OECD ຄາດ ເສດຖະກິດໂລກປີນີ້ ຂະຫຍາຍຕົວ 5,8%

- 112229704 ffa8c400 58d5 4f04 b63f a75a958dbea2 - OECD ຄາດ ເສດຖະກິດໂລກປີນີ້ ຂະຫຍາຍຕົວ 5,8%
- AGL banner - OECD ຄາດ ເສດຖະກິດໂລກປີນີ້ ຂະຫຍາຍຕົວ 5,8%

ອົງການເພື່ອການຮ່ວມມື ແລະ ພັດທະນາທາງເສດຖະກິດ ຫລື OECD ໄດ້ປັບເພີ່ມປະມານການການຂະຫຍາຍຕົວຂອງເສດຖະກິດໂລກປີນີ້ ເປັນ 5,8% ຈາກລະດັບ 5,6% ແລະ ຄາດວ່າ ເສດຖະກິດຈີນຈະເຕີບໃຫຍ່ໃນອັດຕາທີ່ໜ້າຕົກໃຈ ຫລື 8,5% ໃນປີນີ້, ສ່ວນປີໜ້າຈະຂະຫຍາຍຕົວ 5,8%.

OECD ຄາດກະວ່າ: ເສດຖະກິດຂອງປະເທດເຂດໃຊ້ເງິນເອີໂຣຈະເຕີບໃຫຍ່ 4,3% ໃນປີນີ້ ແລະ 4,4% ໃນປີໜ້າ, ສ່ວນປະເທດຕະຫລາດເກີດໃໝ່ທີ່ຍັງເຂົ້າເຖິງວັກຊີນໄດ້ຢ່າງຈຳກັດ ແລະ ລັດຖະບານມີມາດຕະການສະໜັບສະໜູນນັ້ນ ຄາດວ່າ ເສດຖະກິດຈະຟື້ນຕົວປານກາງ.

ພ້ອມກັນນີ້, ຍັງເບິ່ງທ່າອ່ຽງເສດຖະກິດໂລກໃນປີໜ້າສົດໃສກວ່າເກົ່າ, ຄາດກະວ່າຈະຂະຫຍາຍຕົວ 4,4% ຈາກເຄີຍເບິ່ງວ່າຈະເຕີບໃຫຍ່ 4%, ແຕ່ໄດ້ເຕືອນວ່າ: ເສດຖະກິດຈະຟື້ນຕົວຢ່າງສະໝໍ່າສະເໝີ ຂຶ້ນຢູ່ກັບປະສິດທິພາບຂອງມາດຕະການດ້ານສາທາລະນະສຸກ ແລະ ນະໂຍບາຍສະໜັບສະໜູນຕ່າງໆ.

OECD ລະບຸວ່າ: ໂຄງການສັກວັກຊີນທີ່ມີປະສິດທິພາບໃນຫລາຍປະເທດ ເຮັດໃຫ້ຕອນນີ້ທ່າອ່ຽງເສດຖະກິດມີອະນາຄົດ, ມີຄວາມຫວັງຫລາຍກວ່າເກົ່າ ນັບແຕ່ເກີດພະຍາດລະບາດ ແລະ ຕ້ອງການໃຫ້ເລັ່ງການຜະລິດ ແລະ ກະຈາຍວັກຊີນຢ່າງເທົ່າທຽມກັນ ເພາະຍັງມີຄົນອີກຫລາຍລ້ານຄົນທົ່ວໂລກຍັງບໍ່ໄດ້ສັກວັກຊີນ.

- Wave100S AD to Website 2020 0 - OECD ຄາດ ເສດຖະກິດໂລກປີນີ້ ຂະຫຍາຍຕົວ 5,8%

ຕ້ອງການໃຫ້ບັນດາປະເທດຮ່ວມມືກັນເພື່ອຊ່ວຍໃຫ້ປະເທດລາຍໄດ້ໜ້ອຍເຂົ້າເຖິງຊັບພະຍາກອນຈຳເປັນເຊັ່ນ: ອຸປະກອນທາງການແພດ ແລະ ການຊ່ວຍເຫລືອທາງການເງິນ ເພື່ອໃຫ້ຄົນໃນປະເທດໄດ້ສັກວັກຊີນ ແລະ ຕ້ອງປ່ອຍໃຫ້ການຄ້າອຸປະກອນທາງການແພດເປັນໄປຢ່າງອິດສະຫລະແບບໄຮ້ເງື່ອນໄຂ.

ນອກຈາກນີ້, ໄດ້ຮຽກຮ້ອງໃຫ້ລັດຖະບານປະເທດຕ່າງໆ ມີມາດຕະການສະໜັບສະໜູນດ້ານລາຍໄດ້ແກ່ປະຊາຊົນ ແລະ ຂະແໜງທຸລະກິດ ໂດຍປ່ຽນແປງໃຫ້ສອດຄ່ອງກັບຄວາມແຂງແກ່ນຂອງການຟື້ນຕົວຂອງເສດຖະກິດ ແລະ ສະຖານະການດ້ານສຸຂະພາບ.

- WhatsApp Image 2020 05 27 at 5 - OECD ຄາດ ເສດຖະກິດໂລກປີນີ້ ຂະຫຍາຍຕົວ 5,8%
- WhatsApp Image 2020 05 27 at 5 - OECD ຄາດ ເສດຖະກິດໂລກປີນີ້ ຂະຫຍາຍຕົວ 5,8%
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!