ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ?

ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ? - unnamed - ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ?
ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ? - AGL banner - ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ?

ໂດຍ: ລູກເມືອງພວນ

ຫຼາຍຄົນຄົງຈະຮູ້ ຈະເຫັນຢູ່ໃນໜ້າເຟສບຸກ ຫຼື ໃນສື່ສັງຄົມອອນລາຍ ຕ່າງໆ ທີ່ໂຄສະນາຂາຍຜະລິດຕະພັນ ແລະ ສິນຄ້າປະເພດຕ່າງໆ ແມ່ນມາກມາຍກ່າຍກອງ ໂດຍສະເພາະແມ່ນຊ່ວງໂຄວິດ-19 ລະບາດ ໄປໃສມາໃສບໍ່ໄດ້ນີ້.
ຖ້າຈະເວົ້າຢ່າງໜຶ່ງກະເປັນການດີ ເພາະການບໍລິການເຖິງໃຈ ໄວວາ ທັນການ. ແຕ່ມີບັນຫາເກີດຂຶ້ນຫຼາຍກໍລະນີແລ້ວ ທີ່ສິນຄ້າສົ່ງໄປໃຫ້ລູກຄ້ານັ້ນບໍ່ຕົງກັບການໂຄສະນາ, ບໍ່ກົງກັບສະເປັກ ຫຼື ເມື່ອໃຊ້ໄປແລ້ວຄຸນນະພາບບໍ່ດີຄືກັບໂຄສະນາ, ມີບາງສິນຄ້າຍັງໂຄສະນາເກີນຄວາມເປັນຈິງກໍມີ.
ສິນຄ້າທີ່ເປັນເຄື່ອງນຸ່ງຂອງຖື, ເຄື່ອງມືໃຊ້ສອຍ, ວັດຖຸສິ່ງຂອງທີ່ບໍ່ໄດ້ກິນເຂົ້າໄປໃນຮ່າງກາຍກະຍັງໄຄແດ່, ແຕ່ປະເພດສິນຄ້າທີ່ເປັນເຄື່ອງຢູ່ຂອງກິນ ແລະ ໂດຍສະເພາະແມ່ນຜະລິດຕະພັນຢາປົວພະຍາດ ແມ່ນມີຄວາມອັນຕະລາຍສູງຫຼາຍຕໍ່ສຸຂະພາບຂອງຄົນເຮົາ ເພາະມັນໝາຍເຖິງຊີວິດອິນຊີນັ້ນເອງ.
ຢາທີ່ນຳມາໂຄສິນາໃນໜ້າສື່ສັງຄົມອອນລາຍນັ້ນ ແມ່ນມີຫຼາກຫຼາຍປະເພດຍີ່ຫໍ້ ທັງຜະລິດຢູ່ພາຍໃນ ແລະ ຕ່າງປະເທດ ແຕ່ສ່ວນຫຼາຍແມ່ນປະເພດນຳເຂົ້າເປັນຕົ້ນຕໍ, ມີສັບພະຄຸນທີ່ຫຼາກຫຼາຍ, ມີຢາບາງຊະນິດສາມາດປິ່ນປົວດີໄດ້ເຖີງ 5-6 ພະຍາດດ້ວຍກັນ, ພຽງເທົ່ານີ້ກໍຍັງເຫຼືອເຊື່ອຢູ່ແລ້ວ. ຍິ່ງໄປກວ່ານັ້ນ ຍັງບໍ່ທັນເວົ້າເຖິງຂະແໜງສາທາລະນະສູກອອກມາເວົ້າແນວໃດກ່ຽວກັບການໂຄສະນາຂາຍຢາປົວພະຍາດດັ່ງກ່າວໃນສື່ສັງຄົມອອນລາຍໃນທຸກວັນນີ້. ເຫັນແຕ່ຜູ້ໂຄສະນາອ້າງວ່າໄດ້ຜ່ານ ອຢ ແລ້ວ, ແຕ່ບໍ່ເຫັນເລກທະບຽນຮັບຮອງຈາກ ອຢ ຫຼື ລາຍເຊັນຜູ້ຮັບຮອງ ແລະ ກາປະທັບຢ່າງຖືກຕ້ອງຈາກພາກສ່ວນກ່ຽວຂ້ອງແຕ່ຢ່າງໃດເລີຍ.
ມີຜູ້ຮູ້ເທົ່າບໍ່ເຖິງການ ກໍສັ່ງຊື້ມາກິນ, ມາປົວຕົນເອງຕາມລຳພັງໃຈ ໂດຍບໍ່ໄດ້ມີການວິນິໄສ ຫຼື ບົ່ງມະຕິພະຍາດຈາກແພດໝໍແຕ່ຢ່າງໃດ. ມີບາງກໍລະນີກໍດີ ແຕ່ມີບາງກໍລະນີກະເກີດຜົນຂ້າງຄຽງຂຶ້ນມາ ເຮັດໃຫ້ເພີ່ມພະຍາດໃສ່ຕົນເອງຕື່ມອີກ ແທນທີ່ຢາກໃຫ້ສຸຂະພາບຂອງແຮງດີ ກໍກັບກາຍເປັນອັນວ່າສຸຂະພາບອ່ອນເພຍໄປອີກຊໍ້າ. ນີ້ແຫລະຄືຄວາມອັນຕະລາຍຊື້ສິນຄ້າທາງອອນລາຍໂດຍບໍ່ມີການຄວບຄຸມ, ຕິດຕາມ, ກວດກາ ແລະ ຂາດຄວາມຮັບຜິດຊອບຂອງຂະແໜງການກ່ຽວຂ້ອງ.
ຈາກເຫດຜົນດັ່ງກ່າວຈຶ່ງຮຽກຮ້ອງມາຍັງຂະແໜງສາທາລະນະສຸກ ແລະ ພາກສ່ວນກ່ຽວຂ້ອງທຸກພາກສ່ວນ ຈົ່ງໄດ້ເປັນເຈົ້າການຕິດຕາມ, ກວດກາການໂຄສະນາຂາຍສິນຄ້າ ຫຼື ຜະລິດຕະພັນຕ່າງໆໃນສື່ສັງຄົມອອນລາຍຕື່ມອີກ ເພື່ອຄວາມປອດໄພສຸຂະພາບຂອງຊປະຊາຊົນ. ໂດຍສະເພາະແມ່ນຜະລິດຕະພັນຢາປົວພະຍາດ
ທາງທີ່ດີທີ່ສຸດ, ຂະແໜງການກ່ຽວຂ້ອງຕ່າງໆ ຄວນອອກໃບອະນຸຍາດ, ເລກທະບຽນ, ລາຍເຊັນ, ກາປະທັບໃສ່ຄັກແນ່. ເມື່ອເຈົ້າຂອງເພຈຕ່າງໆ ໂຄສະນາຂາຍສິນຄ້າຂອງຕົນກໍໃຫ້ເອົາໃບອະນຸຍາດ, ເລກທະບຽນ ແລະ ລາຍເຊັນປະທັບການັ້ນລົງໂຄສະນາຕິດພັນກັບຜະລິດຕະພັນຂອງຕົນໄປນຳ, ທັງນີ້ກໍເພື່ອເປັນການຖືກຕ້ອງຕາມການອະນຸມັດທີ່ແທ້ຈິງ ເພື່ອໃຫ້ຜູ້ບໍລິໂພກມີຄວາມໝັ້ນໃຈໃນການຊົມໃຊ້ ແລະ ນຳໃຊ້ຜະລິດຕະພັນຕ່າງໆ ເທົ່ານັ້ນ, ເພື່ອຄວາມໝັ້ນໃຈວ່າມີຄວາມປອດໄພໃນຊີວິອິນຊີຂອງປະຊາຊົນແທ້.

ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ? - Wave100S AD to Website 2020 0 - ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ?
ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ? -    AD conten website - ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ?
ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ? - lattana banner - ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ?
ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ? - lattana banner 1 - ສາທາລະນະສຸກມີຄວາມຮັບຜິດຊອບແນວໃດ ໃນການໂຄສະນາຂາຍຜະລິດຕະພັນຢາປົວພະຍາດໃນສື່ສັງຄົມອອນລາຍ?
error: Alert: ເນື້ອຫາຂ່າວມີລິຂະສິດ !!