ທາງການ, ໂຣມາ ແຕ່ງຕັ້ງ ຕ໊ອດຕີ ເປັນຜູ້ອຳນວຍການສະໂມສອນເປັນທີ່ຮຽບຮ້ອຍແລ້ວ

ຟຣານເຊສໂກ ຕ໊ອດຕີ ຕຳ ນານກອງໜ້າ ອາແອສ ໂຣມາ ໄດ້ຮັບແຕ່ງຕັ້ງເປັນຜູ້ອຳນວຍ ການຂອງສະໂມສອນຮຽບຮ້ອຍແລ້ວ.
ຕ໊ອດຕີ ຕັດສິນໃຈແຍກທາງ ກັບ ໂຣມາ ຫຼັງຈົບລະດູການຜ່ານ ມາ ເຊິ່ງຕອນທຳອິດລືກັນວ່າຈະ ບໍ່ອຳລາວົງການ ແລ້ວໄປຫຼິ້ນກັບ ທີມໃດໜຶ່ງ ແຕ່ສຸດທ້າຍ ລາວຕັດ ສິນໃຈມາຮັບວຽກຜູ້ບໍລິຫານກັບທີມທີ່ຢູ່ນຳມາຕະຫຼອດອາຊີບ ການຫຼິ້ນ.
ທັງນີ້ ຕ໊ອດຕີ ຍອມຮັບວ່າ ລາວເອງຄົງຕ້ອງໃຊ້ເວລາຈັກ ໜ່ອຍເພື່ອເຮັດຄວາມເຂົ້າໃຈກັບ ບົດບາດຄັ້ງນີ້ວ່າ: “ເລື່ອງລາວ ບົດບາດທຳອິດຂອງຊີວິດຂອງ ຂ້ອຍໃນການເປັນນັກເຕະມັນຈົບລົງ ແລ້ວ ແລະ ຕອນນີ້ເລື່ອງລາວ ບົດບາດທີສອງມັນກໍເລີ່ມຂຶ້ນໃນ ຖານະຜູ້ອຳນວຍການ ຂ້ອຍຫວັງ ວ່າຂ້ອຍເອງຈະເຮັດໄດ້ດີຄືຕອນຫຼິ້ນໃນສະໜາມ ຕອນນັ້ນມັນເປັນ ການເລີ່ມຕົ້ນເລື່ອງລາວໃໝ່ ແລະ ການເດີນທາງຄັ້ງໃໝ່ ມັນຈະໃຊ້ ເວລາຈັກໜ່ອຍ ຂ້ອຍຕ້ອງຄ່ອຍໆ ເຮັດໄປທີ່ລະຂັ້ນເພື່ອເຮັດຄວາມ ເຂົ້າໃຈກັບບົດບາດທີ່ເໝາະສົມ ກັບຂ້ອຍຫຼາຍ ແລະ ຂ້ອຍຈະພະ ຍາຍາມຊ່ວຍທຸກດ້ານ ຕັ້ງແຕ່ທີມ ເຍົາວະຊົນຈົນເຖິງທ່ານປະທານ ຂ້ອຍເອງກໍຍັງບໍ່ຮູ້ວ່າມັນຈະຕ້ອງໃຊ້ເວລາດົນພຽງໃດ ຕອນນີ້ ຂ້ອຍຢາກເປັນທຸກຢ່າງ ແລະ ເປັນຄົນ ທີ່ສຳຄັນສຳລັບ ໂຣມາ ຂ້ອຍຄິດວ່າອະນາຄົດຂອງຂ້ອຍ ຈະງົດງາມ ຂ້ອຍຈະເລືອກບົດ ບາດທີ່ເໝາະສົມສຳລັບຂ້ອຍ ການເຮັດວຽກກັບ ດິຟຣານໂຊສ ໂກ ນັ້ນ ຂ້ອຍມີຄວາມສຳພັນທີ່ດີ ເດັ່ນກັບລາວຢູ່ແລ້ວ” ຕ໊ອດຕີ ກ່າວ.

error: Alert: Content is protected !!