7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ

7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ - Lpn20 17 - 7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ
7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ - AGL banner - 7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ

ທ່ານ ນາງ ວິໄລພອນ ວໍລະພິມ ຫົວໜ້າກົມລ້ຽງສັດ ແລະ ການປະມົງ ກະຊວງກະສິກຳ  ແລະ ປ່າໄມ້ ໄດ້ໃຫ້ສຳພາດຕໍ່ນັກຂ່າວໜັງສືພິມ ລາວພັດທະນາ ໃນວັນທີ 8 ມິຖຸນາ 2021 ວ່າ: ໃນກາງເດືອນ ເມສາ ຜ່ານມາ ສປປ ລາວ ໄດ້ມີລາຍງານການລະບາດພະຍາດຜິວໜັງອັກເສບຕິດຕໍ່ງົວຄວາຍ (lumpy skin disease) ເປັນພະຍາດຕິດເຊື້ອໄວຣັດ ເຮັດໃຫ້ສົ່ງຜົນກະທົບຕໍ່ສຸຂະພາບງົວ-ຄວາຍ ແຕ່ບໍ່ສາມາດຕິດສູ່ຄົນໄດ້, ພະຍາດນີ້ເກີດຈາກເຊື້ອ ໃນຕະກຸນ ຕິດຕໍ່ດ້ວຍການສຳຜັດໂດຍກົງເຊັ່ນ: ກິນອາຫານທີ່ປົນເປື້ອນເຊື້ອ, ໃກ້ຊິດຝູງ ແລະ ສຳພັດເຊື້ອ ຫລື ໂຕທີ່ມີເຊື້ອຢູ່, ສານຄັດລັ່ງ ຫຼື ສະເກັດ ຂອງໂຕທີ່ເຊື້ອ, ຕິດໂດຍທາງອ້ອມຄື: ແມງດູດເລືອດ (ຍຸງ, ເເມງວັນ, ໂຕເຫລືອກ, ເຫັບ…) ເຊິ່ງໄດ້ກະຈາຍໄປຢູ່ຫລາຍແຂວງໃນທົ່ວປະເທດອັນໄດ້ສົ່ງຜົນກະທົບໃຫ້ແກ່ຊາວກະສິກອນເປັນຈຳນວນບໍ່ໜ້ອຍ.

ອີງຕາມການລາຍງານໃນທ້າຍເດືອນພຶດສະພາ 2021 ແຂວງທີ່ເກີດລະບາດ ມີ 7 ແຂວງ, 30 ເມືອງ, 126 ບ້ານ, ເຊິ່ງຜົນລາຍງານຫລ້າສຸດມີຕົວເລກການຕິດເຊື້ອເກືອບ 11.000 ໂຕ ແລະ ປົວດີເປັນຈຳນວນຫລາຍ.

ໃນນັ້ນ, ຫລາຍກວ່າໝູ່ແມ່ນແຂວງ ຄຳມ່ວນ ມີເຖິງ 5.100 ໂຕ, ປົວດີ 3.000 ກວ່າໂຕ, ຕາຍ 60 ກວ່າໂຕ ແລະ ແຂວງ ສະຫວັນ ເກືອບ 4.000 ໂຕ, ປົວດີ 3.000 ໂຕ, ຕາຍ 60 ໂຕ, ສຳລັບບະຄອນຫລວງວຽງຈັນ ເຂດທີ່ໃຫ້ຂໍ້ມູນແມ່ນຕິດ 2.000 ກວ່າໂຕ, ປົວດີ  1.000 ກວ່າໂຕ ແລະ ຕາຍ 12 ໂຕ.

ຕໍ່ເຫດການລະບາດດັ່ງກ່າວ, ກົມລ້ຽງສັດ ແລະ ການປະມົງ ໄດ້ໃຫ້ການຊ່ວຍເຫລືອເພື່ອແກ້ໄຂຊາວກະສິກອນ ໂດຍສົມທົບກັບອົງການປົກຄອງທ້ອງຖິ່ນ ພະແນກກະສິກຳ ແລະ ປ່າໄມ້ແຂວງ, ຂະແໜງລ້ຽງສັດ ແລະ ການປະມົງ ນະຄອນຫລວງ-ແຂວງ-ເມືອງ, ໂດຍສະເພາະບັນດາດ່ານສາກົນຕ່າງໆເນັ້ນໃຫ້ເຂັ້ມງວດການເຄື່ອນຍ້າຍນຳສັດເຂົ້າ-ອອກ, ເຜີຍແຜ່ໂຄສະນານິຕິກຳດ້ານກົດໝາຍວ່າດ້ວຍການລ້ຽງສັດ, ວາງດຳລັດວ່າດ້ວຍການຄວບຄຸມການລ້ຽງສັດ ໄດ້ເອົາໃຈໃສ່ອອກແຈ້ງການໃນການເຂັ້ມງວດຕ່າງໆ ເພື່ອສະກັດກັ້ນບໍ່ໃຫ້ລະບາດອອກໄປສູ່ແຂວງທີ່ບໍ່ມີການລະບາດ.

7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ - Wave100S AD to Website 2020 0 - 7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ

ສ່ວນວິທີການຮັກສາແມ່ນປີ່ນປົວໄປຕາມອາການ, ຍັງບໍ່ມີວິທີການຮັກສາທີແນ່ນອນ ແລະ ຍັງບໍ່ມີວັກຊີນປ້ອງ.

 

7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ - WhatsApp Image 2020 05 27 at 5 - 7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ
7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ - WhatsApp Image 2020 05 27 at 5 - 7 ແຂວງໃນລາວ ກວດພົບງົວຄວາຍເປັນພະຍາດຜິວໜັງອັກເສບແລ້ວເກືອບ 11 ພັນໂຕ

Comment

    Anonymous
    09/06/2021 - 10:24 am

    ລະອຽດແມ່ນມີແຂວງໃດແດ່

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!