ໃບຮັບຮອງສັກວັກຊິນ ເປັນເຄື່ອງມີການເດີນທາງແບບໃໝ່ທົ່ວໂລກ
ສຳນັກຂ່າວCNBC ລາຍງານວ່າ: ປັດຈຸບັນສະຫະພາບເອີຣົບ(ອີຢູ) ທີ່ມີສະມາຊິກ 27ປະເທດ ພວມກຽມອອກພາສປອດວັກຊີນທີ່ມີຊື່ວ່າ:”EU Digital COVID CERTIFICATE” ໂດຍບໍ່ມີມາດຕະການກັກຕົວກ່ອນເຂົ້າປະເທດ ແລະ ຈະສາມາດເລີ່ມນຳໃຊ້ ລະບົບດັ່ງກ່າວໄດ້ພາຍໃນເດືອນມິຖຸນານີ້.
ຂະນະທີ່ ອັງກິດ ມີແອບພຣິເຄຊັນ”NHS App” ທີ່ໄດ້ເພີ່ມຄຳສັ່ງສະແດງຫລັກຖານການສັກວັກຊິນເຂົ້າໄປແລ້ວເພື່ອຮັບຮອງວ່າ ບຸກຄົນນັ້ນໄດ້ສັກວັກຊີນແລ້ວ ສ່ວນສະມາຄົມຂົນສົ່ງທາງອາກາດລະຫວ່າງ ປະເທດ (Iata) ມີສະມາຊິກ 300 ກວ່າສາຍການບິນໄດ້ອອກພາສປອດວັກຊິນໃນນາມຊື່ ໄອອາຕາ ທຣາໂວພາສ” Iata Travel Pass”ເພື່ອຮັບຮອງຜົນກວດຫາເຊື້ອພະຍາດໂຄວິດ-19 ຫລື ໃບຮັບຮອງການຮັບວັກຊີນໂດຍສິງກະໂປ ເປັນປະເທດທຳອິດທີ່ເປີດຕ້ອນຮັບ ນັກເດີນທາງ ທີ່ມີຂໍ້ມູນຜ່ານໄອອາຕາທຣາໂວພາສໃນເດືອນພຶດສະພານີ້.
ຫລາຍປະເທດພັດທະນາພາສປອດວັກຊິນໃນແບບສະບັບຂອງແຕ່ລະປະເທດ ແລະ ມີການໃຊ້ງານຈິງພາຍໃນປະເທດແລ້ວເປັນຕົ້ນໃນປະເທດອິດສະຣາແອນ ແລະ ດານມາກ ທີ່ພັດທະນາເປັນກຣີນພາສ”Green Pass” ແລະ ໂຄຣນ່າ ພາສ”Corona Pass” ເຮັດໃຫ້ ລັດຖະບານສາມາດຮັບຮູ້ຂໍ້ມູນຜູ້ຕິດເຊື້ອໄດ້ ເປັນລາຍຊົ່ວໂມງ ແລະ ຮັບຮັບເຖິງຈຸດທີ່ມີການແຜ່ລະບາດ ຂອງເຊື້ອພະຍາດ ໂຄວິດ-19 ລວມທັງທີ່ຢູ່ອາໄສຂອງບຸກຄົນນັ້ນ ເຊິ່ງເຮັດໃຫ້ໜ່ວຍງານທີ່ກ່ຽວຂ້ອງສາມາດອອກມາດຕະການສະກັດກັ້ນໄດ້ຢ່າງເໝາະສົມ ແລະ ວ່ອງໄວ.
