ໂຮມຊຸມນຸມໃຫຍ່ສະເຫລີມສະຫລອງ 2 ວັນປະຫວັດສາດລາວ-ຫວຽດນາມ

- advert banner 728 90 728x90 - ໂຮມຊຸມນຸມໃຫຍ່ສະເຫລີມສະຫລອງ 2 ວັນປະຫວັດສາດລາວ-ຫວຽດນາມ

- Untitled 1 1 1024x618 - ໂຮມຊຸມນຸມໃຫຍ່ສະເຫລີມສະຫລອງ 2 ວັນປະຫວັດສາດລາວ-ຫວຽດນາມ  ພິທີໂຮມຊຸມນຸມໃຫຍ່ສະເຫລີມສະຫລອງ 2 ວັນປະຫວັດສາດລາວ-ຫວຽດນາມຄື: ວັນເຊັນສົນທິສັນຍາມິດຕະພາບ ແລະ ການຮ່ວມມືຄົບຮອບ 40 ປີ (18 ກໍລະກົດ 1977-18 ກໍລະກົດ 2017) ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 55 ປີ (5 ກັນຍາ 1962-5 ກັນຍາ 2017) ໄດ້ຈັດຂຶ້ນໃນວັນທີ 18 ກໍລະກົດນີ້ຢູ່ນະຄອນຫລວງວຽງຈັນ, ໂດຍມີ ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ, ທ່ານນາງ ຕ່ອງທິຝ່ອງ ຮອງປະທານສະພາແຫ່ງຊາດແຫ່ງ ສສ. ຫວຽດນາມ, ມີບັນດາຮອງນາຍົກລັດຖະມົນຕີ, ລັດຖະມົນຕີ, ພ້ອມດ້ວຍອະດີດການນຳພັກ-ລັດເຂົ້າຮ່ວມ.

- new3 - ໂຮມຊຸມນຸມໃຫຍ່ສະເຫລີມສະຫລອງ 2 ວັນປະຫວັດສາດລາວ-ຫວຽດນາມ

ໃນໂອກາດນີ້, ທ່ານປະທານປະເທດ ບຸນຍັງ ວໍລະຈິດ ໄດ້ຍົກໃຫ້ເຫັນເຖິງມູນເຊື້ອການຕໍ່ສູ້ຊ່ວຍເຫລືອເຊິ່ງກັນ ແລະ ກັນລະຫວ່າງປະຊາຊົນສອງຊາດ ລາວ-ຫວຽດນາມ ໃນການຕໍ່ສູ່ອັນຍືດເຍື້ອຍາວນານ, ຕ້ານພວກລ່າເມືອງຂຶ້ນ ທັງເກົ່າ ແລະ ໃໝ່ ຈົນສາມາດຍາດໄດ້ຮັບໄຊຊະນະຮ່ວມກັນ, ເຊິ່ງທັງສອງຊາດລາວ-ຫວຽດນາມ ໄດ້ມີການພົວພັນຖານບ້ານໃກ້ເຮືອນຄຽງທີ່ດີນຳກັນ ມາແຕ່ບູຮານນະການ, ປະຊາຊົນສອງຊາດໄດ້ດຳລົງຊີວິດ ແລະ ທຳມາຫາກິນບົນຜືນແຜນດິນທີ່ມີສາຍພູຫລວງຍາວຢຽດ ແລະ ແມ່ນ້ຳຫລາຍສາຍຕິດຈອດກັນແຕ່ເໜືອເຖິງໃຕ້, ໃນຍາມທຸກກໍກັນຮ່ວມທຸກ, ໃນຍາມສຸກກໍຮ່ວມກັນສຸກຕະຫລອດມາ, ທັງໄດ້ຜ່ານການທົດສອບໃນຂະບວນການວິວັດແຫ່ງການຕໍ່ສູ້ຕ້ານພວກລ່າເມືອງຂຶ້ນຕ່າງດ້າວອັນຍືດເຍື້ອຍາວນານ ແລະ ສຸດແສນລະອິດລະອ້ຽວຂ້ຽວຂາດ, ເຊິ່ງສອງຊາດລາວ-ຫວຽດນາມ ໄດ້ອີງຫລັງໃສ່ກັນ, ຮັກແພງເຊື່ອໝັ້ນເຊິ່ງກັນ ແລະ ກັນ, ຍອມເສຍສະຫລະ ແລະ ຮ່ວມເປັນຮ່ວມຕາຍນຳກັນ, ອັນນັ້ນແມ່ນບໍ່ເກີດແຫ່ງການພົວພັນສາມັກຄີພິເສດທີ່ກາຍເປັນປັດໄຈຕັດສິນຜົນສຳເລັດ ແລະ ໄຊຊະນະຂອງການປະຕິວັດຢູ່ສອງປະເທດຂອງພວກເຮົາ ເຊິ່ງເປັນຕົວແບບທີ່ຫາໄດ້ຍາກໃນການພົວພັນລະຫວ່າງຊາດຢູ່ໃນໂລກ, ເປັນສາຍພົວພັນທີ່ຍິ່ງໃຫຍ່, ເລິກເຊິ່ງ, ດູດດື່ມ ແລະ ເປັນມໍລະດົກລ້ຳຄ່າຂອງທັງສອງຊາດລາວ-ຫວຽດນາມ.

ການນຳພັກ-ລັດຮ່ວມຊົມລະຄອນເວທີເລື່ອງ “ຮ່ວມຂຸມຄອງດຽວກັນ” ສະຫລອງປີສາມັກຄີລາວ-ຫວຽດນາມ

- lattana 1 - ໂຮມຊຸມນຸມໃຫຍ່ສະເຫລີມສະຫລອງ 2 ວັນປະຫວັດສາດລາວ-ຫວຽດນາມ

ບຸນມະ​​ໂຫລານ​ມິດຕະພາບລາວ-ຫວຽດນາມໄຂ​ຂຶ້ນດ້ວຍບັນຍາກາດຟົດຟື້ນ

ທ່ານປະທານປະເທດ ບຸນຍັງ ວໍລະຈິດ ກ່າວວ່າ: ພາຍຫລັງປະເທດຊາດໄດ້ຮັບການປົດປ່ອຍໃນປີ 1975 ສອງປະເທດລາວ-ຫວຽດນາມໄດ້ກ້າວເຂົ້າສູ່ສັງກາດໃໝ່, ສັງກາດແຫ່ງສັນຕິພາບ, ເອກະລາດ, ເອກະພາບ ແລະ ປະຕິບັດເປັນເຈົ້າຕົນເອງໃນການປົກປັກຮັກສາ ແລະ ສ້າງສາພັດທະນາປະເທດຊາດໄປສູ່ຈຸດໝາຍສັງຄົມນິຍົມທີ່ວາງໄວ້. ໃນເງື່ອນໄຂ ແລະ ສະພາບແວດລ້ອມໃໝ່ນີ້, ສາຍພົວພັນພິເສດລະຫວ່າງສອງຊາດຍິ່ງໄດ້ຮັບການເສີມຂະຫຍາຍສູ່ລະດັບໃໝ່, ເປັນສາຍພົວພັນລະຫວ່າງສອງລັດທີ່ມີເອກະລາດ, ມີອຳນາດອະທິປະໄຕຢ່າງເຕັມສ່ວນ ແລະ 55 ປີແຫ່ງການສ້າງຕັ້ງສາຍພົວພັນການທູດ ແລະ 40 ປີແຫ່ງການເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງສອງປະເທດແມ່ນໄລຍະເວລາແຫ່ງການທົດສອບຄວາມໝັ້ນແກ່ນແໜ້ນໜຽວຂອງສາຍພົວພັນລະຫວ່າງສອງປະເທດພວກເຮົາ ເຊິ່ງເປັນພື້ນຖານອັນໜັກແໜ້ນໃຫ້ແກ່ການເພີ່ມທະວີການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມໃນໄລຍະໃໝ່ກໍຄືປັດຈຸບັນ.

error: Content is protected !!