັງອອກນອກເຮືອນ ເລີ່ມແຕ່ເດືອນກໍລະກົດນີ້

ລັດຖະບານ ສ.ເກົາຫລີ ປະກາດໃນວັນທີ 26 ພຶດສະພາ 2021 ວ່າ: ນັບແຕ່ເດືອນກໍລະກົດເປັນຕົ້ນໄປ ປະຊາຊົນທີ່ໄດ້ຮັບການສັກວັກຊີນໂດສທຳອິດແລ້ວ ບໍ່ຈຳເປັນຕ້ອງໃສ່ຜ້າປິດປາກ-ດັງໃນເວລາອອກຈາກເຮືອນ.

ປະກາດດັ່ງກ່າວມີຂຶ້ນລະຫວ່າງກອງປະຊຸມຮັບມືສະຖານະການໂຄວິດ-19 ໂດຍເປັນສ່ວນໜຶ່ງໃນໂຄງການສ້າງແຮງຈູງໃຈເພື່ອໃຫ້ປະຊາຊົນເຂົ້າຮັບການສັກວັກຊີນຕ້ານໂຄວິດ-19 ຫລາຍຂຶ້ນ.

ນອກຈາກນີ້, ນາຍົກລັດຖະມົນຕີ ກິມບູກຍອມ ຍັງເປີດເຜີຍຕໍ່ກອງປະຊຸມວ່າ: ປະຊາຊົນທີ່ໄດ້ຮັບການສັກວັກຊີນໂດສທຳອິດແລ້ວ ຈະໄດ້ຮັບການຍົກເວັ້ນຈາກມາດຕະການຫ້າມລວມກຸ່ມພາຍໃນຄອບຄົວເກີນ 8 ຄົນ ເລີ່ມແຕ່ເດືອນມິຖຸນາ ແລະ ຈະໄດ້ຮັບການຍົກເວັ້ນຈາກມາດຕະການຈຳກັດຈຳນວນຄົນໃນສະຖານທີ່ຕ່າງໆນຳອີກ.

ຜ່ານມາລັດຖະບານ ສ.ເກົາຫລີ ເລີ່ມໂຄງການສັກວັກຊີນ 2 ໂດສໃຫ້ປະຊາຊົນນັບແຕ່ເດືອນກຸມພາຜ່ານມາ ແລະ ວາງແຜນຈະບັນລຸເປົ້າໝາຍໃນການເກີດພາວະພູມຕ້ານທານໝູ່ ເຊິ່ງຈະຢຸດການແຜ່ລະບາດໄດ້ໃນຊ່ວງເດືອນພະຈິກ.

ເຊິ່ງນາຍົກລັດຖະມົນຕີ ຄິມ ເປີດເຜີຍວ່າ: ລັດຖະບານຍັງກຽມຈະຫລຸດລະດັບມາດຕະການປ້ອງກັນການແຜ່ລະບາດເຕັມຮູບແບບໃນທ້າຍເດືອນກັນຍາ ຖ້າປະຊາຊົນໄດ້ຮັບການສັກວັກຊີນໂດສທຳອິດແລ້ວຫລາຍກວ່າ 70% ຕາມທີ່ຕັ້ງເປົ້າໄວ້.

ປັດຈຸບັນ ສ.ເກົາຫລີ ສັກວັກຊີນໂຄວິດ-19 ໃຫ້ປະຊາຊົນແລ້ວປະມານ 1,9 ລ້ານຄົນ ຫລື 3,8% ຂອງຈຳນວນປະຊາກອນທັງໝົດ 52 ລ້ານຄົນ ເຊິ່ງປະຊາຊົນໃນກຸ່ມອາຍຸແຕ່ 60-74 ປີ ພົບວ່າມີການລົງທະບຽນຈອງສັກວັກຊີນແລ້ວຫລາຍກວ່າ 60%.

- Wave100S AD to Website 2020 0 - ສ.ເກົາຫລີ ເຜີຍປະຊາຊົນທີ່ສັກວັກຊີນໂດສທຳອິດແລ້ວ ບໍ່ຕ້ອງໃສ່ຜ້າປິດປາກ-ດັງອອກນອກເຮືອນ ເລີ່ມແຕ່ເດືອນກໍລະກົດນີ້

ແລະ ນັບແຕ່ວັນທີ 27 ພຶດສະພາ ລັດຖະບານຈະເລີ່ມຕົ້ນການສັກວັກຊີນໃຫ້ປະຊາຊົນທົ່ວໄປ ໃນກຸ່ມອາຍຸລະຫວ່າງ 65-74 ປີ ໂດຍເຂົ້າຮັບການສັກໄດ້ຕາມຄລີນິກ ແລະ ໂຮງໝໍເມືອງກວ່າ 12.000 ແຫ່ງທົ່ວປະເທດ.

ສຳລັບສະຖານະການແຜ່ລະບາດຂອງໂຄວິດ-19 ໃນ ສ.ເກົາຫລີ ຫລ້າສຸດວັນທີ 25 ພຶດສະພາ ພົບຜູ້ຕິດເຊື້ອໃໝ່ຈຳນວນ 707 ຄົນ ເຮັດໃຫ້ຈຳນວນຜູ້ຕິດເຊື້ອສະສົມເພີ່ມເປັນກວ່າ 137.000 ຄົນ ແລະ ເສຍຊີວິດກວ່າ 1.900 ຄົນ.

ອ້າງອີງ:

- WhatsApp Image 2020 05 27 at 5 - ສ.ເກົາຫລີ ເຜີຍປະຊາຊົນທີ່ສັກວັກຊີນໂດສທຳອິດແລ້ວ ບໍ່ຕ້ອງໃສ່ຜ້າປິດປາກ-ດັງອອກນອກເຮືອນ ເລີ່ມແຕ່ເດືອນກໍລະກົດນີ້
- WhatsApp Image 2020 05 27 at 5 - ສ.ເກົາຫລີ ເຜີຍປະຊາຊົນທີ່ສັກວັກຊີນໂດສທຳອິດແລ້ວ ບໍ່ຕ້ອງໃສ່ຜ້າປິດປາກ-ດັງອອກນອກເຮືອນ ເລີ່ມແຕ່ເດືອນກໍລະກົດນີ້
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!