ຜົນສືບສວນເຮືອ Ever Given ຂວາງຄອງສຸເອຊ ຊີ້ເປັນຄວາມຜິດຂອງຄົນຂັບເຮືອ

-                                                  - ຜົນສືບສວນເຮືອ Ever Given ຂວາງຄອງສຸເອຊ ຊີ້ເປັນຄວາມຜິດຂອງຄົນຂັບເຮືອ
- AGL banner - ຜົນສືບສວນເຮືອ Ever Given ຂວາງຄອງສຸເອຊ ຊີ້ເປັນຄວາມຜິດຂອງຄົນຂັບເຮືອ

ວັນທີ 30 ພຶດສະພາ 2021, ອົງການຄອງສຸເອຊ (SCA) ຂອງອີຢິບ ເປີດເຜີຍວ່າ: ຄົນຂັບເຮືອຂົນສົ່ງຕູ້ຄອນເທນເນີ Ever Given ເປັນຜູ້ຮັບຜິດຊອບກໍລະນີເຮືອຄານໍ້າຕື້ນ ແລະ ປິດກັ້ນການສັນຈອນເປັນເວລາ 6 ວັນ ເມື່ອເດືອນມີນາຜ່ານມາ.

ຄົນຂັບເຮືອ ອັສ-ຊາຢິດ ຊູອິຊາ ຫົວໜ້າທີມສອບສວນຂອງ SCA ຖະແຫລງຂ່າວຢູ່ສຳນັກງານໃຫຍ່ຂອງ SCA ໃນເມືອງອິສໄມເລີຍ ລະບຸວ່າ: ເຫດດັ່ງກ່າວເກີດຂຶ້ນເພາະ “ຄຳສັ່ງຊໍ້າແລ້ວຊໍ້າອີກຂອງຄົນຂັບເຮືອໃນໄລຍະເວລາອັນສັ້ນ”.

ໃນເດືອນເມສາ, ທາງການອີຢິບຢຶດເຮືອ Ever Given ເຊິ່ງເປັນໜຶ່ງໃນເຮືອຂົນສົ່ງຕູ້ຄອນເທນເນີຂະໜາດໃຫຍ່ທີ່ສຸດໃນໂລກ ທີ່ມີຄວາມຍາວປະມານ 400 ແມັດ ແລະ ຂະໜາດປະມານ 200.000 ໂຕນ ຫລັງເຮືອຍັກຄານໍ້າຕື້ນເມື່ອວັນທີ 23 ມີນາ ແລະ ປິດກັ້ນການສັນຈອນເປັນເວລາ 6 ວັນ.

ເມື່ອວັນທີ 25 ພຶດສະພາ, ອີຢິບຍື່ນຂໍ້ສະເໜີຫລຸດເງິນຊົດເຊີຍທີ່ຮຽກຮ້ອງຈາກ 916 ລ້ານໂດລາສະຫະລັດ ເຫລືອ 550 ລ້ານໂດລາສະຫະລັດ ສຳລັບເຮືອທີ່ຖືກຢຶດໄວ້ ຫລັງຮູ້ມູນຄ່າທາງການເງິນໂດຍປະມານຂອງສິນຄ້າ, ຕໍ່ມາວັນທີ 29 ພຶດສະພາ ສານເສດຖະກິດຂອງອີຢິບໄດ້ເລື່ອນການພິຈາລະນາຄະດີຂອງເຮືອ Ever Given ເພື່ອເປີດທາງການເຈລະຈາກ່ຽວກັບເງິນຊົດເຊີຍເພີ່ມຕື່ມ.

- Wave100S AD to Website 2020 0 - ຜົນສືບສວນເຮືອ Ever Given ຂວາງຄອງສຸເອຊ ຊີ້ເປັນຄວາມຜິດຂອງຄົນຂັບເຮືອ

ທັງນີ້ ຄອງສຸເອຊ ເຊິ່ງເຊື່ອມລະຫວ່າງທະເລແດງ ແລະ ທະເລເມດິເຕເຣນຽນ ສູນເສຍລາຍໄດ້ 12-15 ລ້ານໂດລາສະຫະລັດຕໍ່ວັນ ລະຫວ່າງເກີດເຫດເຮືອ Ever Given ປິດກັ້ນການສັນຈອນເບື້ອງຕົ້ນ.

ອ້າງອີງ: ສຳນັກຂ່າວຊິນຮົວ

- WhatsApp Image 2020 05 27 at 5 - ຜົນສືບສວນເຮືອ Ever Given ຂວາງຄອງສຸເອຊ ຊີ້ເປັນຄວາມຜິດຂອງຄົນຂັບເຮືອ
- WhatsApp Image 2020 05 27 at 5 - ຜົນສືບສວນເຮືອ Ever Given ຂວາງຄອງສຸເອຊ ຊີ້ເປັນຄວາມຜິດຂອງຄົນຂັບເຮືອ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!