ເຈົ້າໜ້າທີ່ເຜີຍຈະສາມາດສະຫລຸບສາເຫດໄຟໄໝ້ສູນການຄ້າສາກົນຊັ່ງຈຽງໃນໄວໆນີ້

- press 1 - ເຈົ້າໜ້າທີ່ເຜີຍຈະສາມາດສະຫລຸບສາເຫດໄຟໄໝ້ສູນການຄ້າສາກົນຊັ່ງຈຽງໃນໄວໆນີ້
- Untitled design - ເຈົ້າໜ້າທີ່ເຜີຍຈະສາມາດສະຫລຸບສາເຫດໄຟໄໝ້ສູນການຄ້າສາກົນຊັ່ງຈຽງໃນໄວໆນີ້

- press 1 - ເຈົ້າໜ້າທີ່ເຜີຍຈະສາມາດສະຫລຸບສາເຫດໄຟໄໝ້ສູນການຄ້າສາກົນຊັ່ງຈຽງໃນໄວໆນີ້

ໃນວັນທີ 18 ກໍລະກົດນີ້, ທ່ານ ພູວົງ ວົງຄຳຊາວ ຫົວໜ້າຫ້ອງວ່າການປົກຄອງນະຄອນຫລວງວຽງຈັນ ແລະ ທ່ານພັນໂທ ຈັນຫອມ ແກ້ວສຸລະໄຊ ຫົວໜ້າຫ້ອງຕຳຫລວດ ປກສ ນະຄອນຫລວງວຽງຈັນໄດ້ຖະແຫລງຕໍ່ສື່ມວນຊົນ ກ່ຽວກັບການສືບສວນ-ສອບສວນສາເຫດໄຟໃໝ້ສູນການຄ້າຊັ່ງຈຽງໃນວັນທີ 14 ກໍລະກົດຜ່ານມາວ່າ: ປັດຈຸບັນກຳລັງລໍຖ້າຂໍ້ມູນຫລັກຖານທາງນິຕິວິທະຍາ, ການເກັບກຳຂໍ້ມູນຈາກກ້ອງວົງຈອນປິດຢູ່ຈຸດເກີດເຫດ ແລະ ການສືບສວນ-ສອບສວນບຸກຄົນທີ່ຢູ່ໃນເຫດການເພີ່ມເຕີມ ແລະ ຄາດວ່າຈະສາມາດສະຫລຸບສາເຫດແທ້ຈິງຂອງການເກີດໄຟໄໝ້ໃນໄວໆນີ້, ໂດຍຈະໄດ້ມີການຖະແຫລງຕໍ່ສື່ມວນຊົນຕື່ມອີກ.

ທ່ານ ພູວົງ ວົງຄຳຊາວ ໃຫ້ຮູ້ວ່າ: ສູນການຄ້າດັ່ງກ່າວ, ແມ່ນນັກລົງທຶນຈີນໄດ້ເຮັດສັນຍາເຊົ່າເນື້ອທີ່ດິນທັງໝົດ 17 ເຮັກຕານຳກະຊວງປ້ອງກັນປະເທດ ເປັນເວລາ 50 ປີ ແລະ ໄດ້ໃບອະນຸຍາດລົງທຶນຈາກກະຊວງແຜນການ ແລະ ການລົງທຶນໃນປີ 2006 ແລະ ໄດ້ຮັບໃບອະນຸຍາດດຳເນີນທຸລະກິດຈາກກະຊວງອຸດສາຫະກຳ ແລະ ການຄ້າໃນປີ 2009, ສໍາລັບເນື້ອທີ່ອາຄານສູນການຄ້າທີ່ຖືກໄຟໄໝ້ນີ້ມີທັງໝົດ 15 ພັນກວ່າຕາແມັດ, ມີຫ້ອງຂາຍເຄື່ອງ 430 ຫ້ອງທີ່ເປັນຄົນລາວ, ຄົນຈີນ, ຄົນຫວຽດນາມ ແລະ ໄທ ເປັນເຈົ້າຂອງ ແລະ  ຂາຍເຄື່ອງປະເພດເສື້ອຜ້າ, ເກີບ, ກະເປົາ, ເຄື່ອງຫລີ້ນເດັກນ້ອຍ, ຜ້າກັ້ງ, ເຄື່ອງສຽງ, ຜ້າໄໝ, ຖ້ວຍ, ບ່ວງ ແລະ ເຄື່ອງອຸປະໂພກ-ບໍລິໂພກອື່ນໆ.

ເຈົ້າຂອງສູນການຄ້າຊັງຈຽງສະແດງຄວາມເສຍໃຈກັບຊາວຄ້າຂາຍຈາກເຫດການໄຟໄໝ້ຢ່າງຮຸນແຮງ

- Wave100S AD to Website 2020 0 - ເຈົ້າໜ້າທີ່ເຜີຍຈະສາມາດສະຫລຸບສາເຫດໄຟໄໝ້ສູນການຄ້າສາກົນຊັ່ງຈຽງໃນໄວໆນີ້

ທ່ານຫົວໜ້າຫ້ອງຕຳຫລວດນະຄອນຫລວງວຽງຈັນ ໃຫ້ຮູ້ວ່າ: ເຫດການດັ່ງກ່າວ, ເຈົ້າໜ້າທີ່ໄດ້ໃຊ້ລົດມອດໄຟເປັນຈໍານວນຫລາຍຄັນ ແລະ ກຳລັງພົນກວ່າ 100 ນາຍ ແລະ ໃຊ້ເວລາເກືອບ 4 ຊົ່ວໂມງຈຶ່ງສາມາດຄວບຄຸມເພິງໄວ້ໄດ້ ແລະ ພາຍຫລັງເກີດເຫດໄດ້ຕັ້ງຄະນະຮັບຜິດຊອບລົງກວດກາຊັນນະສູດສະຖານທີ່ເກີດເຫດ, ພ້ອມທັງເກັບກຳຂໍ້ມູນຫລັກຖານພະຍານດ້ານວັດຖຸຕ່າງໆ ແລະ ມາຮອດປັດຈຸບັນສາມາດເກັບກຳຂໍ້ມູນຫລັກຖານໄດ້ຫລາຍສົມຄວນ ແລະ ອີກບໍ່ດົນຈະຮູ້ເຖິງສາເຫດແນ່ນອນ ແລະ ຈະໄດ້ຖະແຫລງໃຫ້ສັງຄົມໄດ້ຮັບຊາບໃນໄວໆນີ້.

- WhatsApp Image 2020 05 27 at 5 - ເຈົ້າໜ້າທີ່ເຜີຍຈະສາມາດສະຫລຸບສາເຫດໄຟໄໝ້ສູນການຄ້າສາກົນຊັ່ງຈຽງໃນໄວໆນີ້
- WhatsApp Image 2020 05 27 at 5 - ເຈົ້າໜ້າທີ່ເຜີຍຈະສາມາດສະຫລຸບສາເຫດໄຟໄໝ້ສູນການຄ້າສາກົນຊັ່ງຈຽງໃນໄວໆນີ້
error: Alert: ເນື້ອຫາຂ່າວມີລິຂະສິດ !!