ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ

ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ - 8485 - ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ
ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ - AGL banner - ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ
ທ່ານ ໂຫຼຍ ໄຊເມືອງນາມ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງຫຼວງນໍ້າທາ ກ່າວວ່າ: ແຂວງຫຼວງນໍ້າທາໄດ້ຮັບຜົນກະທົບຢ່າງໜັກໜ່ວງໃນໄລຍະມີການລະບາດຂອງພະຍາດໂຄວິດ ບໍ່ຕ່າງຫຍັງກັບແຂວງອື່ນໆໃນທົ່ວປະເທດ ໃນໄລຍະເກືອບສອງປີມານີ້, ເຮັດໃຫ້ນັກທ່ອງທ່ຽວຫຼຸດລົງ 70-80% ໂດຍສະເພາະນັກທ່ອງທ່ຽວຈາກ ສປ ຈີນ, ປັດຈຸບັນມີແຕ່ນັກທ່ອງທ່ຽວພາຍໃນຈໍານວນໜ້ອຍໜຶ່ງເທົ່ານັ້ນ, ໂຮງແຮມ, ເຮືອນພັກ, ກິດຈະການບໍລິການອື່ນໆ ທີ່ປິ່ນອ້ອມການທ່ອງທ່ຽວຈໍານວນບໍ່ໜ້ອຍຢຸດກິດຈະການ.
ໃນຂະນະທີ່ 5 ປີກ່ອນນີ້, ມີນັກທ່ອງທ່ຽວຜ່ານ ແລະ ເຂົ້າມາຢ້ຽມຢາມແຂວງຫຼວງນໍ້າທາທັງໝົດ 3.296.569 ເທື່ອຄົນ, ໃນນີ້ນັກທ່ອງທ່ຽວສາກົນ 85.775 ເທື່ອຄົນ, ນັກທ່ອງທ່ຽວລາວ 20.620 ເທື່ອຄົນ, ນັກທ່ອງທ່ຽວຈີນ 1.213.993 ເທື່ອຄົນ, ນັກທ່ອງທ່ຽວຊາຍແດນລາວ 855.537 ເທື່ອຄົນ ແລະ ນັກທ່ອງທ່ຽວຊາຍແດນຈີນ 1.120.644 ເທື່ອຄົນ, ນັກທ່ອງທ່ຽວພັກແຮມທັງໝົດ 370.002 ເທື່ອຄົນ, ນັກທ່ອງທ່ຽວສາກົນ 39.813 ເທື່ອຄົນ, ນັກທ່ອງທ່ຽວລາວ 224.452 ເທື່ອຄົນ ແລະ ນັກທ່ອງທ່ຽວຈີນ 107.737 ເທື່ອຄົນ, ນັກທ່ອງທ່ຽວໃຊ້ບໍລິການຜ່ານໜ່ວຍບໍລິການ, ສາຂາ ແລະ ບໍລິສັດທ່ອງທ່ຽວທັງໝົດ 42.652 ເທື່ອຄົນ, ສາມາດສ້າງລາຍຮັບທາງກົງ-ທາງອ້ອມໃຫ້ແຂວງໄດ້ 132.292.533 ໂດລາ.
ເຖິງແນວໃດໃກກໍຕາມ ແຂວງຫຼວງນໍ້າທາໄດ້ຖືເອົາກາລະໂອກາດນີ້, ກະກຽມຄວາມພ້ອມເພື່ອປະຕິບັດແຜນຍຸດທະສາດພັດທະນາການທ່ອງທ່ຽວໃຫ້ດີຂຶ້ນ. ສືບຕໍ່ພົວພັນ ແລະ ຮ່ວມມືວຽກງານການທ່ອງທ່ຽວກັບພາຍໃນ, ບັນດາແຂວງ, ປະເທດໃກ້ຄຽງ, ອົງການຈັດຕັ້ງສາກົນເພື່ອຍາດແຍ່ງການຮ່ວມມື ແລະ ທຶນຮອນເຂົ້າໃນການພັດທະນາການທ່ອງທ່ຽວ. ສ້າງແຜນຍຸດທະສາດການພັດທະນາ ແລະ ສົ່ງເສີມການທ່ອງທ່ຽວ 5 ປີ (2021-2025) ຂອງເມືອງ ແລະ ແຂວງໃຫ້ໄດ້, ແຜນພັດທະນາສົ່ງເສີມ ແລະ ຄຸ້ມຄອງຈຸດໝາຍປາຍທາງການທ່ອງທ່ຽວ (DMP) 5 ປີ ( 2021-2025) ສົ່ງເສີມ ແລະ ພັດທະນາແຫຼ່ງທ່ອງທ່ຽວທາງທໍາມະຊາດ, ວັດທະນະທໍາ – ປະຫວັດສາດໃຫ້ໄດ້ 5 ແຫ່ງ ແລະ ໃຫ້ໄດ້ເປີດບໍລິການ 3 ແຫ່ງ. ສ້າງຄວາມເຂັ້ມແຂງໃຫ້ບຸກຄະລາກອນໃນຂະແໜງການທ່ອງທ່ຽວທັງພາກລັດ, ຜູ້ປະກອບການທຸລະກິດ ແລະ ປະຊາຊົນຜູ້ທີ່ມີສ່ວນຮ່ວມກັບວຽກງານການທ່ອງທ່ຽວດ້ວຍການຝຶກອົບຮົມ, ຍົກລະດັບຄວາມຮູ້ດ້ານວິຊາສະເພາະໃນຫົວຂໍ້ການພັດທະນາ-ສົ່ງເສີມການ ທ່ອງທ່ຽວຢູ່ພາຍໃນ. ເປີດໂອກາດໃຫ້ຫົວໜ່ວຍທຸລະກິດໂຮງແຮມ, ເຮືອນພັກ, ຜູ້ປະກອບການທ່ອງທ່ຽວ ແລະ ທຸລະກິດປິ່ນອ້ອມໄດ້ປັບປຸງຕົນເອງ, ມີມາດຕະການສໍາລັບນັກທ່ອງທ່ຽວເຂົ້າ-ອອກ, ໃນການກິນຢູ່-ພັກເຊົາ ຖືກຕ້ອງຕາມມາດຕະການປ້ອງກັນພະຍາດໂຄວິດທີ່ຄະນະສະເພາະກິດວາງອອກຢ່າງເຂັ້ມງວດ.
ປັດຈຸບັນແຂວງຫຼວງນໍ້າທາມີຫົວໜ່ວຍທຸລະກິດທ່ອງທ່ຽວທັງໝົດ 313 ຫົວໜ່ວຍ ໃນນີ້ (ເມືອງຄຸ້ມຄອງ 273 ຫົວໜ່ວຍ, ມີບໍລິສັດ, ສາຂາບໍລິສັດທ່ອງທ່ຽວ 9 ຫົວໜ່ວຍ, ໜ່ວຍບໍລິການນໍາທ່ຽວ 20 ຫົວໜ່ວຍ, ໂຮງແຮມ, ຣີສອດ 11 ຫົວໜ່ວຍ, ເຮືອນພັກ 98 ຫົວໜ່ວຍ, ພັດຕະຄານ, ຮ້ານອາຫານ, ສວນອາຫານ 89 ຫົວໜ່ວຍ, ຮ້ານບັນເທີງ 9 ຫົວໜ່ວຍ, ຮ້ານກິນດື່ມ 77 ຫົວໜ່ວຍ.
ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ - lattana banner - ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ
ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ -    AD conten website - ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ
ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ - lattana banner 1 - ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ
ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ - Wave100S AD to Website 2020 0 - ແຂວງຫຼວງນໍ້າທາ ຈະພັດທະນາແຫຼ່ງທ່ອງທ່ຽວໃຫ້ດີຂຶ້ນ ຫາກການລະບາດຂອງພະຍາດໂຄວິດຫຼຸດລົງ
error: Alert: ເນື້ອຫາຂ່າວມີລິຂະສິດ !!