ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19

ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19 - 20150531090432 - ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19
ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19 - AGL banner - ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19

ໂດຍ: ທິດກໍ່າ
ເວົ້າໄດ້ວ່າ, ປີນີ້ເປັນປີທີສາມທີ່ເຊື້ອພະຍາດໂຄວິດ-19 ຍັງສືບຕໍ່ແຜ່ລະບາດໃນປະເທດຂອງພວກເຮົາ. ໃນສອງປີທີ່ຜ່ານມານັ້ນ ຖືວ່າບາງໄລຍະກໍຈົນເຖິງຂັ້ນປິດການຮຽນ-ການສອນຂອງຄູ-ອາຈານ ແລະ ນັກຮຽນເປັນເວລາຫລາຍອາທິດ. ພໍຕົກມາປີນີ້ ການລະບາດຂອງເຊື້ອພະຍາດດັ່ງກ່າວຍິ່ງເພີ່ມທະວີ ແລະ ມີລັກສະນະຮຸນແຮງຂຶ້ນເລື້ອຍໆ. ຈາກສະຖິຕິທີ່ສະແດງໃຫ້ເຫັນໃນສອງປີຜ່ານມານັ້ນ ມີຄົນຕິດເຊື້ອບໍ່ພໍຮອດຫລັກຮ້ອຍ, ແຕ່ຕົກມາຮອດປັດຈຸບັນໄດ້ມີຄົນຕິດເຊື້ອໄປແລ້ວຫລາຍກວ່າພັນຄົນ ໃນນີ້ກໍມີຜູ້ເສຍຊີວິດຍ້ອນ 3 ຄົນໄປແລ້ວ. ໃນຂັ້ນຕໍ່ໄປຄິດວ່າຖ້າພວກເຮົາບໍ່ພ້ອມກັນຕ້ານ, ສະກັດກັ້ນ, ຄວບຄຸມ ແລະ ແກ້ໄຂການລະບາດຂອງເຊື້ອພະຍາດນີ້ຢ່າງເດັດຂາດຈິງຈັງມັນກໍຈະຄ່ອຍສັງຫານຄົນລາວໄປທີ່ລະເລັກລະໜ້ອຍ ທັງກົດໜ່ວງຄວາມຈະເລີນຂອງຊາດບ້ານເມືອງໄປຕະຫລອດການ. ອັນສາເຫດກໍຍ້ອນວ່າພະຍາດໂຄວິດ-19 ມັນບໍ່ໄດ້ໜີຈາກພວກເຮົາຢ່າງງ່າຍດາຍ, ຊໍ້າບໍ່ໜຳ ມັນຍັງເກີດມີສາຍພັນໃໝ່ມາຕະຫລອດ ດັ່ງສາຍພັນອັງກິດ ແລະ ສາຍພັນອິນເດຍທີ່ຫາກໍປາກົດມີມາໃນປີ 2021 ນີ້ເອງ. ສະຫລຸບແລ້ວ ໂລກຂອງເຮົາມີການພັດທະນາໄປຫລາຍສໍ່າໃດ ພະຍາດບາດເຍົາມັນກໍກັບເກີດມີມາທຳລາຍຊີວິດອິນຊີຂອງຄົນເຮົາຫລາຍຊໍ່ານັ້ນ.
ຕໍ່ສະພາບການທີ່ເກີດຂຶ້ນຄືແນວນີ້ ສິ່ງທີ່ໜ້າເປັນຫ່ວງອີກຢ່າງໜຶ່ງກໍຄືອະນາຄົດຂອງລູກຫລານເຮົາໄດ້ຫ່າງເຫີນຕໍ່ການສຶກສາ ເປັນຕົ້ນໃນການຮຽນ-ການສອນຂອງຄູ-ອາຈານ ແລະ ນັກຮຽນ. ໃນຜ່ານມາເຖິງວ່າມີການຮຽນ-ການສອນທາງອອນລາຍ ແຕ່ມັນກໍພໍໄດ້ແຕ່ຮູບການ ມັນບໍ່ມີຄຸນນະພາບ ເພາະອາໄສຜູ້ປົກຄອງເດັກເປັນຜູ້ແນະນຳສິດສອນ ມັນກໍມີຂອບເຂດຈຳກັດ, ບາງຄັ້ງກໍບໍ່ມີເວລາ ວົນນຳການໄປຊອກຢູ່ຫາກິນ, ຈຳເປັນໃນບາງມື້ກໍໃຫ້ລູກຮໍ່າຮຽນຂຽນອ່ານເອົາເອງ, ຍິ່ງໄປກວ່ານັ້ນ ໃນໂອກາດສະເຫລີມສະຫລອງວັນເດັກສາກົນຄືປີນີ້ ກໍບໍ່ມີໂອກາດໄດ້ຮ່ວມກັນສະແດງສິລະປະວັນນະຄະດີຂອງຫລານນ້ອຍ, ເດັກບໍ່ໄດ້ມີການພົບປະສັງສັນເພື່ອສຳຜັດກັບບັນຍາກາດຂອງວັນທີ 1 ມິຖຸນາ ອັນເປັນວັນສຳຄັນຂອງລູກຫລານເຮົາ.
ເຖິງຢ່າງໃດກໍດີ, ສະເພາະປີນີ້ ທ້ອງຖິ່ນໃດ ຫລື ຄອບຄົວໃດທີ່ມີເງື່ອນໄຂສະຫລອງວັນເດັກນ້ອຍສາກົນໃຫ້ລູກຫລານຂອງຕົນກໍໃຫ້ພາກັນມີສະຕິລະວັງຕົວຕໍ່ການແຜ່ລະບາດຂອງພະຍາດໂຄວິດ-19 ຫລື ດີແທ້ກໍບໍ່ຄວນຈັດ. ຖ້າເຮັດກໍໃຫ້ຢູ່ພາຍໃນຄອບຄົວເຮືອນຊານດ້ວຍຮູບການຊື້ຂອງຂວັນ, ຊື້ອາຫານໃຫ້ລູກຫລານໄດ້ກິນໄດ້ດື່ມພໍເປັນການລະນຶກເຖ້າເຮັດກໍໃຫ້ຢູ່ພາຍໃນຄອບຄົວເຮືອນຊານດ້ວຍຮູບການຊື້ຂອງຂວັນ, ຊື້ອາຫານໃຫ້ລູກຫລານໄດ້ກິນໄດ້ດື່ມພໍເປັນການລະນຶກເຖິງວັນເດັກນ້ອຍສາກົນນັ້ນຄືວັນທີ່ມີຄວາມໝາຍສຳຄັນສຳລັບຫລານນ້ອຍເຍົາວະຊົນອັນຈະເປັນຊັບພະຍາກອນອັນປະເສີດຂອງຊາດ. ສ່ວນວ່າທ້ອງຖິ່ນໃດ, ບ້ານໃດ, ເມືອງ, ແຂວງໃດຍັງເປັນເຂດແດງ, ເຂດເຫລືອງກໍໃຫ້ພາກັນອົດທົນຢ່າຈັດກິດຈະກຳສະຫລອງວັນເດັກສາກົນຢ່າງເດັດຂາດ ເພາະອາດຈະນຳເອົາເຊື້ອພະຍາດມາສູ່ລູກຫລານເຮົາທີ່ພວມແຕກໜໍ່ຈໍ່ແໜງເປັນຊັບສົມບັດອັນປະເສີດຂອງຊາດໃນອະນາຄົດ.

ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19 - Wave100S AD to Website 2020 0 - ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19
ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19 - lattana banner - ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19
ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19 -    AD conten website - ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19
ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19 - lattana banner 1 - ວັນເດັກສາກົນ ຜ່ານມາ ບໍ່ມີການສະຫລອງ ເພາະຕ້ອງເຂັ້ມງວດມາດຕະການຕ້ານໂຄວິດ-19
error: Alert: ເນື້ອຫາຂ່າວມີລິຂະສິດ !!