ປະທານສະພາແຫ່ງຊາດເນັ້ນໃຫ້ເກັບຂໍ້ມູນຜູ້ໄດ້ຮັບຜົນກະທົບຈາກໂຄງການກໍ່ສ້າງເສັ້ນທາງລົດໄຟລາວ-ຈີນລະອຽດ

- advert banner 728 90 728x90 - ປະທານສະພາແຫ່ງຊາດເນັ້ນໃຫ້ເກັບຂໍ້ມູນຜູ້ໄດ້ຮັບຜົນກະທົບຈາກໂຄງການກໍ່ສ້າງເສັ້ນທາງລົດໄຟລາວ-ຈີນລະອຽດ

- PD 1 1024x575 - ປະທານສະພາແຫ່ງຊາດເນັ້ນໃຫ້ເກັບຂໍ້ມູນຜູ້ໄດ້ຮັບຜົນກະທົບຈາກໂຄງການກໍ່ສ້າງເສັ້ນທາງລົດໄຟລາວ-ຈີນລະອຽດ

- new3 - ປະທານສະພາແຫ່ງຊາດເນັ້ນໃຫ້ເກັບຂໍ້ມູນຜູ້ໄດ້ຮັບຜົນກະທົບຈາກໂຄງການກໍ່ສ້າງເສັ້ນທາງລົດໄຟລາວ-ຈີນລະອຽດ

ເມື່ອບໍ່ດົນມານີ້, ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມດ້ວຍບັນດາຮອງລັດຖະມົນຕີກະຊວງຕ່າງໆ ແລະ ພະນັກງານກ່ຽວຂ້ອງໄດ້ລົງຕິດຕາມກວດກາຜົນກະທົບຕົວຈິງຈາກໂຄງການກໍ່ສ້າງທາງລົດໄຟລາວ-ຈີນຢູ່ຈຸດເຂດເມືອງວັງວຽງແຂວງວຽງຈັນ ແລະ ໄດ້ຮັບຟັງລາຍງານຈາກຫົວໜ້າຄະນະປະສານງານໄກ່ເກ່ຍສິ່ງກີດຂວາງ ແລະ ປ້ອງກັນຄວາມສະຫງົບຂອງ ໂຄງການຂັ້ນແຂວງວຽງຈັນ ວ່າ: ສະເພາະເສັ້ນສ້າງທາງລົດໄຟລາວ-ຈີນ ຈະຜ່ານແຂວງວຽງຈັນມີຄວາມຍາວ 143 ກິໂລແມັດ, ຜ່ານ 4 ເມືອງ, 63 ບ້ານ ຄື: ເມືອງກາສີ 9 ບ້ານ, ເມືອງວັງວຽງ 20 ບ້ານ, ເມືອງຫີນເຫີບ 11 ບ້ານ ແລະ ເມືອງໂພນໂຮງ 23 ບ້ານ. ປັດຈຸບັນສາມາດມອບພື້ນທີ່ເປັນປ່າ, ນາ, ຄັງ, ລ້ຽງສັດ ແລະ ສວນ ໃຫ້ໂຄງການແລ້ວຫລາຍກວ່າ 52 ກິໂລແມັດ ແລະເປັນເຂດອຸມົງທີ່ໂຄງການກໍ່ສ້າງໄດ້ຫລາຍກວ່າ 33 ກິໂລແມັດເທົ່າກັບ 59% ຂອງໄລຍະທາງທັງໝົດ ແລະ ຍັງປະມານ 58 ກິໂລແມັດທີ່ບໍ່ທັນມອບ, ເຊິ່ງເປັນເຂດຊຸມຊົນທີ່ຢູ່ອາໄສຂອງປະຊາຊົນ, ດິນບຸກຄົນທີ່ຍັງບໍ່ອະນຸຍາດໃຫ້ ແລະ ເປັນປ່າ, ນາ, ຄັງລ້ຽງສັດ ແລະ ສວນໄມ້ອຸດສາຫະກຳຈຳນວນໜຶ່ງ.

ສຳລັບການຊົດເຊີຍແມ່ນປະຕິບັດຕາມດຳລັດສະບັບເລກທີ 84/ລບ, ລົງວັນທີ 5/4/2016 ແລະ ຂໍ້ມູນການຊົດເຊີຍຂອງໂຄງການຕ່າງໆທີ່ໄດ້ປະຕິບັດຜ່ານມາບວກກັບລາຄາການແລກປ່ຽນກຳມະສິດທີ່ດິນຢູ່ແຕ່ລະເມືອງ, ແຕ່ລະເຂດ ແລະ ການຈັດສັນປະເພດທີ່ດິນເປັນບ່ອນອີງໃນການກຳນົດ. ມາຮອດປັດຈຸບັນ, ແຂວງວຽງຈັນໄດ້ສຳເລັດການກຳນົດລາຄາຊົດເຊີຍ ແລະ ສົ່ງໃຫ້ຄະນະຄຸ້ມຄອງທາງລົດໄຟລາວ-ຈີນສັງລວມເພື່ອກຽມຜ່ານການນຳກະຊວງໂຍທາທິການ ແລະ ຂົນສົ່ງ.

- lattana 1 - ປະທານສະພາແຫ່ງຊາດເນັ້ນໃຫ້ເກັບຂໍ້ມູນຜູ້ໄດ້ຮັບຜົນກະທົບຈາກໂຄງການກໍ່ສ້າງເສັ້ນທາງລົດໄຟລາວ-ຈີນລະອຽດ

ໂອກາດນີ້, ທ່ານນາງ ປານີ ຢາທໍ່ຕູ້ ໄດ້ໂອ້ລົມໃຫ້ທິດຊີ້ນຳຕໍ່ການຈັດຕັ້ງປະຕິບັດໂຄງການຫລາຍບັນຫາ, ຊຶ່ງກ່ອນອື່ນໄດ້ສະແດງຄວາມຍ້ອງຍໍຊົມເຊີຍຕໍ່ຄວາມເອົາໃຈໃສ່ຂອງອຳນາດການປົກຄອງ ແລະ ນ້ຳໃຈເສຍສະຫລະຂອງປະຊາຊົນເພື່ອເຮັດໃຫ້ໂຄງການດັ່ງກ່າວດຳເນີນໄປໄດ້ດ້ວຍດີ, ພ້ອມທັງເນັ້ນໃຫ້ພາກສ່ວນກ່ຽວຂ້ອງສືບຕໍ່ເກັບກຳຂໍ້ມູນຜູ້ທີ່ຖືກຜົນກະທົບໃຫ້ລະອຽດຈະແຈ້ງຊັດເຈນທີ່ສຸດ, ການຊົດເຊີຍຕ້ອງເອົາລາຄາເປັນກາງ ແລະ ຕ້ອງນຳເອົາດຳລັດຂອງນາຍົກລັດຖະມົນຕີສະບັບເລກທີ 84 ລົງເຜີຍແຜ່ໃຫ້ພະນັກງານ-ລັດຖະກອນ ຕະຫລອດຮອດປະຊາຊົນໄດ້ຮັບຮູ້ ແລະ ເຂົ້າໃຈ ເພື່ອນຳໄປຈັດຕັ້ງປະຕິບັດ ເພື່ອໃຫ້ຮັບປະກັນຜົນປະໂຫຍດອັນຊອບທໍາຂອງປະຊາຊົນ, ສະເໝີພາບ, ຍຸຕິທໍາ ຖືກຕ້ອງໂປ່ງໃສ ແລະ ປະສານສົມທົບຢ່າງໃກ້ຊິດລະຫວ່າງເຈົ້າຂອງໂຄງການ ແລະ ປະຊາຊົນຜູ້ໄດ້ຮັບຜົນກະທົບ ເພື່ອໃຫ້ວຽກງານການໄກ່ເກ່ຍສິ່ງກີດຂວາງ, ການເວນຄືນທີ່ດິນ ແລະ ຊັບສິນສໍາເລັດທັນເວລາ.

error: Content is protected !!