ຈີນອະນຸຍາດໃຫ້ປະຊາຊົນມີລູກໄດ້ 3 ຄົນ ຫລັງພົບອັດຕາການເກີດຂອງປະຊາກອນຕໍ່າທີ່ສຸດໃນຮອບຫລາຍສິບປີ

- 960x0 - ຈີນອະນຸຍາດໃຫ້ປະຊາຊົນມີລູກໄດ້ 3 ຄົນ ຫລັງພົບອັດຕາການເກີດຂອງປະຊາກອນຕໍ່າທີ່ສຸດໃນຮອບຫລາຍສິບປີ
- AGL banner - ຈີນອະນຸຍາດໃຫ້ປະຊາຊົນມີລູກໄດ້ 3 ຄົນ ຫລັງພົບອັດຕາການເກີດຂອງປະຊາກອນຕໍ່າທີ່ສຸດໃນຮອບຫລາຍສິບປີ

ສຳນັກຂ່າວຊິນຮົວຂອງຈີນລາຍງານວ່າ: ທາງການຈີນອະນຸຍາດໃຫ້ປະຊາຊົນມີລູກໄດ້ເພີ່ມຂຶ້ນເປັນ 3 ຄົນ ຖືເປັນການສິ້ນສຸດນະໂຍບາຍທີ່ກຳນົດໃຫ້ມີລູກໄດ້ບໍ່ເກີນ 2 ຄົນ ເຊິ່ງໃຊ້ມາແຕ່ປີ 2016. ການປ່ຽນແປງດັ່ງກ່າວໄດ້ຮັບການອະນຸມັດໂດຍປະທານປະເທດ ສີຈິ້ນຜິງ ໃນກອງປະຊຸມຄະນະກຳມະການກົມການເມືອງຂອງພັກກອມມູນິດຈີນ.

ການປ່ຽນແປງນີ້ເກີດຂຶ້ນຫລັງມີການເປີດເຜີຍຜົນການສຳຫລວດສຳມະໂນຄົວຈີນໃນເດືອນນີ້ ເຊິ່ງໄດ້ຜົນອອກມາວ່າ: ປີ 2020 ຜ່ານມາ ຈີນມີເດັກເກີດໃໝ່ປະມານ 12 ລ້ານຄົນ ໜ້ອຍກວ່າຕົວເລກເມື່ອປີ 2016 ເຊິ່ງມີຢູ່ 18 ລ້ານຄົນ ແລະ ເປັນສະຖິິຕິຈຳນວນການເກີດຕໍ່າທີ່ສຸດນັບແຕ່ທົດສະວັດ 1960 ຜົນດັ່ງກ່າວເຮັດໃຫ້ມີການຄາດກະໃນວົງກວ້າງວ່າ: ລັດຖະບານຈີນຈະຜ່ອນຄາຍນະໂຍບາຍກ່ຽວກັບການມີລູກ.

ທາງການຈີນໃຊ້ນະໂຍບາຍ “ລູກຄົນດຽວ” ມາແຕ່ປີ 1979 ນະໂຍບາຍດັ່ງກ່າວມີຜົນຫລຸດການເຕີບໃຫຍ່ຂອງຈຳນວນປະຊາກອນ ແລະ ຜູ້ທີ່ລະເມີດນະໂຍບາຍອາດຕ້ອງຖືກປັບໄໝ, ເລີກຈ້າງ ຫລື ບາງຄັ້ງອາດຜະເຊີນການຖືກບັງຄັບໃຊ້ຢຸດການຖືພາ. ການຍົກເລີກນະໂຍບາຍລູກຄົນດຽວໃນປີ 2016 ນັ້ນອະນຸຍາດໃຫ້ປະຊາຊົນມີລູກໄດ້ເພີ່ມເປັນ 2 ຄົນ, ແຕ່ຍັງບໍ່ສາມາດຈະປ່ຽນທ່າອ່ຽງອັດຕາການເກີດທີ່ຫລຸດລົງໄດ້ ທັງທີ່ເມື່ອມີການໃຊ້ນະໂຍບາຍລູກ 2 ຄົນໃນປີ 2016 ເຮັດໃຫ້ອັດຕາການເກີດຕໍ່ຈຳນວນປະຊາກອນໃນປີດຽວກັນ ແລະ ປີຕໍ່ຈາກນັ້ນສູງກວ່າປີກ່ອນໜ້າ, ແຕ່ຫລັງຈາກນັ້ນອັດຕາການເກີດຕໍ່ຈຳນວນປະຊາກອນກໍຫລຸດຕໍ່າລົງອີກ 4 ປີຕິດຕໍ່ກັນ.

ນອກຈາກນີ້, ການປະກາດຈາກຄະນະກຳມະການກົມການເມືອງຂອງພັກກອມມູນິດຈີນ ຍັງລະບຸວ່າ: ຈະເພີ່ມການໃຫ້ງົບປະມານສຳລັບການຂະຫຍາຍບໍລິການສຳລັບຜູ້ສູງອາຍຸ ແລະ ໃຫ້ຄຳໝັ້ນວ່າຈະປັບປຸງການລາພັກ ແລະ “ປົກປ້ອງສິດທີ່ຖືກຕ້ອງຕາມກົດໝາຍ ແລະ ຜົນປະໂຫຍດຂອງຜູ້ຍິງໃນການຈ້າງງານ” ຕະຫລອດຈົນບອກວ່ານະໂຍບາຍມີລູກບໍ່ເກີນ 3 ຄົນຍັງຈະຊ່ວຍ “ຮັກສາຂໍ້ໄດ້ປຽບຂອງປະເທດຂອງເຮົາໃນດ້ານຄວາມສາມາດຂອງຊັບພະຍາກອນມະນຸດ”.

- Wave100S AD to Website 2020 0 - ຈີນອະນຸຍາດໃຫ້ປະຊາຊົນມີລູກໄດ້ 3 ຄົນ ຫລັງພົບອັດຕາການເກີດຂອງປະຊາກອນຕໍ່າທີ່ສຸດໃນຮອບຫລາຍສິບປີ

ຈາກຂໍ້ມູນຂອງລັດຖະບານຈີນ ໃນປີ 2020 ຈີນມີປະຊາກອນທີ່ມີອາຍຸ 60 ປີຂຶ້ນໄປມີປະມານ 264 ລ້ານຄົນ ຫລື 18,7% ຂອງປະຊາກອນທັງໝົດ ເຊິ່ງຕົວເລກນີ້ຄາດວ່າຈະເພີ່ມຂຶ້ນຫລາຍກວ່າ 300 ລ້ານຄົນ ຫລື ປະມານ 1 ໃນ 5 ຂອງປະຊາກອນພາຍໃນປີ 2025.

ອ້າງອີງ:

- WhatsApp Image 2020 05 27 at 5 - ຈີນອະນຸຍາດໃຫ້ປະຊາຊົນມີລູກໄດ້ 3 ຄົນ ຫລັງພົບອັດຕາການເກີດຂອງປະຊາກອນຕໍ່າທີ່ສຸດໃນຮອບຫລາຍສິບປີ
- WhatsApp Image 2020 05 27 at 5 - ຈີນອະນຸຍາດໃຫ້ປະຊາຊົນມີລູກໄດ້ 3 ຄົນ ຫລັງພົບອັດຕາການເກີດຂອງປະຊາກອນຕໍ່າທີ່ສຸດໃນຮອບຫລາຍສິບປີ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!