ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ

ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ -                             - ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ
ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ - AGL banner - ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ

ໂດຍ: ທິດກໍ່າ
ເພື່ອສືບຕໍ່ປະຕິບັດມາດຕະການລັອກດາວຕ້ານໂຄວິດ-19 ໄປເພີ່ມຕື່ມອີກຈາກວັນທີ 5 ຫາວັນທີ 19 ມິຖຸນາ 2021. ທັງນີ້ ກໍເພື່ອໃຫ້ຈຳນວນຜູ້ຕິດເຊື້ອໃໝ່ນັບມື້ຫລຸດລົງໃຫ້ເຫລືອໜ້ອຍທີ່ສຸດ ຈົນກ້າວໄປເຖິງສູນຄົນ ຫລື ຖ້າຈະເອີ້ນກັນຢ່າງໜຶ່ງກໍແມ່ນປອດຄົນຕິດເຊື້ອໂຄວິດໃນປະເທດລາວ. ຕໍ່ຄາດໝາຍນີ້ແມ່ນຄວາມຫວັງອັນຍິ່ງໃຫຍ່ຂອງຊາດ, ຂອງພັກ ແລະ ຂອງລັດຖະບານໃນການເຮັດສົງຄາມຕ້ານໂຄວິດ-19 ໃນຮອບໃໝ່ຢ່າງເດັດຂາດຈິງຈັງ ແລະ ເຂັ້ມງວດ.
ອີກປະການໜຶ່ງ ກໍຖືເອົາການເລັ່ງສັກຢາວັກຊີນໄປຄຽງຄູ່ກັບບັນດາມາດຕະການຕ່າງໆທີ່ເຄີຍຈັດຕັ້ງປະຕິບັດໃນໄລຍະຜ່ານມາໃຫ້ມີຜົນສັກສິດ ແລະ ເຂັ້ມງວດກວ່າເກົ່າ. ຕົວຢ່າງກຳນົດເປັນເຂດແດງ, ເຂດເຫລືອງ, ເຂດສີຂຽວ, ກຳນົດຂໍ້ຫ້າມ, ຂໍ້ຍົກເວັ້ນ ແລະ ມາດຕະການຜ່ອນຜັນໃຫ້ສອດຄ່ອງກັບສະພາບຕົວຈິງຂອງແຕ່ລະທ້ອງຖິ່ນເຂດແຂວງ. ທັງໝົດທີ່ກ່າວມານີ້ເອີ້ນວ່າ ເຮັດຕາມປ່ອງລ່ອງຕາມແປວໃນການວາງຍຸດທະສາດຕ້ານໂຄວິດ-19 ຂອງພັກ ແລະ ລັດຖະບານເຮົາໃຫ້ມີໝາກຜົນ ແລະ ໄດ້ຮັບໄຊຊະນະຢ່າງໃຫຍ່ຫລວງໃນຄັ້ງນີ້.
ຈາກຜົນການຈັດຕັ້ງປະຕິບັດ ມາຮອດປັດຈຸບັນໝາກຜົນທີ່ໄດ້ຮັບ ແລະ ສິ່ງທີ່ພາກພູມໃຈທີ່ສຸດ ຄືທ່າອ່ຽງຂອງຈຳນວນຜູ້ຕິດເຊື້ອໄດ້ຫລຸດລົງຢ່າງຊັດເຈນ. ຕົວຢ່າງໃນອາທິດທີ່ຜ່ານມາແມ່ນບໍ່ເຖິງ ມີພຽງ 5-6 ຄົນໂດຍສະເລ່ຍຕໍ່ວັນເປັນປົກກະຕິ ຄາດວ່າທຸກສິ່ງຢ່າງຖ້າພວກເຮົາຄຸມໄດ້ແຕ່ໄລຍະນີ້ເປັນຕົ້ນໄປຈົນໝົດປີ 2021 ພະຍາດໂຄວິດ-19 ອາດຫາຍຂາດໄປຈາກສັງຄົມລາວ ປະເທດລາວຢ່າງແນ່ນອນ.
ແນວໃດກໍຕາມ, ສິ່ງທີ່ພວກເຮົາເປັນຫ່ວງນັ້ນ ກໍຄືແຮງງານລາວທີ່ຢູ່ປະເທດເພື່ອນບ້ານໄດ້ນຳເຂົ້າມາແບບຖືກກົດໝາຍ ແລະ ຜິດກົດໝາຍ ເຊັ່ນລັກຂ້າມຊາຍແດນນຳເອົາເຊື້ອພະຍາດມາສູ່ປະເທດຊາດແບບບໍ່ສຸດບໍ່ສ້ຽງ ດັ່ງເຮົາເຫັນຢູ່ທຸກວັນນີ້. ອັນສອງມາກໍແມ່ນພວກຂາເລາະທີ່ມັກຫາກິນ, ຊຸມແຊວຕາມເທັກຕາມບາ, ຕາມຄຸ້ມບ້ານ, ຊຸມຊົນຫ້ອງແຖວ ເພາະຄົນກຸ່ມນີ້ມີຄວາມສ່ຽງຕໍ່ການຕິດເຊື້ອຕິດຕໍ່ໜໍ່ເນື່ອງລາມພະລາມຈົວ, ແຕ່ພວກເຮົາກໍໝັ້ນໃຈວ່າ ເມື່ອໃດທຸກຄົນໄດ້ເຂົ້າເຖິງຢາວັກຊີນແລ້ວ ຄາດວ່າສະພາບຄົນຕິດເຊື້ອໂຄວິດ-19 ໃນປະເທດເຮົາອາດບໍ່ມີ ຫລື ມີກໍໜ້ອຍທີ່ສຸດ. ໄປຄຽງຄູ່ກັນນັ້ນ ເມື່ອກ່າວເຖິງການປິ່ນປົວຂອງແພດໝໍເຮົາກໍນັບມື້ເກັ່ງ ທັງມີບົດຮຽນ ແລະ ນັບມື້ທັນສະໄໝຂຶ້ນເລື້ອຍໆ.
ເມື່ອຕັ້ງໂຈດກັນວ່າ ເມື່ອພະຍາດໂຄວິດ-19 ໄດ້ຫາຍຂາດຈາກປະເທດລາວແລ້ວ ຈະມີຫຍັງເກີດຂຶ້ນຕໍ່ຄົນລາວ ? ຄຳຕອບກໍຄື ທຸກສິ່ງຢ່າງຈະຫວນຄືນມາຢູ່ໃນສະພາບປົກກະຕິ, ຊີວິດການເປັນຢູ່ຂອງປະຊາຊົນບັນດາເຜົ່າກໍຈະດີຂຶ້ນ, ການຜະລິດ, ທຸລະກິດການງານຕ່າງໆກໍເດີນແມ່ນແລ່ນສະດວກ, ໄປບໍ່ຄາມາບໍ່ຂ້ອງ, ເສດຖະກິດ-ສັງຄົມຂອງບ້ານເຮົາກໍຈະນັບມື້ພັດທະນາ, ສັງຄົມມີຄວາມສະຫງົບປອດໄພ ໄປໃສມາໃສກໍມີແຕ່ຄວາມມ່ວນຊື່ນ, ທຸກຄົນຫ້າວຫັນຕໍ່ການສ້າງສາພັດທະນາ ອັນນີ້ລະເຂົາເອີ້ນວ່າ: ເຮັດສົງຄາມຕ້ານໂຄວິດ-19 ຖືກຕາມປ່ອງລ່ອງຕາມແປວ.

ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ - Wave100S AD to Website 2020 0 - ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ
ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ - WhatsApp Image 2020 05 27 at 5 - ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ
ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ - WhatsApp Image 2020 05 27 at 5 - ເຮັດສົງຄາມຕ້ານໂຄວິດຖືກຕາມປ່ອງລ່ອງຕາມແປວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!