ປັກກິ່ງເລີ່ມນຳໃຊ້ວັກຊີນປ້ອງກັນໂຄວິດ-19 ຊະນິດໃໝ່ແບບສັກ 3 ໂດສ

- beijing using new 3 dosage coronavirus - ປັກກິ່ງເລີ່ມນຳໃຊ້ວັກຊີນປ້ອງກັນໂຄວິດ-19 ຊະນິດໃໝ່ແບບສັກ 3 ໂດສ
- AGL banner - ປັກກິ່ງເລີ່ມນຳໃຊ້ວັກຊີນປ້ອງກັນໂຄວິດ-19 ຊະນິດໃໝ່ແບບສັກ 3 ໂດສ

ວັນທີ 28 ພຶດສະພາ 2021, ນະຄອນຫລວງປັກກິ່ງ ຂອງຈີນ ເລີ່ມນຳໃຊ້ວັກຊີນປ້ອງກັນໂຄວິດ-19 ຊະນິດໂປຣຕິນລູກປະສົມ (Recombinant Protein) ທີ່ພັດທະນາໃນຈີນ ແລະ ມີກຳນົດສັກ 3 ໂດສ.

ວັກຊີນທີ່ຜະລິດຈາກເຊລຮັງໄຂ່ຂອງໜູແຮມສະເຕີ (CHO Cells) ເປັນຜົນງານການພັດທະນາຮ່ວມລະຫວ່າງສະຖາບັນຈຸລະຊີວະວິທະຍາ ສັງກັດສະຖາບັນບັນດິດວິທະຍາສາດແຫ່ງຊາດຈີນ ແລະ ບໍລິສັດ ອັນຮຸຍ ຈື້ເຟຍ ຫລົງເຄີມ່າ ໄບໂອຟາມມາຊູຕິຄັດ ຈຳກັດ ຜູ້ຜະລິດວັກຊີນສັນຊາດຈີນ ໂດຍຄະນະນັກວິໄຈຂອງສະຖາບັນຈຸລະຊີວະວິທະຍາເລີ່ມຮັບວັກຊີນໂດສທຳອິດໃນວັນທີ 28 ພຶດສະພາ ໃນເຂດໄຫ່ຕ້ຽນຂອງປັກກິ່ງ.

ສະຖາບັນຈຸລະຊີວະວິທະຍາ ເປີດເຜີຍວ່າ: ຈີນອະນຸມັດການນຳໃຊ້ກໍລະນີສຸກເສີນແກ່ວັກຊີນດັ່ງກ່າວເມື່ອວັນທີ 10 ມີນາຜ່ານມາ ແລະ ມີປະຊາຊົນຈາກຫລາຍມົນທົນເຊັ່ນ: ອັນຮຸຍ ແລະ ຫູເປຍ ທະຍອຍເຂົ້າຮັບວັກຊີນນັບແຕ່ນັ້ນ. ຂະນະທີ່ວັກຊີນຊຸດທຳອິດອອກຈາກສາຍການຜະລິດໃນປັກກິ່ງເມື່ອວັນທີ 3 ພຶດສະພາ.

ການທົດລອງໄລຍະທີ 2 ເຊິ່ງຄວບຄຸມຜູ້ມີອາຍຸ 18-59 ປີ ພົບວ່າ ຮ່າງກາຍຂອງຜູ້ເຂົ້າຮ່ວມ 83% ຜະລິດແອນຕິບໍດີລຶບລ້າງລິດຫລັງສັກວັກຊີນ 2 ໂດສ ແລະ ເພີ່ມເປັນ 97% ຫລັງສັກວັກຊີນຄົບ 3 ໂດສ.

ສ່ວນການທົດລອງຂັ້ນຕົ້ນທີ່ດຳເນີນໃນຜູ້ມີອາຍຸ 60 ປີຂຶ້ນໄປ ພົບອັດຕາການສ້າງພູມຕ້ານທານໃໝ່ຂອງແອນຕິບໍດີລຶບລ້າງລິດສູງເຖິງ 95% ຫລັງສັກວັກຊີນຄົບ 3 ໂດສ ໂດຍປາສະຈາກອາການບໍ່ເພິ່ງປະສົງຮ້າຍແຮງທີ່ກ່ຽວກັບວັກຊີນ.

- Wave100S AD to Website 2020 0 - ປັກກິ່ງເລີ່ມນຳໃຊ້ວັກຊີນປ້ອງກັນໂຄວິດ-19 ຊະນິດໃໝ່ແບບສັກ 3 ໂດສ

ສະຖາບັນຈຸລະຊີວະວິທະຍາ ລະບຸວ່າ: ວັກຊີນຝີມືຈີນຊະນິດນີ້ກະຕຸ້ນແອນຕິບໍດີລຶບລ້າງລິດໃນລະດັບທຽບເທົ່າວັກຊີນປ້ອງກັນພະຍາດໂຄວິດ-19 ຊະນິດໂປຣຕິນລູກປະສົມ ແລະ ຊະນິດ mRNA ຊະນິດອື່ນໆທົ່ວໂລກ.

ທັງນີ້, ສະຖາບັນຈຸລະຊີວະວິທະຍາ ກ່າວວ່າ: ວັກຊີນຊະນິດໂປຣຕິນລູກປະສົມບໍ່ຈຳເປັນຕ້ອງຖືກຜະລິດໃນຫ້ອງປະຕິບັດການຄວາມປອດໄພທາງຊີວະພາບມາດຕະຖານສູງ ໂດຍສາມາດຜະລິດໃນປະລິມານຫລາຍໄດ້ຢ່າງວ່ອງໄວ, ປະຢັດຕົ້ນທຶນ ອີກທັງຍັງຈັດເກັບ ແລະ ຂົນສົ່ງໄດ້ສະດວກກວ່າ.

ອ້າງອີງ: ສຳນັກຂ່າວຊິນຮົວ

- WhatsApp Image 2020 05 27 at 5 - ປັກກິ່ງເລີ່ມນຳໃຊ້ວັກຊີນປ້ອງກັນໂຄວິດ-19 ຊະນິດໃໝ່ແບບສັກ 3 ໂດສ
- WhatsApp Image 2020 05 27 at 5 - ປັກກິ່ງເລີ່ມນຳໃຊ້ວັກຊີນປ້ອງກັນໂຄວິດ-19 ຊະນິດໃໝ່ແບບສັກ 3 ໂດສ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!