ຍີ່ປຸ່ນ​ສະ​ໜອງ​​ຊຸດ​ປ້ອງ​ກັນ PPEs ໃຫ້​ ສປປ ລາວ ​ເພື່ອຕໍ່​ສູ້​ກັບ​ພະ​ຍາ​ດ​ໂຄວິດ-19

- 555 4 - ຍີ່ປຸ່ນ​ສະ​ໜອງ​​ຊຸດ​ປ້ອງ​ກັນ PPEs ໃຫ້​ ສປປ ລາວ ​ເພື່ອຕໍ່​ສູ້​ກັບ​ພະ​ຍາ​ດ​ໂຄວິດ-19
- AGL banner - ຍີ່ປຸ່ນ​ສະ​ໜອງ​​ຊຸດ​ປ້ອງ​ກັນ PPEs ໃຫ້​ ສປປ ລາວ ​ເພື່ອຕໍ່​ສູ້​ກັບ​ພະ​ຍາ​ດ​ໂຄວິດ-19

ໃນວັນທີ 9 ມິຖຸນານີ້, ສະຖານທູດຍີ່ປຸ່ນປະຈຳລາວ ໄດ້ມອບຊຸດ​ປ້ອງ​ກັນ ຫຼື PPEs ທີ່​ໄດ້​ຮັບ​ການ​ຊ່ວຍ​ເຫຼືອຈາກ​ລັດ​ຖະ​ບານ​ຍີ່​ປຸ່ນ ໃຫ້ ສປປ ລາວ, ເຊິ່ງພິທີມອບ-ຮັບໄດ້ມີຂຶ້ນທີ່ກ​ະ​ຊວງ​ສາ​ທາ​ລະ​ນະ​ສຸກ ລະຫວ່າງທ່ານ ບຸນ​ແຝງ ພູມ​ມະ​ໄລ​ສິດ ​​ລັດ​ຖະ​ມົນ​ຕີ​ກະ​ຊວງ​ສາ​ທາ​ລະ​ນະ​ສຸກ ແລະ ທ່ານ ທາ​ເກວະກະ ເຄ​ໂຊ ​ເອກ​ອັກ​ຄະ​ຣາ​ຊະ​ທູ​ດ​ຍີ່​ປຸ່ນ​ປະ​ຈຳ​ລາວ​ ແລະ ດ​ຣ. ມາກ ເຈ​ຄອບ ຫົວ​ໜ້າ​ອົງ​ການ​ອະ​ນາ​ໄມ​ໂລກ​ປະ​ຈຳລາວ​ເຂົ້າ​ຮ່ວ​ມ.

ອຸ​ປະ​ກອນ​ປ້ອງ​ກັນ​ດັ່ງ​ກ່າວລວມ​ມີ: ຊຸດ​ປ້ອງ​ກັນ 20.000 ຊຸດ, ໜ້າ​ກາກ​ໜາ​ພິ​ເສດ (ໜ້າ​ກາກ N95) 8.000 ອັນ, ແວ່ນ​ຕາ​ປ້ອງ​ກັນ 1.250 ຊຸດ ແລະ ຖົງ​ມື​ການ​ແພດ 50.000 ຄູ່. ເຊິ່ງເປັນ​​​ຈັດ​ຊື້​ຈາກ​ມູນ​ນິ​ທິ​ອາ​ຊີ-ເອີ​ຣົບ (ASEF) ໃຫ້​ທຶນ​ໂດຍ​ລັດ​ຖະ​ບານ​ຍີ່​ປຸ່ນ ແລະ ​ໄດ້​ຖືກ​ສົ່ງມາ​ຈາກ​ປະ​ເທດ​ສິງ​ກະ​ໂປ​ມາ​ເຖິງ​ນະ​ຄອນຫຼວງວຽງ​ຈັນ ໂດຍ​ຜ່ານ​ການ​ປະ​ສານ​ງານ​ກັບ​ອົງ​ການ​ອະ​ນາ​ໄມ​ໂລກ​ປ​ະ​ຈຳ​ຫ້ອງ​ການ​ປາ​ຊີ​ຟິກ​ຕາ​ເວັນ​ຕົກ (WPRO). ການ​ສະ​ໜອງ​ຊຸດ​ປ້ອງ​ກັນ​ຈາກ​ຍີ່​ປຸ່ນ​ໃນ​ເທື່ອ​ນີ້​ແມ່ນ​ເປັນ​ຄັ້ງ​ທີ​ສອງ, ເຊິ່ງ​ເທື່ອ​ທຳ​ອິດ​ແມ່ນຖືກ​ຈັດ​ສົ່ງ​ໃນ​ເດືອນ 2 ປີ 2020 ທີ່​ຜ່ານ​ມາ.

- Wave100S AD to Website 2020 0 - ຍີ່ປຸ່ນ​ສະ​ໜອງ​​ຊຸດ​ປ້ອງ​ກັນ PPEs ໃຫ້​ ສປປ ລາວ ​ເພື່ອຕໍ່​ສູ້​ກັບ​ພະ​ຍາ​ດ​ໂຄວິດ-19

ທ່ານ ທູດຍີ່ປຸ່ນ ໄດ້​ກ່າວ​ວ່າ: “ຂ້າ​ພະ​ເຈົ້າ​ຄາດ​ຫວັງ​ວ່າ​ອຸ​ປະ​ກອນ​ເຫຼົ່າ​ນີ້​ຈະເປັນ​ປະ​ໂຫຍດ​ໃຫ້​ແກ່​ການ​ຕໍ້​ສູ້​ກັບ​ພະ​ຍາດ​ໂຄວິດ-19 ຢູ່​ໃນ​ທົ່​ວປະ​ເທດ​ລາວບໍ່ຫຼາຍ​ກໍໜ້ອຍ. ບໍ່ວ່າຍາມໃດປະ​ເທດ​ຍີ່​ປຸ່ນໄດ້​ຮ່ວມ​ຄຽງ​ຂ້າງກັບປະ​ເທດ​ລາວ​​ຕໍ່​ສູ້​ກັບພະ​ຍາດ​ໂຄວິດ-19​ ສະ​ເໝີມາ, ​ການ​ຊ່ວຍ​ເຫຼືອ​ໃນ​ຄັ້ງ​ນີ້ຈະ​ເຮັດ​ໃຫ້​ຄວາມ​ສຳ​ພັນ​ໃນການ​ເປັນ​ຄູ່​ມື​ທາງ​ຍຸດ​ທະ​ສາດ ແລະ ​ການສ້າງ​ຕັ້ງຄວາມ​ສຳ​ພັນ​ທາງ​ການ​ທູ​ດຄົບ​ຮອບ 65 ປີໃນ​ປີ​​ແລ້ວ​ນີ້​ມີ​ຄວາມ​ເຂັ້ມ​ແຂງ​ຍິ່ງ​ຂຶ້ນກວ່າ​ເກົ່າ”.

- WhatsApp Image 2020 05 27 at 5 - ຍີ່ປຸ່ນ​ສະ​ໜອງ​​ຊຸດ​ປ້ອງ​ກັນ PPEs ໃຫ້​ ສປປ ລາວ ​ເພື່ອຕໍ່​ສູ້​ກັບ​ພະ​ຍາ​ດ​ໂຄວິດ-19
- WhatsApp Image 2020 05 27 at 5 - ຍີ່ປຸ່ນ​ສະ​ໜອງ​​ຊຸດ​ປ້ອງ​ກັນ PPEs ໃຫ້​ ສປປ ລາວ ​ເພື່ອຕໍ່​ສູ້​ກັບ​ພະ​ຍາ​ດ​ໂຄວິດ-19
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!