ກົມລ້ຽງສັດ ແລະ ການປະມົງ ແຈ້ງການ ຫ້າມນໍາເຂົ້າ-ສົ່ງອອກຊົ່ວຄາວ ສັດໃຫຍ່ ປະເພດງົວ-ຄວາຍ ແລະ ຜະລິດຕະພັນຈາກສັດໃຫຍ່

- ims - ກົມລ້ຽງສັດ ແລະ ການປະມົງ ແຈ້ງການ ຫ້າມນໍາເຂົ້າ-ສົ່ງອອກຊົ່ວຄາວ ສັດໃຫຍ່ ປະເພດງົວ-ຄວາຍ ແລະ ຜະລິດຕະພັນຈາກສັດໃຫຍ່
- AGL banner - ກົມລ້ຽງສັດ ແລະ ການປະມົງ ແຈ້ງການ ຫ້າມນໍາເຂົ້າ-ສົ່ງອອກຊົ່ວຄາວ ສັດໃຫຍ່ ປະເພດງົວ-ຄວາຍ ແລະ ຜະລິດຕະພັນຈາກສັດໃຫຍ່

ວັນທີ 31 ພຶດສະພາ 2021 ນີ້ ກົມລ້ຽງສັດ ແລະ ການປະມົງ ອອກແຈ້ງການເລກທີ 1277/ກລປ ເລື່ອງຫ້າມນໍາເຂົ້າຊົ່ວຄາວສັດໃຫຍ່ ປະເພດງົວ-ຄວາຍ ແລະ ຜະລິດຕະພັນຈາກສັດໃຫຍ່ ເພື່ອສະກັດກັ້ນການແພ່ລະບາດຂອງພະຍາດຜິວຫນັງອັກເສບຕິດຕໍ່ຂອງສັດປະເພດງົວ-ຄວາຍ ເຊິ່ງເກີດຢູ່ໃນຫລາຍປະເທດໃນທົ່ວໂລກ ໂດຍສະເພາະບັນດາປະເທດໃນທະວີບອາຟຣິກາ, ບັນດາປະເທດໃນຕາເວັນອອກກາງ ແລະ ເອີຣົບຕາເວັນອອກ.
ໃນປີ 2020ທີ່ຜ່ານມາ ໄດ້ມີລາຍງານການແຜ່ລະບາດ ຢູ່ ບັນດາປະເທດ ສປ ຈີນ ແລະ ສສ ຫວຽດນາມ, ໃນຕົ້ນປີ 2021 ພະຍາດດັ່ງກ່າວ ໄດ້ມີການແຜ່ລະບາດຢູ່ບັນດາປະເທດໃກ້ຄຽງຂອງພວກເຮົາ, ສໍາລັບ ສປປ ລາວ ໃນທ້າຍເດືອນພຶດສະພາ 2021 ນີ້ ສູນວິໄຈພະຍາດສັດຂອງກົມລ້ຽງສັດ ແລະ ການປະມົງ ໄດ້ກວດພົບເຊື້ອພະຍາດຕິດຕໍ່ດັ່ງກ່າວ ຈາກຕົວຢ່າງທີ່ເກັບມາຈາກງົ ທີ່ສະແດງອາການຟາມລ້ຽງງົວ ເມືອງນາຊາຍທອງ ນະຄອນຫລວງວຽງຈັນ, ສະນັ້ນ, ເພື່ອເປັນການສະກັດກັ້ນ ແລະ ຄວບຄຸມການແພ່ລະບາດ ຂອງພະຍາດດັ່ງກ່າວບໍ່ໃຫ້ອອກໄປສູ່ວົງກວ້າງ ແລະ ຫລຸດຜ່ອນຜົນກະທົບໂດຍກົງ ແລະ ທາງອອ້ມຕໍ່ການລ້ຽງສັດຂອງປະຊາຊົນບັນດາເຜົ່າ ແລະ ຜູ້ປະກອບການໃນທົ່ວ ປະເທດ ຈຶ່ງອອກແຈ້ງການ:
1. ຫ້າມນໍາເຂົ້າ, ສົ່ງອອກ ຫລື ສົ່ງຜ່ານ ຊົ່ວຄາວ ສັດໃຫຍ່ປະເພດງົວ-ຄວາຍ ລະຫວ່າງປະເທດ ກັບ ປະເທດໃກ້ຄຽງຢ່າງເດັດຂາດທັງນີ້ກໍເພື່ອສະກັດກັ້ນ ແລະ ຄວບຄຸມການແພ່ລະບາດຂອງພະຍາດ.
2. ຫ້າມບໍ່ໃຫ້ມີການເຄື່ອນຍ້າຍສັດໃຫຍປະເພດງົວ ແລະ ຄວາຍຊົ່ວຄາວຢູ່ພາຍໃນປະເທດເຊັ່ນ: ການເຄື່ອນຍ້າຍສັດລະຫວ່າງແຂວງຕໍ່ແຂວງ, ລະຫວ່າງເມືອງຕໍ່ເມືອງ ແລະ ລະຫວ່າງບ້ານຕໍ່ບ້ານ, ພາຍໃນກໍານົດເວລາ 30 ວັນ ນັບແຕ່ວັນທີ 31 ພຶດສະພາ ເຖິງ ວັນທີ 30 ມິຖຸນາ 2021.
3. ໃຫ້ຂະແໜງລ້ຽງສັດ ແລະ ການປະມົງແຂວງ ແລະ ນະຄອນຫຼວງວຽງຈັນ ຂໍອະນຸຍາດ ຕັ້ງດ່ານກວດກາການເຄື່ອນຍ້າຍສັດຊົ່ວຄາວ ທັງແຕ່ງຕັ້ງຄະນະຮັບຜິດຊອບພາຍໃນຂະແຫນງລ້ຽງສັດ ແລະ ການປະມົງຂອງແຂວງ ແລະ ນະຄອນຫຼວງວຽງຈັນເພື່ອຕິດຕາມ ກວດກາເວນຍາມຄວບຄຸມການເຄື່ອນຍ້າຍສັດໃຫຍ່ເຂົ້າ ແລະ ອອກແຂວງ ຈົນກວ່າສະພາບການລະບາດຂອງພະຍາດດັ່ງກ່າວຫລຸດລົງ.
4. ໃຫ້ຂະແຫນງລ້ຽງສັດ ແລະ ການປະມົງແຂວງ ແລະ ນະຄອນຫຼວງວຽງຈັນ ຊີ້ນໍາໃຫ້ ຄະນະຮັບຜິດຊອບທີ່ແຕ່ງຕັ້ງຂຶ້ນຕາມຂໍ້ 3, ເຮັດການຈັດຕັ້ງການໂຄສະນາເຜີຍແຜ່ ແລະ ໃຫ້ຄວາມຮູ້ແກ່ຊາວກະສິກອນ, ຜູ້ປະກອບການໃຫ້ເຂົ້າໃຈກ່ຽວກັບບັນຫາ ແລະ ຄວາມອັນຕະລາຍຂອງພະຍາດ, ວິທີການປ້ອງກັນລວມທັງ ດໍາເນີນການກໍາຈັດແມງວັນ, ເຫລືອກ, ເຫັບ, ຍຸງ ແລະ ອະນາໄມຂ້າເຊື້ອທີ່ຢູ່ອາໄສຂອງສັດໃຫ້ທົ່ວເຖິງ.
5. ໃຫ້ຂະແຫນງລ້ຽງສັດ ແລະ ການປະມົງແຂວງ ແລະ ນະຄອນຫຼວງວຽງຈັນ ຊີ້ນໍາໃຫ້ ບັນດາດ່ານກວດກາສັດຕະວະແພດສາກົນ, ທ້ອງຖິ່ນ ແລະ ປະເພນີ ທີ່ຂຶ້ນກັບຕົນໃຫ້ ເອົາໃຈໃສ່ເປັນພິເສດ ໃນການເກືອດຫ້າມການນໍາເຂົ້າ, ສົ່ງອອກ, ສົ່ງຜ່ານສັດໃຫຍ່ ແລະ ຜະລິດຕະພັນສັດໃຫຍ່ ຜ່ານດ່ານດັ່ງກ່າວ ຢ່າງເຂັ້ມງວດ.
6. ເມື່ອໄດ້ຮັບແຈ້ງການສະບັບນີ້ແລ້ວໃຫ້ຂະແໜງລ້ຽງສັດ ແລະ ການປະມົງແຂວງ ແລະ ນະຄອນຫຼວງວຽງຈັນຮີບຮ້ອນຈັດຕັ້ງປະຕິບັດດ້ວຍຄວາມຮັບຜິດຊອບສູງ.

- Wave100S AD to Website 2020 0 - ກົມລ້ຽງສັດ ແລະ ການປະມົງ ແຈ້ງການ ຫ້າມນໍາເຂົ້າ-ສົ່ງອອກຊົ່ວຄາວ ສັດໃຫຍ່ ປະເພດງົວ-ຄວາຍ ແລະ ຜະລິດຕະພັນຈາກສັດໃຫຍ່
- WhatsApp Image 2020 05 27 at 5 - ກົມລ້ຽງສັດ ແລະ ການປະມົງ ແຈ້ງການ ຫ້າມນໍາເຂົ້າ-ສົ່ງອອກຊົ່ວຄາວ ສັດໃຫຍ່ ປະເພດງົວ-ຄວາຍ ແລະ ຜະລິດຕະພັນຈາກສັດໃຫຍ່
- WhatsApp Image 2020 05 27 at 5 - ກົມລ້ຽງສັດ ແລະ ການປະມົງ ແຈ້ງການ ຫ້າມນໍາເຂົ້າ-ສົ່ງອອກຊົ່ວຄາວ ສັດໃຫຍ່ ປະເພດງົວ-ຄວາຍ ແລະ ຜະລິດຕະພັນຈາກສັດໃຫຍ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!