ຜູ້ນຳອັງກິດຊຸກຍູ້ແນວຄິດລະບົບພາດສະປອດວັກຊີນ ກັບປະເທດມະຫາອຳນາດ ຫວັງຟື້ນການທ່ອງທ່ຽວທົ່ວໂລກ

- https  specials images - ຜູ້ນຳອັງກິດຊຸກຍູ້ແນວຄິດລະບົບພາດສະປອດວັກຊີນ ກັບປະເທດມະຫາອຳນາດ ຫວັງຟື້ນການທ່ອງທ່ຽວທົ່ວໂລກ
- AGL banner - ຜູ້ນຳອັງກິດຊຸກຍູ້ແນວຄິດລະບົບພາດສະປອດວັກຊີນ ກັບປະເທດມະຫາອຳນາດ ຫວັງຟື້ນການທ່ອງທ່ຽວທົ່ວໂລກ

ນາຍົກລັດຖະມົນຕີ ບໍຣິສ ຈອນສັນ ຂອງອັງກິດ ສະເໜີແນວຄິດໃຫ້ກຸ່ມປະເທດເສດຖະກິດຊັ້ນນຳ 7 ປະເທດ ຫລື G7 ຊຸກຍູ້ລະບົບສຳລັບພາດສະປອດວັກຊີນ ຕະຫລອດຈົນແຜນຟື້ນຟູການທ່ອງທ່ຽວລະຫວ່າງປະເທດ.

“ເຮົາຈຳເປັນຕ້ອງມີຂໍ້ຕົກລົງໃນບັນຫາຕ່າງໆເຊັ່ນ: ພາດສະປອດວັກຊີນ, ການຮັບຮອງສະຖານະໂຄວິດ-19 ແລະ ສ່ວນທີ່ເຫລືອ” ທ່ານ ຈອນສັນ ໃຫ້ສຳພາດຕໍ່ CBC News ທີ່ອອກອາກາດເມື່ອວັນທີ 30 ພຶດສະພາ 2021.

ຜູ້ນຳອັງກິດ ກ່າວວ່າ: ນອກຈາກຊ່ວຍກະຕຸ້ນອຸດສາຫະກຳທ່ອງທ່ຽວທີ່ຈຳເປັນແລ້ວ, ການຕົກລົງກັນສ້າງລະບົບຂຶ້ນມາຈະຊ່ວຍກຽມພ້ອມຮັບມືຖ້າເກີດພະຍາດລະບາດໃໝ່ທົ່ວໂລກໃນອະນາຄົດ. ນອກຈາກນີ້ ຍັງຊ່ວຍໃຫ້ສາມາດຊື້ຂາຍສິນຄ້າສຳຄັນໄດ້ງ່າຍເຊັ່ນ: ຢາ ແລະ ວັກຊີນ.

ເຖິງຢ່າງໃດກໍຕາມ, ຜູ້ນຳປະເທດ G7 ສຽງແຕກກ່ຽວກັບແນວທາງທີ່ຈະເລີ່ມເປີດຊາຍແດນຮັບການເດີນທາງລະຫວ່າງກັນ ໂດຍອິຕາລີ ແລະ ຝຣັ່ງເຫັນພ້ອມກັບການອະນຸຍາດໃຫ້ຄົນຕ່າງປະເທດ ເຊິ່ງລວມທັງຊາວອາເມລິກາຂ້າມຊາຍແດນມາໄດ້ ເພື່ອຟື້ນຟູອຸດສາຫະກຳທ່ອງທ່ຽວທີ່ສູນເສຍລາຍໄດ້ໄປມະຫາສານໃນຊ່ວງເກີດພະຍາດລະບາດໂຄວິດ-19.

- Wave100S AD to Website 2020 0 - ຜູ້ນຳອັງກິດຊຸກຍູ້ແນວຄິດລະບົບພາດສະປອດວັກຊີນ ກັບປະເທດມະຫາອຳນາດ ຫວັງຟື້ນການທ່ອງທ່ຽວທົ່ວໂລກ

ແຕ່ປະເທດອື່ນໆຍັງມີຄວາມລັງເລທີ່ຈະເປີດການທ່ອງທ່ຽວລະຫວ່າງປະເທດ ໂດຍເຖິງວ່າຍີ່ປຸ່ນຈະເດີນໜ້າຈັດການແຂ່ງຂັນກິລາໂອລິມປິກທ່າມກາງການລະບາດຂອງໂຄວິດ-19 ຮອບໃໝ່, ແຕ່ລັດຖະບານຍັງຫ້າມຄົນຕ່າງປະເທດທົ່ວໄປເດີນທາງມາເບິ່ງການແຂ່ງຂັນກິລາ. ຂະນະທີ່ການາດາ, ເຢຍລະມັນ, ອັງກິດ ແລະ ອາເມລິກາ ຍັງບໍ່ປະກາດແຜນຈະຍົກເລີກມາດຕະການຈຳກັດການເດີນທາງລະຫວ່າງໃນມໍ່ໆນີ້.

ອ້າງອີງ:

- WhatsApp Image 2020 05 27 at 5 - ຜູ້ນຳອັງກິດຊຸກຍູ້ແນວຄິດລະບົບພາດສະປອດວັກຊີນ ກັບປະເທດມະຫາອຳນາດ ຫວັງຟື້ນການທ່ອງທ່ຽວທົ່ວໂລກ
- WhatsApp Image 2020 05 27 at 5 - ຜູ້ນຳອັງກິດຊຸກຍູ້ແນວຄິດລະບົບພາດສະປອດວັກຊີນ ກັບປະເທດມະຫາອຳນາດ ຫວັງຟື້ນການທ່ອງທ່ຽວທົ່ວໂລກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!